1 अमी जोन आतमिक रूपमा ताकतवर सेत। उनला कमजोर लोक गिनको सहनो पाहिजे। अमी बस आपरो आपला खुस नोको करो। 2 आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो। 3 यहाँन तकन का मसीह ना भी खुद ला खुस नही कियो होतो। बल्कि जसो मसीह को बारेमा गीरंथ कव्हअ सेत “उनको बेइज्जती जोनना तोरो बेइज्जती कियो सेत। मोरो पर आय गयो सेत।” 4 हरेक वा गोस्टी जोन गिरंथ मा पयले लक लिख्यो गयो सेत, अमिला सिक्सा देवन साठी सेत। जोन लक धीरज अना बढ़ावा गिरंथ लक मिलतो रहेत। जोन लक अमिला आस भटेत। 5 परमेस्वर च धिरज अना सान्ती को देवन वालो से। उ तुमी लोक गीनला असो बरदान देहे, का तुमी यीसु मसीह को सिक्सा को लक आपसी मा मेल-मिलाप को बिचार मा बढ़ावा बनाये राखो। 6 जेनको लक सबा मिलके एकच आवाज मा आमरो पिरभू यीसु मसीह को परमेस्वर दआजि को बड़ाई करत रव्हबिन।

7 जसो यीसु मसीह ना अमीला आपरो परमेस्वर को महिमा काजी अपनाई सेत, वसोच तुमी एक मेक ला भाऊ चारा लक अपनाने 8 मि यो कव्हनो चव्हासू का यीसु मसीह खतना वालो लोक गीनको दास एकोलाय बनयो, का उ बाप दादा लक कियो गयो परन पूरो कर सकेत। अना यो पुरुप कर दे, का परमेस्वर सच्चो वादा करा सेत। 9 अना एकोलाय भी का गैरयहूदी गिनला परमेस्वर को दया भेटे, अना वय स्तुती करे। जसो गिरंथ मा लिख्यो सेत,

10 अना असो भी लिखयो सेत,

11 मंग असो भी “ओ सब गैरयहुदि लोकगीन पिरभू को स्तुति करो, अना सप्पा देस को लोकगीन वोको बडाई करयेत।”

12 मंग भविस्यवक्ता यसायाह कव्हसेत “यिसै को बंस को मानूस चोहेत, उ गैरयहुदी गिनमा सासन करन आहेत। अना वय वोको मा आरो आस ठेयेत।” 13 अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

14 ओ मोरो संगीहुन! जहान तकन तुमरो बारेमा मी खुदच बेखटका सेव, अना भरोसा सेत, का तुम खुद च साजरा अना सप्पा गियान लक भरो हुयो सेव। अना तुमी ला एतरो मालुम सेत, का एक मेक ला समजा सको। 15 तोभी मि ना काही-काही हेत दिलावन काजी तुमीला लगत हिम्मत जुटाय के लिखी सेउ। यो वोना किरपा को कारन भयो, जोना परमेस्वर ना मोला दियो सेत। 16 का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय। 17 एको लाय मोला यीसु मसीह मा, वोना गोस्टी को बारेमा, जोन परमेस्वर को बारे मा से। बडाई करन को कारन भेटयो से। 18 उन गोस्टी ला छोड़, मी कोनी दुसरो गोस्टी करन को हिम्मत नही करू, जोन यीसु मसीह मा गैरयहुदी गिनला, परमेस्वर को हुकूम मानन को रस्ता दिसान को काम मोरो बचन, करम, 19 अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ। 20 पर मोरो मनमा यो उमंग सेत। का जहान-जहान यीसु मसीह को नाव नही लियो गयो से, वहान साजरो बारता आयकाव, असो न हो का दुसरो को रद्दा मा घर बनाऊ। 21 पर जसो लिखिसे वसोच हो “जोन को जवर वोको साजरा बारता नही पहुचिसेस, वय चोहेत। अना जोन ना नही आयकिसेस, वो च समजेत।”

22 एकोलाय मी बार-बार तुमी लोक गीनको कठा आवनो लक रुकयो रव्हयो सेऊ।रोमियो 1:13 23 परअ अबा ऐना देस मा मोरो काम को लाय जघा नाहती। अना लगत साल लक तुमरो कठा आवन को मनसा सेत। 24 एकोलाय जबा मी स्पेन ला जाहु तो तुमरो कठा लक जाहु, काहेका मोला वोना यातरा मा मुलाकात होयहेत असो आस सेत। अना जबा तुमरो संगति लक मन भर जाए तबा मोला काही दुहुर पूढा धाड़ जोस। 25 परअ अभिसिन मी, पवीतर लोकगीन को सेवा करन को लाय येरुसलेम नगर जावासू। 26 काहेका मकीदुनिया अना अखया को संगती करनवारा लोक गीनला, यो साजरा लगिसेस, का येरुसलेम को पवीतर लोकगीन मा गरिब लोक गिनको लाय काही चन्दा करे। 27 उनला साजरा तो लग्यो, परअ वय उनको करजदार भी सेत, काहेका गैर यहुदी उनको आतमिक बात मा हिस्सादार बनिन, तो उनको यो फरज सेत। का देह को बारेमा उनको सेवा करे। 28 एकोलाय मि यो काम पूरो करके, अना उनला यो चन्दा सुरक्सित सोपके, तुमारो जवर लक स्पेन जाबिन। 29 मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।

30 अबा ओ संगीहुन! आमरो पिरभू यीसु मसीह अना पवीतर आतमा को माया लक, मि तुमी लक बिनती करासू, का मोरो लाय परमेस्वर लक पिराथना करनो मा मोरो संग लग्यो रव्हो। 31 जेनको लक मी यहुदिया को भरोसा नही ठेवनवारा लोकगीन लक बचयो रव्हू। अना मोरो येरुसलेम को सेवा पवीतर लोक मा मानता होहे। 32 जोनलक परमेस्वर को इक्सा को अनुसार मी खुसी-खुसी तुमरो जवर आयके तुमरो संग खुसी मनाऊ। 33 पूरो सांती को धाम परमेस्वर तुमरो संग रव्हे। आमीन।