7
Pachac chuscu chunca chuscuwan waranga (144,000) señalashacuna
1 Chaypitaga ricarä chuscu anjilcuna cay pachapa chuscun cuchuncho ichirpaycajta.* Jer. 49.36; Dan. 7.2; Zac. 6.5 Wayratami chaparaycaran cay pachamanpis lamarmanpis, yöracunamanpis mana wayränanpaj. 2 Juc anjiltapis ricarä inti yagamunan cajpita munayniyoj Tayta Diospa sëllun aptasha aywaycämojta. Payga cay pachapa cuchuncho caj chuscu anjilcuna lamartapis cay pachatapis castigananpaj caycajcunata sinchipa niran: 3 «¡Tayta Dios munashanno cawajcunapa urcuncho manaraj señalashäcamaga ama castïguta chayachiyrächu chacracho wayojcunaman, lamarcho cajcunaman, yöracunamanpis!»* Eze. 9.4, 6
4 Chayno nirmi chay anjil señalaran pachac chuscu chunca chuscu warangan (144,000) runacunata. Paycunaga caran llapan Israel trïbu runacunami:
5 Judá trïbu (12,000),
Rubén trïbu (12,000),
Gad trïbu (12,000),
6 Aser trïbu (12,000),
Neftalí trïbu (12,000),
Manasés trïbu (12,000),
7 Simeón trïbu (12,000),
Leví trïbu (12,000),
Isacar trïbu (12,000),
8 Zabulón trïbu (12,000),
José trïbu (12,000),
Benjamín trïbu (12,000).
Achca runacuna yuraj röpan jatisha syëlucho cashan
9 Chaypitana ricarä yupaytapis mana atipaypaj chaychica runacunata. Paycunaga caran may-chay nasyun runacunami, tucuy trïbu runacunami, tucuy marca runacunami, tucuy casta rimayta rimaj runacunami. Cashni uyshapa y Tayta Diosninchïpa ñaupanchömi caycaran yuraj röpan jatisha, palmancuna aptasha. 10 Paycunami sinchipa niran:
«¡Sillunniquicho jamaraycaj Tayta Dios,
gammi acrashayqui Cashni uyshawan nogacunata salbamashcanqui!»
11 Llapan anjilcunami tumaparaycaran Tayta Diosta, Tayta Diospa ñaupancho caycaj chuscu anjil-nirajcunata, ishcay chunca chuscu (24) mayur runacunata. Llapan gongurpaycur Tayta Diosta adurar niran:
12 «¡Amén!
¡Tayta Diosninchi alabasha cachun!
¡Payllami llapantapis musyan!
¡Imaycamapis payta agradësicushun!
¡Payllami llapanpäpis munayniyoj caycan!
¡Imaycamapis payta alabashun!
¡Amén!»
13 Chaymi ishcay chunca chuscu (24) mayur runacunapita jucga tapumaran: «¿Picunataj yuraj röpan jatisha caycäga? ¿Maypitataj shamusha?» nir.
14 Nimaptin: «Gamchari musyanqui tayta» nirä.
Niptë chay mayur runa nimaran: «Paycunaga fiyupa ñacaycunacho ñacajcunami.* Dan. 12.1; Mat. 24.21; Mar. 13.19 Cashni uysha yawarninta mashtar wañushanpitami perdunashana carcaycan. Chaymi röpancunapis yuraj caycan.* Juan 1.29; 1Juan 1.7 15 Chaymi Tayta Diospa ñaupancho paycunaga carcaycan. Pagaspa junajpapis Templuncho alabaycan. Sillunnincho jamaraycaj Tayta Diosmi paycunataga imaypis cuydanga. 16 Paycunaga manami imaypis yargangachu, yacunangachu. Intipis manami acangachu. Acaypis mananami yamacächengachu.* Sal. 121.6; Isa. 49.10 17 Tayta Diospa ñaupancho munayniyoj Cashni uyshami paycunataga uyshacunatano ricanga.* Sal. 23.1; Eze. 34.23; Juan 10.1–16 Imaypis mana yacunänanpaj Paymi cawachicoj chuya yacuman pushanga.* Sal. 23.2; Isa. 49.10; Juan 4.10; 7.37 Tayta Diospa ñaupanchöga imaypis manami waganganachu.»* Isa. 25.8; Apoc. 21.4