36
A wuna taara anun Esaau
1 Bi ia a niluluk i ra wuna taara anun Esaau, baa di waatungi kaai naa Edom. 2 Tur 26:34Esaau i taulaa ma tula tabuan Kaanaan, Aadaa, Olibaamaa ma Baasemaat. Aadaa a natun Elon a te Ket, ma Olibaamaa a natun Aanaa, ma Aanaa a natun Sibion a te Kiwi. 3 Tur 28:9Ma Baasemaat a tein Nibaaiot, a ru natun Ismaael.
4 Aadaa i buta taa Elipaas un Esaau, ma Baasemaat i buta Rewel. 5 Ma Olibaamaa i buta Ieus, Iaalam ma Koraa. Bi a kum natnatun Esaau, a kum naat muaana baa di buta ta diat uni irong Kaanaan.
6 Esaau i ben paa anuna tula tabuan, a kum natnatuna a kum muaana ma ra in tabuan, ma diat raap baa diat ki ungaai mai, ungaai ma ra nuna kum wewagua raap. Ma i lo paa anuna kum utnaa raap taangirong Kaanaan, ma i kakaraai kup a pakaana i ki welwelik kon tenalik Iaakob. 7 Anundiaar kum utnaa ma ra kum wewagua raap i bure aakit, ma a pia baa diaar ki uni pa i ngaala kup diaar a ki ungaai uni. 8 Io, Esaau baa di waatungi kaai naa Edom, i lalaaun irong Seir, a wanua na taangaai.
9 Bi ia a niluluk i ra wuna taara anun Esaau, a tamaa ra taara Edom, baa diat ki irong Seir, a wanua na taangaai.
10 Bi diat a iaa ra kum natnatun Esaau a kum naat muaana: Elipaas a natun Aadaa, a tabuan anun Esaau, ma Rewel a natun Baasemaat, a tabuan utkaai anun Esaau.
11 Bi diat a iaa ra kum natnatun Elipaas a kum naat muaana: Temaan, Omaar, Sepo, Gaataam ma Kenaas. 12 Elipaas a natun Esaau i taulaa utkaai ma raa tultul na tabuan, a iaana Timnaa, ma i buta taa raa naat muaana un Elipaas, a iaana baa Aamalek. Diat bi a kum taptabun Aadaa a tabuan anun Esaau.
13 Bi diat a iaa ra kum natnatun Rewel a kum naat muaana: Naakat, Seraa, Saamaa ma Misaa. Diat bi a kum taptabun Baasemaat, a tabuan anun Esaau.
14 Bi ditul a iaa ra tula natnatun Olibaamaa, a tabuan anun Esaau: Ieus, Iaalaam ma Koraa. Olibaamaa a natun Aanaa, ma Aanaa a natun Sibion.
15-16 A kum natnatun Elipaas, a mugaana natun Esaau, diat a kum mukmuga u ra kum aapaapik na wuna taara kon Esaau. Diat a kum mukmuga kon Elipaas baa diat ki irong Edom, a kum taptabun Aadaa. Bi diat: Temaan, Omaar, Sepo, Kenaas, Koraa, Gaataam ma Aamalek.
17 Bi diat a kum natnatun Rewel a natun Esaau: Naakat, Seraa, Saamaa ma Misaa. Diat a kum mukmuga i ra kum aapaapik na taara kon Rewel irong Edom, diat a kum taptabun Baasemaat a tabuan anun Esaau.
18 Bi ditul a kum natnatun Olibaamaa a tabuan anun Esaau: Ieus, Iaalaam ma Koraa. Ditul bi a tula mukmuga i ra tula aapaapik na taara ko ra tabuan anun Esaau, Olibaamaa, a natun Aanaa. 19 Diat raap mi a kum mukmuga i ra kum aapaapik na taara ko ra wuna taara anun Esaau, baa di waatungi kaai naa Edom.
A wuna taara anun Seir
20-21 Bi diat a kum natnatun Seir a te Orit: Lotaan, Sobaal, Sibion, Aanaa, Dison, Eser ma Disaan. Diat bi kuraa diat lalaaun u ra pia Seir, ma diat a kum mukmuga baa diat ki irong Edom.
22 Bi diaar a iaa ra ru natun Lotaan, a ru naat muaana: Ori ma Emaan. Lotaan diaar tenalik ma Timnaa, a tabuan.
23 Bi diat a iaa ra kum natnatun Sobaal a kum naat muaana: Aalwan, Maanaat, Ebaal, Sepu ma Onaam.
24 Bi diaar a iaa ra ru natun Sibion a ru naat muaana: Aaia ma Aanaa. Aanaa, baa i baat paa a polo wuwan baa i waan paat ko ra pia, u ra bil na wanua, baa i bababoura a kum dongki anun tamaana Sibion.
25 Bi diaar a iaa ra ru natun Aanaa: Dison ma Olibaamaa a tabuan.
26 Bi diat a iaa ra kum natnatun Dison: Emdaan, Esbaan, Itraan ma Keraan.
27 Bi ditul a iaa ra tula natnatun Eser: Bilaan, Saawaan ma Aakaan.
28 Bi diaar a iaa ra ru natun Disaan: Us ma Aaraan.
29 Bi diat a kum mukmuga ko ra taara Orit: Lotaan, Sobaal, Sibion, Aanaa, 30 Dison, Eser ma Disaan. A kum mukmuga mi, diat tur wakilang ut nundiat kum aapaapik na taara u ra pia Seir.
A kum king taanga Edom
31 Bi diat a kum king baa diat naagagon namuga irong Edom, baa a taara Israael pa nundiat ta king utbaai.
32 Belaa, a natun Beor, ia a mugaana king irong Edom. Anuna taamaan di waatungi baa Dinabaa.
33 Baa Belaa i maat, Iobaab a natun Seraa taanga Bosraa, ia bulung i king.
34 Baa Iobaab i maat, Usaam ko ra pia anu ra taara Temaan, ia bulung i king.
35 Baa Usaam i maat, Aadaad a natun Bedaad, baa i uwia paa a taara Midian u ra pia Moaab, ia bulung i king. Anuna taamaan di waatungi baa Aawit.
36 Baa Aadaad i maat, Saamlaa ko ra taamaan Mesrekaa, ia bulung i king.
37 Baa Saamlaa i maat, Saaul ko ra taamaan Reobot, naa ra daanim Eupraat, ia bulung i king.
38 Baa Saaul i maat, Baal-Aanaan a natun Aakbor, ia bulung i king.
39 Baa Baal-Aanaan a natun Aakbor i maat, Aadaad bulung i king. Anuna taamaan di waatungi baa Paau. A iaa ra nuna tabuan Metaabel a natun Maatred, ma Maatred a naatun Mesaab.
40-43 Esaau a tamaa ra taara Edom. Ma diat bi a kum mukmuga u ra kum wunwuna taara anun Esaau. Diat ki wemur welaar ut ma ra nundiat kum aapaapik na taara, ma welaar utkaai ma ra kum pakpakaana pia anundiat.
A iaa ra kum mukmuga bi diat:
Timnaa, Aalwaa, Ietet, Olibaamaa, Elaa, Pinon, Kenaas, Temaan, Mibsaar, Maagdiel ma Iraam.
Diat bi maa a kum mukmuga kon Edom, welaar ut ma ra nundiat kum kinkini u ra kum pakpakaana pia baa diat papaam iaai.