١ إِنَا ذ إِسْمَاونْ ن أَيْثْ ن إِسْرَائِيل إِ د-يِيوْضنْ أَكْ-ذ يَاعْقُوبْ غَارْ مِيصْرَا. يُوسَا-د كُوڒْ إِجّْ زَّايْسنْ أَكْ-ذ أَيْثْبَابْ ن ثَادَّارْثْ نّسْ: ◼1:‏1 ’إِسْرَائِيل‘ - وَانِيثَا ذ إِسمْ ن جْذِيذْ إِ يَاعْقُوبْ. خْزَارْ أَمز. 32:29.  ◘1:‏1 أَمز. 46‏:‏8؛ ؤُف. 6‏:‏14. ٢ رُوبِينْ، شِيمْعُونْ، لَاوِي ذ يَاهُوذَا، ◼1:‏2 أَفسَّارْ ن ڒْْمعْنَا ن إِسْمَاونْ ن أَيْثْ ن إِسْرَائِيل‘ - خْزَارْ أَمز. 49. ٣ إِسَّاكَارْ، زابُولُونْ ذ بِينْيَامِينْ، ٤ ذَانْ ذ نَافْثَالِي، جَاذْ ذ أَشِيرْ. ٥ مَارَّا ڒعْمُورْ نِّي د-إِفّْغنْ زِي ثْمصَّاضْثْ ن يَاعْقُوبْ، ثُوغَا أَثنْ ذِي سبْعِينْ. يُوسُوفْ ثُوغَا-ث ذِي مِيصْرَا. ◘1:‏5 أَمز. 46‏:‏27؛ أَعَوذ. 10‏:‏22؛ ڒخ. 7‏:‏14. ٦ إِمُّوثْ يُوسُوفْ ذ مَارَّا أَيْثْمَاسْ، ذ جِّيڒْ نِّي مَارَّا. ٧ مَّارنْينْ أَيْثْ ن إِسْرَائِيل ؤُ جِّينْ-د ڒْْغِيدْجثْ أَڒَامِي زَّايْسنْ ثسْفُوفِّي ثمُّورْثْ ؤُشَا تّْوَاكْثَارنْ ؤُشَا ذوْڒنْ جهْذنْ أَطَّاسْ، مِينْزِي ثشُّورْ زَّايْسنْ ثمُّورْثْ. ◘1:‏7 أَعَوذ. 26‏:‏5؛ ڒخ. 7‏:‏17

٨ إِفّغْ-د خنِّي إِجّْ ن ؤُجدْجِيذْ ذ جْذِيذْ إِحكّمْ خْ مِيصْرَا، ونِّي ثُوغَا وَارْ إِسِّينْ يُوسُوفْ. ◘1:‏8 ڒخ. 7‏:‏18 ٩ إِنَّا إِ ڒْْڭنْسْ نّسْ: ”خْزَارْ، ڒْْڭنْسْ ن أَيْثْ ن إِسْرَائِيل إِمْغَارْ ؤُ إِجْهذْ خَانغْ. ١٠ ڒخُّو، أَقَا أَذْ خَاسْ نحْكمْ س ڒعْقڒْ، حِيمَا وَارْ إِتّْمَارْنِي ڒْْڭنْسْ كْثَارْ، ؤُشَا، مَاڒَا إِمْسَارْ إِكَّارْ شَا ن ڒْْبَارُوضْ، أَذْ إِذْوڒْ أَكْ-ذ ڒْْعذْيَانْ نّغْ، أَذْ يڭّْ ڒْْحَارْبْ أَكِيذْنغْ ؤُشَا خنِّي أَذْ إِفّغْ زِي ثمُّورْثْ.“ ◘1:‏10 ڒخ. 7‏:‏19 ١١ نِيثْنِي ڭِّينْ خَاسنْ إِمحْضَاينْ خْ وَارْبَارْ ن ثسْمُوغِي، حِيمَا أَذْ سّْذدْجنْ ڒْْڭنْسْ س دّْقُوڒَاثْ إِ خَاسنْ سَّاربُّونْ. بْنَانْ إِ فِيرْعُونْ، أَجدْجِيذْ، ثِيندَّامْ ن ڒخْزنْ: فِيثُومْ ذ رَاعَامْسِيسْ. ١٢ مَاشَا مشْحَاڒْ مَا ذدْجنْ نِيثْنِي ڒْْڭنْسْ، أَمنِّي إِ إِڭْمَا ؤُ إِبزّعْ ڒْْڭنْسْ، أَڒَامِي إِوْضنْ نِيثْنِي أَذْ شَارْهنْ أَيْثْ ن إِسْرَائِيل أَطَّاسْ. ◘1:‏12 إِزهد. 105‏:‏24 ١٣ ؤُشَا أَرِّينْ إِمِيصْرِييّنْ أَيْثْ ن إِسْرَائِيل ذ إِسمْغَانْ س ؤُغِيڒْ ١٤ ؤُشَا سَّارزْڭنْ ثُوذَارْثْ نْسنْ س ثسْمُوغِي إِقسْحنْ ذڭْ ؤُبدْجَاعْ ذ لَّاجُورْ ؤُڒَا ذِي مَارَّا ثسْمُوغِي ذڭْ إِيَّارنْ. مَارَّا ثَاسْمُوغِي إِ ڭِّينْ نِيثْنِي ذِي ڒْْوسْثْ نْسنْ، ثُوغَا ت س ؤُغِيڒْ. ◼1:‏14 ’ثَاسْمُوغِي‘ - ’ڒْْخذْمثْ ن إِسمْغَانْ‘.

١٥ إِسِّيوڒْ ؤُجدْجِيضْ ن مِيصْرَا أَكْ-ذ ڒْْقَابْڒَاثْ ثِيعِيبْرَانِييِّينْ، إِشْثنْ زَّايْسنْثْ قَّارنْ أَسْ سِيفْرَا، ؤُ ثنّغْنِي قَّارنْ أَسْ فُوعَاثْ. ١٦ إِنَّا: ”خْمِي غَا ثْعَاوْننْثْ ثِيمْغَارِينْ ثِيعِيبْرَانِييِّينْ أَذْ أَرْونْثْ، ؤُشَا أَذْ ثخْزَارنْثْ خْمِي تّْغِيمَانْثْ خْ إِژْرَا مَاحنْذْ أَذْ أَرْونْثْ، إِتّْخصَّا كنِّينْثْ أَذْ نْغنْثْ أَحنْجِيرْ مَاڒَا ذ مِّيسْ، مَاشَا مَاڒَا ذ يدْجِيسْ، جّنْثْ ت أَذْ ثدَّارْ!“ ١٧ مَاشَا ڒْْقَابْڒَاثْ ثُوغَا تّڭّْوذنْثْ أَربِّي، وَارْ ڭِّينْثْ مُوخَاسْ ثنْثْ يُومُورْ ؤُجدْجِيذْ ن مِيصْرَا، مَاشَا حْضَانْثْ ثُوذَارْثْ ن إِحنْجِيرنْ. ١٨ خنِّي إِڒَاغَا ؤُجدْجِيذْ ن مِيصْرَا إِ ڒْْقَابْڒَاثْ، إِنَّا أَسنْثْ: ”مَاغَارْ ثڭِّينْثْ أَيَا، أَقَا ثحْضَانْثْ ثُوذَارْثْ ن إِحنْجِيرنْ؟“ ١٩ ڒْْقَابْڒَاثْ أَرِّينْثْ خْ فِيرْعُونْ: ”ثِيعِيبْرَانِييِّينْ وَارْ دْجِينْثْ أَمْ ثِيمِيصْرِييِّينْ، مِينْزِي نِيثنْثِي جهْذنْثْ، تَّارْونْثْ قْبڒْ مَا أَذْ غَارْسنْثْ د-ثَاسْ ڒْْقَابْڒَا.“ ٢٠ ؤُشَا أَربِّي إِڭَّا مْلِيحْ إِ ڒْْقَابْڒَاثْ ؤُشَا إِمَّارْنِي ڒْْڭنْسْ، ذوْڒنْ جهْذنْ س وَاطَّاسْ. ٢١ مِينْزِي ڒْْقَابْڒَاثْ ڭّْوذنْثْ أَربِّي، إِمْسَارْ، أَقَا يَارْزقْ إِ-ثنْثْ-إِ-د س ثُوذْرِينْ أَكْ-ذ ڒْْوَاشُونْ. ◼1:‏21 ’يَارْزقْ‘ - س ثْعِيبْرَانِيثْ ’يڭَّا‘.

٢٢ ڒخْذنِّي يُومُورْ فِيرْعُونْ مَارَّا ڒْْڭنْسْ نّسْ، إِنَّا: ”كُوڒْ أَحنْجِيرْ إِ د غَا إِخڒْقنْ أَذْ ث ثنْضَارمْ ذڭْ إِغْزَارْ ؤُ مَارَّا ثَاحنْجِيرْثْ إِ د غَا إِخڒْقنْ أَذْ ت ثجّمْ أَذْ ثدَّارْ.“ ◘1:‏22 ڒخ. 7‏:‏19  *