١ ”وَارْ سُّوفُّوغْ ڒخْبَارْ إِسّْخَارِّيقنْ. وَارْ تِّيشْ أَفُوسْ نّشْ إِ ؤُعفَّانْ، مَاحنْذْ أَذْ ثِيڒِيذْ ذ أَشهَّاذْ ن دّدْجْ.

٢ وَارْ أَردّفْ أَزْينْ أَمقّْرَانْ ذِي ڒْْغَارْ ؤُ وَارْ د-تَّارِّي ذِي دّعْوثْ أَڒْ غَا ثْميّْڒذْ ثڭّْوجذْ خْ ڒْْحقّْ أَوَارْنِي إِ وَاطَّاسْ، أَذْ ثْفَارْغذْ ڒْْحقّْ.

٣ ذِي دّعْوثْ نّسْ وَارْ تّْرِيحْ شَا أَكْ-ذ ڒْْمسْكِينْ. ◘23:‏3 لَاوِي 19‏:‏15

٤ مَاڒَا ثڒْقِيذْ أَفُونَاسْ نِيغْ أَغْيُوڒْ إِودَّارْ ن ڒعْذُو نّشْ، إِتّْخصَّا أَذْ أَسْ ث ثَارّذْ نِيشَانْ. ◘23:‏4 أَعَوذ. 22‏:‏1، 2؛ لك. 6‏:‏27؛ فِيل. 2‏:‏4 ٥ مَاڒَا ثژْرِيذْ أَغْيُوڒْ ن ونِّي ثْشَارّْهذْ إِوْضَا س دّْقڒْ نّسْ، إِتّْخصَّا شكْ أَذْ ثحْضِيذْ إِخفْ نّشْ أَذْ ثجّذْ ثَامسْڒَاشْثْ إِ نتَّا وَاهَا، مَاشَا شكْ ذ نتَّا جْمِيعْ أَذْ ثْفكّمْ أَغْيُوڒْ قَاعْ. ◘23:‏5 أَعَوذ. 22‏:‏4

٦ وَارْ سْفَارَّاغْ ثَاسْغَارْثْ ن ؤُمزْڒُوضْ إِ ذِينْ غَاركْ ذِي دّعْوثْ نّسْ. ◘23:‏6 أَعَوذ. 27‏:‏19

٧ بعّذْ خْ ثْمسْڒَاشْثْ إِغشّنْ. وَارْ نقّْ أَفُورِّي نِيغْ أَمْسڭّذْ، مِينْزِي نشّْ وَارْ تّْبَارِّيغْ أَعفَّانْ. ٨ وَارْ كسِّي ثَارْزفْثْ، مِينْزِي ثَارْزفْثْ ثسّْذَارْغَاڒْ ثِيطَّاوِينْ يَارزْمنْ ؤُ ثسّْفَارَّاغْ أَوَاڒنْ ن إِمْسڭّْذنْ. ◘23:‏8 أَعَوذ. 16‏:‏19؛ 1 صم. 8‏:‏3؛ أَوڒن. 19‏:‏6؛ أَمب. 7‏:‏7

٩ وَارْ ثْزيَّارمْ خْ ؤُبَارَّانِي. أَقَا كنِّيوْ ثسّْنمْ نّفْسْ ن ؤُبَارَّانِي، مِينْزِي ثُوغَا كنِّيوْ ذ إِبَارَّانِييّنْ ذِي ثمُّورْثْ ن مِيصْرَا. ◘23:‏9 ؤُف. 22‏:‏21؛ لَاوِي 19‏:‏33؛ أَعَوذ. 24‏:‏17

١٠ ستَّا ن إِسڭّْوُوسَا أَذْ ثْزَارْعذْ ثَامُّورْثْ نّشْ ؤُشَا أَذْ ثسّْمُونذْ ڒْْغِيدْجثْ نّسْ. ١١ ذڭْ ؤُسڭّْوَاسْ وِيسّْ سبْعَا أَذْ ت ثجّذْ أَذْ ثَاريّْحذْ ؤُشَا أَذْ أَسْ ثَارْخُوذْ، حِيمَا أَذْ زَّايسْ شّنْ إِمزْڒَاضْ ن ڒْْڭنْسْ نّشْ. ؤُشَا مِينْ غَا جّنْ نِيثْنِي أَذْ زَّايسْ شّنْ ڒْْمَاڒْ ن ڒخْڒَا. أَمُّو إِ غَا ثڭّذْ عَاوذْ س ؤُمَارْجعْ ن ؤُضِيڒْ نّشْ ذ زِّيثُونْ نّشْ. ◘23:‏11 لَاوِي 25‏:‏4، 5

١٢ ذِي ستَّا ن وُوسَّانْ أَذْ ثڭّذْ ڒْْخذْمثْ نّشْ ؤُ ذڭْ وَاسّْ وِيسّْ سبْعَا أَذْ ثَاريّْحذْ، مَاحنْذْ أَذْ يَاريّحْ ؤُفُونَاسْ نّشْ ذ وغْيُوڒْ نّشْ ؤُ أَذْ يَارّْ نّفْسْ مِّيسْ ن ثَايَّا نّشْ ذ ؤُبَارَّانِي.“◘23:‏12 ؤُف. 20‏:‏8؛ 31‏:‏13‏-‏17.

١٣ ذِي مَارَّا مِينْ ذ أَومْ نِّيغْ، حْضَامْ ث. وَارْ تِّيذَارمْ إِسمْ ن إِربِّيثنْ نّغْنِي. وَارْ تّسْڒَانْ إِسمْ نّسْ زڭْ ؤُقمُّومْ نّشْ. ◘23:‏13 ڒخْڒ. 32‏:‏38؛ ياش. 23‏:‏7؛ إِزهد. 16‏:‏4؛ حُوش. 2‏:‏19؛ زَاك. 13‏:‏2

١٤ ثْڒَاثَا ن ثْوَاڒَاوِينْ ذڭْ ؤُسڭّْوَاسْ أَذْ أَيِي ثْعيّْذمْ إِجّْ ن ڒْْعِيذْ. ١٥ ڒْْعِيذْ ن وغْرُومْ بْڒَا أَنْثُونْ أَذْ ث ثحْضَامْ. سبْعَا ن وُوسَّانْ أَذْ ثشّذْ أَغْرُومْ بْڒَا أَنْثُونْ، أَمْ مَامّشْ كنِّيوْ ؤُمُورغْ نشّْ، ذِي ڒْْوقْثْ إِتّْوَاڭّنْ ذڭْ ؤُيُورْ أَبِيبْ، مِينْزِي ذَايسْ إِ د-ثفّْغذْ زِي مِيصْرَا. وَارْ د-تُّوسِيمْ س إِفَاسّنْ خْوَانْ زَّاثْ إِ وُوذمْ إِنُو. ◘23:‏15 ؤُف. 12‏:‏14، 15؛ 13‏:‏3؛ 34‏:‏20؛ أَعَوذ. 16‏:‏16 ١٦ حْضَامْ عَاوذْ ڒْْعِيذْ ن ثْميْرَا، ڒْْعِيذْ ن ثْمنْزُوثْ ن ڒْْخذْمثْ نّشْ إِ ثْزَارْعذْ ذڭْ إِيَّارْ، ؤُ ڒْْعِيذْ ن ؤُسْمُونِي ن صَّابثْ ذڭْ ؤُنڭَّارْ ن ؤُسڭّْوَاسْ، خْمِي غَا ثسّْمُونذْ ڒْْغِيدْجثْ ن ڒْْخذْمثْ نّشْ زڭْ إِيَّارْ. ◘23:‏16 ؤُف. 34‏:‏22 ١٧ ثْڒَاثَا ن ثْوَاڒَاوِينْ ذڭْ ؤُسڭّْوَاسْ أَذْ ضْهَارنْ مَارَّا إِرْيَازنْ ن ڒْْڭنْسْ نّشْ إِ وُوذمْ ن سِيذِي، سِيذِي.

١٨ وَارْ تّْقدَّامْ إِذَامّنْ ن ثْغَارْصْثْ إِنُو أَكْ-ذ مِينْ إِخمَّارنْ، ؤُ ثَاذُونْثْ ن ثْغَارْصْثْ ن ڒْْعِيذْ إِنُو وَارْ تّْنُوسِي دْجِيڒثْ ثكْمڒْ أَڒْ صّْبحْ.

١٩ ثَامزْوَارُوثْ ن ثْمنْزُوثْ زڭْ وُوذمْ ن ثمُّورْثْ نّشْ أَذْ ت ثَاوْيذْ غَارْ ثَادَّارْثْ ن سِيذِي، أَربِّي نّشْ. وَارْ سْننِّي إِغَايْضْ ذ أَمژْيَانْ س ؤُغِي ن يمَّاسْ. ◘23:‏19 ؤُف. 34‏:‏26

٢٠ خْزَارْ، أَذْ سّكّغْ إِجّْ ن لْمَالَاكْ زَّاثْ إِ وُوذمْ نّشْ، حِيمَا أَذْ شكْ إِحْضَا ذڭْ وبْرِيذْ ؤُشَا أَذْ شكْ يَاوِي غَارْ ومْشَانْ نِّي سّْوجْذغْ. ◘23:‏20 ؤُف. 33‏:‏2 ٢١ حْضَا أَرنْذَاذْ إِ وُوذمْ نّسْ ؤُشَا سڒْ إِ وَاوَاڒْ نّسْ، وَارْ خَاسْ سَّارْزِيڭْ شَا ڒعْمَارْ، مِينْزِي نتَّا وَارْ إِتّكّسْ إِعذِّيينْ نْومْ، مِينْزِي إِسمْ إِنُو أَقَا-ث ذَايسْ. ٢٢ مَاشَا مَاڒَا س ثِيذتّْ أَذْ ثسْڒذْ إِ وَاوَاڒْ نّسْ، أَذْ ثڭّذْ مَارَّا مِينْ ذ أَشْ غَا إِنِيغْ، أَذْ إِڒِيغْ ذ ڒعْذُو إِ ڒْْعذْيَانْ نّشْ ؤُشَا أَذْ حْصَارغْ إِنِّي شكْ إِحصَّارنْ.◘23:‏22 أَمز. 12‏:‏3 ٢٣ مِينْزِي لْمَالَاكْ إِنُو أَذْ يِيڒِي زَّاثكْ، أَذْ شكْ سِّيذْفغْ ذِي ثمُّورْثْ ن إِمُورِييّنْ ذ إِحِيتِّييّنْ ذ إِفِيرِيزِييّنْ ذ أَيْثْ ن كنْعَانْ ذ إِحِيوِييّنْ ذ إِيابُوسِييّنْ، ؤُ نشّْ أَذْ ثنْ ثحِّيغْ. ٢٤ وَارْ تّْبنْذِيقْ إِ إِربِّيثنْ نْسنْ نِيغْ أَذْ ثنْ ثْعبْذذْ نِيغْ أَذْ ثڭّذْ أَمْ تّڭّنْ نِيثْنِي، مَاشَا أَذْ ثنْ ثثحِّيذْ قَاعْ ؤُشَا أَذْ ثَارْژذْ مَارَّا إِمَايْضُوثنْ نْسنْ إِقدّْسنْ. ٢٥ أَذْ ثْعبْذمْ سِيذِي، أَربِّي نْومْ، ؤُ نتَّا أَذْ إِبَاركْ أَغْرُومْ نّشْ ذ وَامَانْ نّشْ. نشّْ أَذْ كّْسغْ ڒهْڒَاشَاثْ زِي ڒْْوسْطْ نّشْ. ◘23:‏25 ؤُف. 15‏:‏26؛ أَعَوذ. 7‏:‏15 ٢٦ وَارْ تِّيڒِي ثمْغَارْثْ نِّي ؤُمِي إِوْضَا ؤُعذِّيسْ نِيغْ وَارْ إِتِّيرْونْ ذِي ثمُّورْثْ نّشْ. نشّْ أَذْ كمّْڒغْ ڒْْقدّْ ن وُوسَّانْ نّشْ. ◘23:‏26 أَعَوذ. 7‏:‏14 ٢٧ أَذْ سّكّغْ أَنخْڒِيعْ زَّاثْ إِ ؤُغمْبُوبْ نّشْ، أَذْ سّْخَاروْضغْ مَارَّا ڒْْڭنْسْ إِ غَا ثَافذْ ذڭْ وبْرِيذْ نّشْ ؤُشَا أَذْ أَرّغْ مَارَّا ڒْْعذْيَانْ نّشْ أَذْ خَاكْ أَروْڒنْ. ◘23:‏27 ؤُف. 14‏:‏24؛ ياش. 10‏:‏10 ٢٨ نشّْ أَذْ سّكّغْ إِرزَّانْ زَّاثْ إِ ؤُغمْبُوبْ نّشْ، إِنِّي غَا يَاژّْڒنْ خْ إِحِيوِييّنْ ذ أَيْثْ ن كنْعَانْ ذ إِحِيتِّييّنْ زَّاثْ إِ وُوذمْ نّشْ. ◘23:‏28 أَعَوذ. 7‏:‏20؛ ياش. 24‏:‏12 ٢٩ وَارْ خَاسنْ تَّاژّْڒغْ زِي زَّاثْ نْومْ ذڭْ إِجّْ ن ؤُسڭّْوَاسْ، مَاحنْذْ وَارْ ثتّْغِيمِي ثمُّورْثْ ذ ڒخْڒَا ؤُ ڒْْمَاڒْ ن ڒخْڒَا وَارْ خَاكْ تّْمَارْنِينْ أَطَّاسْ. ٣٠ س شْوَايْ شْوَايْ أَذْ خَاسنْ أَژّْڒغْ زِي زَّاثْ نشّْ، أَڒْ غَا ثمَّارنْيذْ ذڭْ وَاطَّاسْ ؤُشَا أَذْ ثْزمَّارذْ أَذْ ثكْسِيذْ ثَامُّورْثْ ذ ڒْْوَارْثْ. ٣١ نشّْ أَذْ ڭّغْ إِيْمِيرنْ زِي ڒبْحَارْ ن ثلْڭَا أَڒْ ڒبْحَارْ ن إِفِيلِيسْطِينِييّنْ ؤُ زِي ڒخْڒَا أَڒْ إِغْزَارْ ن لْفُورَاطْ، مِينْزِي أَذْ أَرّغْ إِمزْذَاغْ ن ثمُّورْثْ ذڭْ ؤُفُوسْ نّشْ ؤُشَا أَذْ شكْ أَرّغْ أَذْ خَاسنْ ثَاژّْڒذْ زِي زَّاثْ نّشْ. ◘23:‏31 ڒخْڒ. 34‏:‏3، 4 ٣٢ وَارْ كِيذْسنْ تّڭّْ ڒْْعَاهْذْ نِيغْ أَكْ-ذ إِربِّيثنْ نْسنْ. ◘23:‏32 ؤُف. 34‏:‏12، 15؛ أَعَوذ. 7‏:‏2 ٣٣ وَارْ إِعدّڒْ أَذْ زذْغنْ ذِي ثمُّورْثْ نّشْ، حِيمَا وَارْ شكْ تَّارِّينْ أَذْ أَكِيذِي ثخْضِيذْ. مَاڒَا ثْعبْذذْ إِ إِربِّيثنْ نْسنْ، أَذْ أَشْ يِيڒِي مَانْ أَيَا ذ ڒْْفخْ إِ شكْ.“ ◘23:‏33 ياش. 23‏:‏13؛ ڒقض. 2‏:‏3