١ يُوسَا-د غَارِي وَاوَاڒْ ن سِيذِي، إِنَّا: ٢ ”أَ مِّيسْ ن بْنَاذمْ، أَرّْ ؤُذمْ نّشْ غَارْ هَاجُوجْ زِي ثمُّورْثْ ن مَاجُوجْ، ڒْْحَاكمْ ن رُوشْ، مَاشِيكْ ذ ثُوبَالْ، ؤُشَا نَابّْ ضِيدّْ نّسْ، ◼38:‏2 ’هَاجُوجْ‘ - نِيغْ ’جُوجْ‘، نِيغْ ’خُوخْ‘، نِيغْ ’ڭُوڭْ‘. ’مَاجُوجْ‘ - نِيغْ ’مَاخُوخْ‘، نِيغْ ’مَاڭُوڭْ‘.  ◘38:‏2 أَسَا. 20‏:‏8 ٣ إِنِي: ’أَمُّو إِ إِقَّارْ سِيذِي إِنُو، سِيذِي: خْزَارْ، نشّْ أَقَا أَيِي ضِيدّْ نّشْ، أَ هَاجُوجْ، ڒْْحَاكمْ ن رُوشْ، مَاشِيكْ ذ ثُوبَالْ. ◼38:‏3 ’هَاجُوجْ‘ - نِيغْ ’جُوجْ‘، نِيغْ ’خُوخْ‘، نِيغْ ’ڭُوڭْ‘. ٤ نشّْ أَذْ شكْ قمّْعغْ ؤُ أَذْ ڭّغْ ثِيسنَّارِينْ ذڭْ إِقَابْسِيونْ نّشْ ؤُشَا أَذْ شكْ سُّوفّْغغْ، شكْ ذ مَارَّا ڒْْعسْكَارْ نّشْ، إِيْسَانْ ذ إِمْنَاينْ، مَارَّا أَرْضنْ أَرُّوضْ مْلِيحْ أَطَّاسْ، إِجّْ ن وڭْرَاوْ ذ أَمقّْرَانْ أَطَّاسْ، س ثْسدَّارْثْ ثَامقّْرَانْثْ ذ ثْسدَّارْثْ ثَامژْيَانْثْ ن ؤُعسْكَارِي، مَارَّا نِيثْنِي غَارْسنْ ثِيزمَّارْ ذڭْ ؤُمنْغِي س سِّيفْ. ◘38:‏4 حِز. 29‏:‏4؛ 39‏:‏2 ٥ أَيْثْ ن لْفُورْسْ، ن كُوشْ ؤُ ن فُوطْ أَكِيذْسنْ، مَارَّا إِذْسنْ س ثْسدَّارْثْ ن ؤُعسْكَارِي ذ لْكَاسْكْ ن ؤُعسْكَارِي، ٦ جُومَارْ أَكْ-ذ مَارَّا ڒْْعسْكَارْ نّسْ، ذ ثَادَّارْثْ ن ثُوجَارْمَا زِي طّْرُوفَا ن شَّامَالْ قَاعْ أَكْ-ذ مَارَّا ڒْْعسْكَارْ نّسْ، وَاهْ، أَطَّاسْ ن ڒڭْنُوسْ أَذْ د-أَسنْ أَكِيذكْ. ٧ إِڒِي ثْوجْذذْ ؤُ سوْجذْ إِخفْ نّشْ، شكْ ذ مَارَّا أَڭْرَاوْ نّشْ نِّي ثسّْمُونذْ غَاركْ، ؤُ إِڒِي ذ أَمحْضَايْ نْسنْ. ٨ أَوَارْنِي وَاطَّاسْ ن وُوسَّانْ أَذْ ثتّْوَاڒَاغِيذْ، أَوَارْنِي ڒَْامِي عْذُونْ أَطَّاسْ ن إِسڭّْوُوسَا أَذْ د-ثَاسذْ غَارْ ثمُّورْثْ نِّي إِتّْوَاعذْڒنْ زِي سِّيفْ، غَارْ إِجّْ ن ڒْْڭنْسْ إِ إِتّْوَاسّْمُوننْ زِي ڒڭْنُوسْ خْ إِذُورَارْ ن إِسْرَائِيل نِّي ثُوغَا ذ ڒْْخِيرْبثْ إِ يِيجّْ ن ڒْْوقْثْ ذ أَزِيرَارْ، غَارْ إِجّْ ن ڒْْڭنْسْ نِّي إِتّْوَاسُّوفّْغنْ زِي ڒڭْنُوسْ، ؤُ مَارَّا نِيثْنِي زدّْغنْ ذِينِّي ذِي ڒَْامَانْ. ٩ خنِّي أَذْ ثْڭعّْذذْ أَمْ ثْحَارْيَاضْثْ، أَمْ ؤُسيْنُو مَاحنْذْ أَذْ ثذْڒذْ ثَامُّورْثْ، شكْ ذ مَارَّا ڒْْعسْكَارْ نّشْ ؤُڒَا ذ أَطَّاسْ ن ڒڭْنُوسْ نِّي كِيكْ إِدْجَانْ.‘ “◘38:‏9 حِز. 30‏:‏18

١٠ ”أَمُّو إِ إِقَّارْ سِيذِي إِنُو، سِيذِي: ’ذڭْ وَاسّْ نِّي أَذْ إِمْسَارْ، أَقَا أَذْ أَذْفنْ إِخَارِّيصنْ ذڭْ وُوڒْ نّشْ ؤُ شكْ أَذْ ثْخَارّْصذْ ذِي ثْمعْمُوتْشْ ثَاعفَّانْثْ. ١١ أَذْ ثِينِيذْ: أَذْ ڭعّْذغْ غَارْ إِشْثْ ن ثمُّورْثْ س ثْندَّامْ بْڒَا ڒحْيُوضْ، أَذْ د-أَسغْ غَارْ ينِّي ذِينْ إِدَّارنْ ذِي ڒهْنَا ؤُ غَارْ يِينِّي ذِينْ إِزدّْغنْ ذِي ڒَْامَانْ، إِنِّي ذِينْ إِزدّْغنْ مَارَّا بْڒَا ڒْْحِيضْ ؤُ بْڒَا زّكْرُونَاثْ نِيغْ ثِيوُّورَا، ١٢ مَاحنْذْ أَذْ كشّْضغْ ؤُ أَذْ أَشَارغْ أَڭْڒَا! وَاهْ، مَاحنْذْ أَذْ ثَارّذْ أَفُوسْ نّشْ خْ ڒْْخِيرْبَاثْ نِّي ذِي زدّْغنْ عَاوذْ إِوْذَانْ، خْ يِيجّْ نْ ڒْڭنْسْ نِّي إِتّْوَاسّْمُوننْ زِي ڒڭْنُوسْ، ونِّي إِكسْبنْ ڒْْمَاڒْ ذ وَاڭْڒَا، ونِّي إِزدّْغنْ خْ ثْعبُّوضْثْ ن ثمُّورْثْ. ١٣ شَابَا ذ ذَاذَانْ ذ تُّوجَارْ ن ثَارْشِيشْ ذ مَارَّا أَيْرَاذنْ إِمژْيَانِينْ نْسنْ أَذْ أَشْ إِنِينْ: مَا د-ثُوسِيذْ مَاحنْذْ أَذْ ثطّْفذْ ثَاكشَّاضْثْ؟ مَا ثسّْمُونذْ أَڭْرَاوْ نّشْ مَاحنْذْ أَذْ ثْكشّْضذْ، حِيمَا أَذْ ثكْسِيذْ نُّوقَارْثْ ذ وُورغْ، حِيمَا أَذْ ثطّْفذْ ڒْْمَاڒْ ذ وَاڭْڒَا، حِيمَا أَذْ ثَاشَارذْ ثَاكشَّاضْثْ ثَامقّْرَانْثْ؟‘ “

١٤ ”س ؤُيَا، نَابّْ، أَ مِّيسْ ن بْنَاذمْ، ؤُشَا إِنِي إِ هَاجُوجْ ’أَمُّو إِ إِقَّارْ سِيذِي إِنُو، سِيذِي: ذڭْ وَاسّْ نِّي، خْمِي غَا إِزْذغْ ڒْْڭنْسْ إِنُو إِسْرَائِيل ذِي ڒَْامَانْ، مَا شكْ وَارْ ثسِّينذْ مِينْ إِتّْخصَّا أَذْ ث ثڭّذْ؟ ◼38:‏14 ’هَاجُوجْ‘ - نِيغْ ’جُوجْ‘، نِيغْ ’خُوخْ‘، نِيغْ ’ڭُوڭْ‘. ١٥ أَذْ د-ثَاسذْ زڭْ ومْشَانْ نّشْ، زِي طّْرُوفَا ن شَّامَالْ قَاعْ، شكْ ذ وَاطَّاسْ نْ ڒڭْنُوسْ أَكِيذكْ. مَارَّا نِيثْنِي ذ إِمْنَاينْ س إِيْسَانْ، إِجّْ ن وڭْرَاوْ ذ أَمقّْرَانْ ذ يِيجّْ ن ڒْْعسْكَارْ إِجهْذنْ. ١٦ أَذْ ثْڭعّْذذْ ضِيدّْ إِ ڒْْڭنْسْ إِنُو إِسْرَائِيل، أَمْ يِيجّْ ن ؤُسيْنُو، مَاحنْذْ أَذْ ثذْڒذْ ثَامُّورْثْ. أَذْ يِيڒِي ذڭْ ؤُنڭَّارْ ن وُوسَّانْ. نشّْ أَذْ شكْ سِّيوْضغْ خْ ثمُّورْثْ إِنُو، حِيمَا ڒڭْنُوسْ أَذْ أَيِي سّْننْ، خْمِي زَّايكْ إِ غَا تّْوَاقدّْسغْ زَّاثْ إِ ثِيطَّاوِينْ نْسنْ، أَ هَاجُوجْ!‘ ◼38:‏16 ’هَاجُوجْ‘ - نِيغْ ’جُوجْ‘، نِيغْ ’خُوخْ‘، نِيغْ ’ڭُوڭْ‘. ١٧ أَمُّو إِ إِقَّارْ سِيذِي إِنُو، سِيذِي: ’مَا أَقَا شكْ ذ ونِّي خْ سِّيوْڒغْ ذڭْ وُوسَّانْ ن زِيشْ، س ؤُفُوسْ ن إِمْسخَّارنْ إِنُو، إِنَابِييّنْ ن إِسْرَائِيل نِّي ثُوغَا إِتّْنَابّنْ ذڭْ وُوسَّانْ نِّي، ڒْْمِيجَاڒْ ن وَاطَّاسْ ن إِسڭّْوُوسَا، بلِّي نشّْ أَذْ شكْ سِّيوْضغْ ضِيدّْ نْسنْ؟ ١٨ ذڭْ وَاسّْ نِّي، ذڭْ وَاسّْ إِ ذِي د غَا يَاسْ هَاجُوجْ ضِيدّْ إِ ثمُّورْثْ ن إِسْرَائِيل، أَمُّو إِ إِقَّارْ سِيذِي إِنُو، سِيذِي، أَقَا أَذْ يَاڒِي وسْعَارْ إِنُو ذڭْ ونْزَارنْ إِنُو. ◼38:‏18 ’هَاجُوجْ‘ - نِيغْ ’جُوجْ‘، نِيغْ ’خُوخْ‘، نِيغْ ’ڭُوڭْ‘. ١٩ ذِي ثُوسْمِي إِنُو إِقدّْسنْ، ذِي ثْمسِّي ن ؤُذُوقّزْ إِنُو ن ؤُفُوڭمْ نِّيغْ: س ثِيذتّْ، أَمْ دَّارغْ نشّْ، مَاڒَا ذڭْ وَاسّْ نِّي وَارْ إِتِّيڒِي إِجّْ ن ونْهزِّي ن ثمُّورْثْ أَمقّْرَانْ ذِي ثمُّورْثْ ن إِسْرَائِيل، ◘38:‏19 حِز. 36‏:‏5، 6؛ أَسَا. 16‏:‏18 ٢٠ أَڒَامِي إِسڒْمَانْ ن ڒبْحَارْ ذ إِجْضَاضْ ن ؤُجنَّا ذ ڒْْمَاڒْ ن ييَّارْ ذ مَارَّا ڒْْمَاڒْ نِّي إِتّْبُوعنْ خْ ثمُّورْثْ ذ مَارَّا إِوْذَانْ نِّي إِدْجَانْ خْ وُوذمْ ن ثمُّورْثْ أَذْ أَرْجِيجنْ، ؤُ إِذُورَارْ أَذْ تّْوَامنْضَارنْ ؤُ ڒجْرُوفْ إِعُودْجنْ أَذْ هْرُورَانْ ذ مَارَّا ڒحْيُوضْ أَذْ وْضَانْ. ◼38:‏20 ’ڒبْحَارْ‘ - نِيغْ ’إِلْ‘. ٢١ نشّْ أَذْ د-ڒَْاغِيغْ خْ سِّيفْ ضِيدّْ نّسْ خْ مَارَّا إِذُورَارْ إِنُو، أَمُّو إِ إِقَّارْ سِيذِي إِنُو، سِيذِي. سِّيفْ ن كُوڒْ إِجّْ أَذْ يِيڒِي خْ ؤُمَاسْ. ٢٢ نشّْ أَذْ خَاسْ حكْمغْ س طَّاعُونْ ؤُ س إِذَامّنْ ؤُشَا أَذْ خَاسْ ڭّغْ ؤُ خْ ڒْْعسْكَارْ نّسْ ؤُ خْ وَاطَّاسْ ن ڒڭْنُوسْ نِّي كِيذسْ إِ غَا يِيڒِينْ، أَنْژَارْ إِجهْذنْ ذ إِبْقُوقنْ إِمقّْرَاننْ ن ثبْرُورِي ذ ثْمسِّي ذ ڒشْبَارِييّثْ. ◘38:‏22 أَسَا. 16‏:‏20. ٢٣ نشّْ أَذْ سّشْنغْ إِخفْ إِنُو ذ أَمقّْرَانْ ذ أَمْقدَّاسْ ؤُ أَذْ تّْوَاسّْنغْ زَّاثْ إِ ثِيطَّاوِينْ ن ڒڭْنُوسْ. نِيثْنِي أَذْ سّْننْ بلِّي نشّْ ذ سِيذِي.‘ “