١ ”إِفْرَايِيمْ إِتّنّضْ أَيِي س ؤُخَارِّيقْ ؤُ ثَادَّارْثْ ن إِسْرَائِيل س ڒْْغشّْ، مَاشَا يَاهُوذَا إِتّثْلِيعْ عَاذْ أَكْ-ذ أَربِّي ؤُ أَكْ-ذ ؤُمْقدَّاسْ أَمقّْرَانْ ذ أَمْثِيقِّي. ٢ إِفْرَايِيمْ ذ إِجّْ ن ؤُمكْسَاوْ يُويُورْ أَوَارْنِي إِ ؤُسمِّيضْ. أَسّْ مَارَّا يَارنِّي إِخَارِّيقنْ ذ ؤُردّدْجْ. نِيثْنِي ڭِّينْ إِجّْ ن ڒْْعَاهْذْ أَكْ-ذ أَشُّورْ ؤُشَا تَّاوْينْ زّشْثْ غَارْ مِيصْرَا.“

٣ ”سِيذِي غَارسْ إِجّْ ن ؤُمْشُوبّشْ أَكْ-ذ يَاهُوذَا ؤُ نتَّا أَذْ إِڭّْ س يَاعْقُوبْ عْلَاحْسَابْ إِبْرِيذنْ نّسْ، أَذْ ث إِخدْجصْ أَمْ مَامّشْ ثِيمڭَّا نّسْ. ٤ ذڭْ ؤُعذِّيسْ ن يمَّاسْ إِطّفْ ؤُمَاسْ غَارْ ؤُنِيرْزْ ؤُ ڒَْامِي ثُوغَا ذ أَرْيَازْ إِجْهذْ إِمّْعَاڒَا أَكْ-ذ أَربِّي. ◘12:‏4 أَمز. 25‏:‏26؛ 35‏:‏9، 10 ٥ نتَّا ثُوغَا إِمّْنغْ أَكْ-ذ لْمَالَاكْ ؤُشَا إِغْڒبْ. إِرُو، إِحشّمْ إِ-ث. يُوفَا إِ-ث ذِي بَايْثْ-إِلْ ؤُ ذِينِّي إِسِّيوڒْ نتَّا أَكِيذْنغْ، ◘12:‏5 أَمز. 28‏:‏12، 19؛ 35‏:‏7، 14، 15 ٦ وَاهْ، سِيذِي، أَربِّي ن ڒْْعسْكَارَاثْ، سِيذِي ذ إِسمْ نّسْ إِ ڒِْيذَارثْ. ٧ ذْوڒْ غَارْ أَربِّي نّشْ، حْضَا ثَامخْسِيوْثْ إِشوَّارنْ ذ ڒْْحقّْ، ؤُ سِيثِيمْ ڒبْذَا إِ أَربِّي نّشْ.“

٨ ”كنْعَانْ غَارسْ إِجّْ ن ڒْْمِيزَانْ إِغشّْ ذڭْ ؤُفُوسْ نّسْ، إِتّعْجِيبْ أَسْ أَذْ إِبعّجْ. ٩ مَاشَا إِفْرَايِيمْ إِقَّارْ: ’نشّْ ذوْڒغْ ذ بُو-وَاڭْڒَا، يَارْوغْ إِشْثْ ن ڒكْسِيبثْ ذ ثَامقّْرَانْثْ إِ يِيخفْ إِنُو. ذِي مَارَّا ڒْْخذْمثْ إِنُو وَارْ ذَايِي تِّيفنْ شَا ڒْْمُوعْصِييّثْ نِّي إِدْجَانْ ذ دّنْبْ.‘ “

١٠ ”نشّْ ذ سِيذِي، أَربِّي نّشْ، زڭْ وَامِي ثفّْغمْ كنِّيوْ زِي ثمُّورْثْ ن مِيصْرَا. نشّْ أَذْ شكْ جّغْ أَذْ ثْزذْغذْ ذڭْ إِقِيضَانْ أَمْ ذڭْ وُوسَّانْ ن ثْمسْمُونْثْ ذِي ڒخْڒَا. ◘12:‏10 إِشا. 43‏:‏11 ١١ نشّْ أَذْ سِّيوْڒغْ غَارْ إِنَابِييّنْ ؤُ نشّْ أَذْ أَرْنِيغْ ڒوْحِييْ أَطَّاسْ ؤُ س ؤُفُوسْ ن إِنَابِييّنْ أَذْ سِّيوْڒغْ س ڒمْثُوڒْ.“

١٢ ”مَاڒَا ثُوغَا جِيلْعَاذْ ذ ڒْْمُوعْصِييّثْ، خنِّي ذوْڒنْ نِيثْنِي خْوَانْ قَاعْ ذِي جِيلْعَاذْ. أَقَا قدّْمنْ ذِينْ إِفُونَاسنْ. ؤُڒَا ذ إِعَالْطَارنْ نْسنْ ذوْڒنْ ذ إِعُورِّيشنْ ن إِژْرَا ذِي ڒخْضُوضْ ن إِيَّارنْ.◘12:‏12 حُوش. 4‏:‏15؛ 6‏:‏8؛ 9‏:‏15 ١٣ يَاعْقُوبْ يَارْوڒْ غَارْ جّْوَايهْ ن أَرَامْ ؤُ إِسْرَائِيل ثُوغَا إِتّْسخَّارْ خْ يِيشْثْ ن ثمْغَارْثْ، ؤُ نتَّا يَارْوسْ ثَاحِيمَارْثْ ذِي طّْوعْ ن يِيشْثْ ن ثمْغَارْثْ، ◘12:‏13 أَمز. 28‏:‏5؛ 29‏:‏20، 28 ١٤ مَاشَا س يِيجّْ ن ؤُنَابِي إِسّْڭعّذْ سِيذِي إِسْرَائِيل زِي مِيصْرَا ؤُ س يِيجّْ ن ؤُنَابِي يَارْوسْ إِ-ث. ١٥ إِفْرَايِيمْ ثُوغَا إِسْعَارْ إِ-ث أَطَّاسْ. س ؤُيَا أَذْ يجّْ سِيذِي إِذَامّنْ نّسْ أَذْ خَاسْ د-أَسنْ ؤُ سِيذِي نّسْ أَذْ أَسْ إِخدْجصْ ڒْْحڭْرَا نّسْ.“ ◘12:‏15 إِشا. 65‏:‏7