35
ڒْهَارْدْ وِيسّْ ثْڒَاثَا ن إِلِيهُو: ثَاسڭْذَا ن بْنَاذمْ وَارْ ثْنفّعْ زَّاثْ إِ أَربِّي
يَارَّا-د إِلِيهُو، إِنَّا:
مَا إِتّْغِيڒْ أَشْ أَيَا نِيشَانْ، أَقَا ثقَّارذْ:
’ثَاسڭْذَا إِنُو كْثَارْ خْ ثنِّي ن أَربِّي‘؟
مَاغَارْ ثنِّيذْ: ’مَانْ ڒفْضڒْ غَاركْ؟
مِينْ ذ أَيِي د غَا إِكَّارنْ
أَقَا نشّْ وَارْ تّڭّغْ دّْنُوبْ؟‘ 35:‏3 أَيُوبْ 34‏:‏9
أَذْ خَاكْ د-أَرّغْ،
ؤُڒَا خْ إِمدُّوكَّاڒْ نّشْ أَكِيذكْ.
 
خْزَارْ أَجنَّا، ؤُ خْزَارْ،
حكَّارْ إِسيْنُوثنْ ثِيوَا نّشْ قَاعْ!
مَاڒَا ثخْضِيذْ،
مِينْ إِ ذ أَسْ ثتّڭّذْ س مَانْ أَيَا؟
مَاڒَا إِعذِّيينْ نّشْ ذ أَطَّاسْ،
مِينْ زَّايسْ إِ ذ أَسْ إِ غَا ثَاوْيذْ؟
مَاڒَا شكْ ذ أَمْسڭّذْ،
مِينْ إِ ذ أَسْ ثتِّيشذْ س ؤُيَا،
نِيغْ مِينْ إِتّطّفْ نتَّا زڭْ ؤُفُوسْ نّشْ؟ 35:‏7 أَيُوبْ 22‏:‏2؛ إِزهد. 16‏:‏2؛ رُوم. 11‏:‏35
أَقَا ثُوعفّْنَا نّشْ
ثْڒقّفْ أَرْيَازْ أَمْ شكْ وَاهَا،
ؤُ ثَاسڭْذَا نّشْ ثتِّيڒِي
ذِي طّْوعْ ن إِجّْ ن مِّيسْ ن بْنَاذمْ وَاهَا.
 
سْغُويُّونْ زڭْ وَاطَّاسْ ن ڒحْصَارَاثْ،
تّْڒَاغَانْ غَارْ ثْوِيزَا
زِي سِّيبّثْ ن ؤُغِيڒْ ن أَيْثْ ن بُو-صُّولْطَا.
10 مَاشَا ؤُڒَا ذ إِجّنْ إِقَّارْ:
’مَانِي إِدْجَا أَربِّي، ونِّي ذ أَيِي إِڭِّينْ،
ونِّي إِتِّيشنْ إِزْڒَانْ ن ؤُصبّحْ ذِي دْجِيڒثْ،
11 ونِّي ذ أَنغْ إِسّڒْمَاذنْ
س ڒْمَاڒْ ن ثمُّورْثْ،
ذ ونِّي ذ أَنغْ إِتّڭّنْ ذ إِمِيغِيسنْ
س إِجْضَاضْ ن ؤُجنَّا؟‘
12 ذِينِّي سْغُويُّونْ نِيثْنِي،
مَاشَا نتَّا وَارْ د-إِتَّارِّي،
زِي سِّيبّثْ ن نّْفَاخثْ ن إِعفَّاننْ. 35:‏12 أَيُوبْ 27‏:‏9؛ أَوڒن. 1‏:‏28؛ 15‏:‏29؛ إِشا. 1‏:‏15؛ إِرْم. 11‏:‏11؛ يُوح. 9‏:‏31
13 س ثِيذتّْ، أَربِّي وَارْ إِتّسْڒِي
غَارْ إِغُويَّانْ إِبطّْڒنْ،
أَمْزمَّارْ خْ كُوڒْشِي وَارْ كِيذسْ إِڒهِّي.
 
14 وَاخَّا شكْ ثقَّارذْ،
أَقَا شكْ وَارْ ث ثتّْوِيڒِيذْ،
ثتّْغِيمَا ثْمسْڒَاشْثْ عَاذْ زَّاثْ إِ وُوذمْ نّسْ.
رَاجَا ث خنِّي.
15 مَاڒَا ڒخُّو أَخيّقْ نّسْ
وَارْ إِشِّيثْ عَاذْ،
مَا خنِّي نتَّا وَارْ إِسِّينْ
خْ ؤُعذِّي إِمْغَارْ؟ 35:‏15 أَيُوبْ 11‏:‏6
16 أَيُوبْ إِشَارّڭْ أَقمُّومْ نّسْ بَاطڒْ،
إِتّڭّْ أَوَاڒنْ إِمقّْرَاننْ نْهْڒَا ثُوسّْنَا.
 
 

35:3 35:‏3 أَيُوبْ 34‏:‏9

35:7 35:‏7 أَيُوبْ 22‏:‏2؛ إِزهد. 16‏:‏2؛ رُوم. 11‏:‏35

35:12 35:‏12 أَيُوبْ 27‏:‏9؛ أَوڒن. 1‏:‏28؛ 15‏:‏29؛ إِشا. 1‏:‏15؛ إِرْم. 11‏:‏11؛ يُوح. 9‏:‏31

35:15 35:‏15 أَيُوبْ 11‏:‏6