١ ”مَاڒَا ثَاوْهِيبْثْ نّسْ ذ ثَاغَارْصْثْ ن ڒهْنَا، إِتّْخصَّا، مَاڒَا خنِّي إِسّْقَارّبْ-د أَمُودَّارْ، أَذْ يِيڒِي ذ أَوْثمْ نِيغْ ذ ثَاوْثمْثْ ن إِفُونَاسنْ ذ ثْفُونَاسِينْ، أَذْ د-إِسّْقَارّبْ إِجّْ ن ؤُمُودَّارْ إِشْنَانْ قَاعْ زَّاثْ إِ وُوذمْ ن سِيذِي.

٢ أَذْ إِسَّارْسْ أَفُوسْ نّسْ خْ ؤُزدْجِيفْ ن ثوْهِيبْثْ نّسْ ؤُشَا أَذْ أَسْ إِغَارْصْ قِيبَاتْشْ إِ وَاذَافْ ن ؤُقِيضُونْ ن ؤُمْسَاڭَارْ ؤُشَا أَرَّاوْ ن هَارُونْ، إِكهَّاننْ، أَذْ زدْجْعنْ إِذَامّنْ نّسْ خْ ؤُعَالْطَارْ غَارْ مَارَّا إِغزْذِيسنْ نّسْ. ٣ زِي ثوْهِيبْثْ ن ڒهْنَا أَذْ إِقدّمْ إِشْثْ ثوْهِيبْثْ ن ثْمسِّي إِ سِيذِي، إِخْسْ أَذْ يِينِي ثَاذُونْثْ إِ إِذْڒِينْ أَذَانْ ذ مَارَّا ثَاذُونْثْ إِ إِدْجَانْ خْ وَاذَانْ. ◘3:‏3 ؤُف. 29‏:‏13، 22 ٤ أَذْ إِكّسْ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ إِدْجَانْ غَارْ ثجْعِينَّا ؤُڒَا ذ مِينْ يُويْڒنْ غَارْ ثْسَا ؤُ يَارْسَا خْ ثِيژَّاڒْ. ◼3:‏4 ’ثِيژَّاڒْ‘ - نِيغْ ’ثِيڭژْڒِينْ‘. ؤُڒَا ذِي أَيَاثْ 10 ذ 15. ٥ أَرَّاوْ ن هَارُونْ أَذْ سّْبخَّارنْ أَيَا خْ ؤُعَالْطَارْ خْ ثْغَارْصْثْ ن وشْمَاضْ إِ إِدْجَانْ خْ ؤُكشُّوضْ إِ ذِينْ إِدْجَانْ خْ ثْمسِّي. أَقَا-ث ذ ثَاوْهِيبْثْ ن ثْمسِّي، ذ إِشْثْ ن ڒفْوَاحثْ إِتّْفُوحنْ إِ سِيذِي. ◘3:‏5 ؤُف. 29‏:‏25؛ لَاوِي 6‏:‏5

٦ مَاڒَا ثَاوْهِيبْثْ نّسْ ذ ثَاغَارْصْثْ ن ڒهْنَا إِ سِيذِي، أَوْثمْ نِيغْ ذ ثَاوْثمْثْ ن وُودْجِي، خنِّي أَذْ د-إِسّْقَارّبْ إِجّْ ن ؤُمُوذَارْ إِشْنَانْ قَاعْ.

٧ مَاڒَا ذ ؤُحُوڒِي إِ د-إِسّْقَارّبْ ذ ثَاغَارْصْثْ، خنِّي أَذْ ث-إِ-د إِسّْقَارّبْ زَّاثْ إِ وُوذمْ ن سِيذِي. ٨ نتَّا أَذْ إِسَّارْسْ أَفُوسْ نّسْ خْ ؤُزدْجِيفْ ن ثوْهِيبْثْ نّسْ ؤُشَا أَذْ أَسْ إِغَارْصْ زَّاثْ إِ ؤُقِيضُونْ ن ؤُمْسَاڭَارْ، ؤُشَا أَرَّاوْ ن هَارُونْ أَذْ زدْجْعنْ إِذَامّنْ نّسْ خْ ؤُعَالْطَارْ غَارْ مَارَّا إِغزْذِيسنْ نّسْ. ٩ أَذْ إِقدّمْ ثَاذُونْثْ ن ثْغَارْصْثْ نْ ڒهْنَا أَمْ يِيشْثْ ن ثوْهِيبْثْ ن ثْمسِّي إِ سِيذِي: مَارَّا ثَانوَّارْثْ ن ثَاذُونْثْ نِّي يُوذْسنْ أَبعْصُوصْ أَذْ ت إِكّسْ، ؤُڒَا ذ ثَاذُونْثْ إِ إِذْڒِينْ أَذَانْ ذ مَارَّا ثَاذُونْثْ إِ إِدْجَانْ خْ وَاذَانْ ١٠ ؤُشَا أَذْ إِكّسْ ؤُڒَا ذ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ إِدْجَانْ غَارْ ثجْعِينَّا ذ مِينْ يُويْڒنْ غَارْ ثْسَا ؤُ يَارْسَا خْ ثِيژَّاڒْ. ١١ أَكهَّانْ أَذْ إِسّْبخَّارْ أَيَا خْ ؤُعَالْطَارْ. أَقَا ذ مَاشَّا، إِشْثْ ن ثوْهِيبْثْ ن ثْمسِّي إِ سِيذِي. ◘3:‏11 لَاوِي 21‏:‏6، 8، 17، 21، 22؛ 22‏:‏25؛ حِز. 44‏:‏7؛ مـَال. 1‏:‏12

١٢ مَاڒَا ثَاوْهِيبْثْ نّسْ ذ إِغَايْضْ، خنِّي أَذْ ث-إِ-د-إِسّْقَارّبْ زَّاثْ إِ وُوذمْ ن سِيذِي. ١٣ أَذْ إِسَّارْسْ أَفُوسْ نّسْ خْ ؤُزدْجِيفْ نّسْ ؤُشَا أَذْ أَسْ إِغَارْصْ زَّاثْ إِ ؤُقِيضُونْ ن ؤُمْسَاڭَارْ، ؤُشَا أَرَّاوْ ن هَارُونْ أَذْ زدْجْعنْ شْوَايْثْ ن إِذَامّنْ نّسْ خْ ؤُعَالْطَارْ غَارْ مَارَّا إِغزْذِيسنْ نّسْ. ١٤ أَذْ زَّايسْ إِقدّمْ ثَاوْهِيبْثْ نّسْ، إِخْسْ أَذْ يِينِي ثَاذُونْثْ إِ إِذْڒِينْ أَذَانْ، ؤُ مَارَّا ثَاذُونْثْ إِ إِدْجَانْ خْ وَاذَانْ، أَمْ ثوْهِيبْثْ ن ثْمسِّي إِ سِيذِي ١٥ ؤُشَا أَذْ إِكّسْ ؤُڒَا ذ ثْنَاينْ ن ثِيژَّاڒْ أَكْ-ذ ثَاذُونْثْ إِ خَاسنْثْ إِدْجَانْ غَارْ ثجْعِينَّا ؤُڒَا ذ مِينْ يُويْڒنْ غَارْ ثْسَا ؤُ يَارْسَا خْ ثِيژَّاڒْ. ١٦ أَكهَّانْ أَذْ إِسّْبخَّارْ أَيَا خْ ؤُعَالْطَارْ، أَقَا ذ مَاشَّا ن ثوْهِيبْثْ ن ثْمسِّي س إِشْثْ ن ڒفْوَاحثْ إِتّْفُوحنْ. مَارَّا ثَاذُونْثْ أَذْ ثِيڒِي إِ سِيذِي. ١٧ ثَا ذ ثَاوْصيّثْ إِ ڒبْذَا إِ مَارَّا جِّيڒَاثْ نْومْ، مَانِي مَا إِ غَا ثْزذْغمْ: مَارَّا ثَاذُونْثْ ذ مَارَّا إِذَامّنْ وَارْ ثنْ تّتّمْ.“ ◘3:‏17 أَمز. 9‏:‏4؛ لَاوِي 7‏:‏26؛ 17‏:‏10، 14