1 س ؤُينِّي، أَ أَيْثْمَا، فَارْحمْ ذِي سِيذِيثْنغْ. وَارْ خَافِي يوْعَارْ أَذْ أَومْ أَرِيغْ ثِيمسْڒَايِينْ-أَ ثْوَاڒَا نّغْنِيثْ، مِينْزِي أَذْ زَّايْسنْثْ ثتّْوَاحْضَامْ. ◘3:‏1 فِيل. 4‏:‏4؛ يَاع. 1‏:‏2؛ 1 بُط. 4‏:‏13.

2 حْضَامْ إِخفْ نْومْ زڭْ يِيطَانْ، حْضَامْ زڭْ إِخدَّامنْ إِعفَّاننْ، حْضَامْ زڭْ إِنِّي إِقطّْعنْ أَيْسُومْ. ◘3:‏2 إِشا. 56‏:‏10. 3 مِينْزِي نشِّينْ ذ أَخْثَانْ، نشِّينْ إِنِّي إِتّْسخَّارنْ إِ أَربِّي س أَرُّوحْ، إِنِّي إِسّمْغَارَانْ ذِي يَاسُوع لْمَاسِيحْ، ؤُشَا وَارْ تِّيقّنْ شَا ذڭْ وخْثَانْ ن ويْسُومْ ن بْنَاذمْ. ◘3:‏3 أَعَوذ. 10‏:‏16؛ 30‏:‏6؛ إِرْم. 4‏:‏4؛ يُوح. 4‏:‏24؛ رُوم. 2‏:‏29؛ كُول. 2‏:‏11.

4 نشّْ زمَّارغْ أَذْ تِّيقّغْ ذڭْ ويْسُومْ إِنُو، مِينْزِي مَاڒَا إِتّْغِيڒْ إِ حذْ أَذْ إِتِّيقّْ ذڭْ ويْسُومْ نّسْ، نشّْ كْثَارْ: ◘3:‏4 2 كُور. 11‏:‏21. 5 أَقَا أَيِي ذ أَمخْثَانْ زڭْ وَامِي غَارِي ثْمنْيَا ن وُوسَّانْ، زِي ڒْڭنْسْ ن إِسْرَائِيل، زڭْ أَيْثْ ن بِينْيَامِينْ، نشّْ ذ أَعِيبْرَانِي زڭْ إِعِيبْرَانِييّنْ، زِي جِّيهثْ ن شَّارِيعَا نشّْ ذ أَفَارِيسِي، ◘3:‏5 أَمز. 49‏:‏27؛ لَاوِي 12‏:‏3؛ ڒخ. 23‏:‏6؛ 2 كُور. 11‏:‏22. 6 زڭْ ؤُغزْذِيسْ ن شْضَارثْ ثُوغَا ذَارّْشغْ خْ ثْمسْمُونْثْ ن لْمَاسِيحْ، زڭْ ؤُغزْذِيسْ ن ثْسڭْذَا ثنِّي ذِي شَّارِيعَا أَقَا أَيِي بْڒَا ڒْعِيبْ. ◘3:‏6 ڒخ. 8‏:‏3؛ 9‏:‏1؛ 22‏:‏3، 4؛ ڭال. 1‏:‏13؛ 1 تِيم. 1‏:‏13. 7 مَاشَا مِينْ ثُوغَا غَارِي أَرْبحْ، أَقَا ڭِّيغْ ث ذ ثَاخسَّارْثْ خْ سِّيبّثْ ن لْمَاسِيحْ. ◘3:‏7 مت. 13‏:‏44. 8 نشّْ ڭِّيغْ مَارَّا مَانْ أَيَا ذ ثَاخسَّارْثْ زِي سِّيبّثْ ن ثُوسّْنَا ن سِيذِي يَاسُوع لْمَاسِيحْ، ونِّي ذِي طّْوعْ نّسْ خْسَارغْ كُوڒْشِي، ڭِّيغْ ث أَمشْنَاوْ وفْرَاضْ يُورْصُوضنْ حِيمَا أَذْ أَربْحغْ لْمَاسِيحْ، ◘3:‏8 إِشا. 53‏:‏11؛ إِرْم. 9‏:‏22؛ يُوح. 17‏:‏3؛ كُول. 2‏:‏2. 9 مَاحنْذْ أَذْ تّْوَافغْ ذَايسْ، وَارْ إِدْجِي س ثْسڭْذَا ن إِخفْ إِنُو ثنِّي زِي شَّارِيعَا - مَاشَا أَكْ-ذ ثنِّي د-إِتّفّْغنْ زِي لْ-إِيمَانْ ن لْمَاسِيحْ، أَقَا-ت ذ ثَاسڭْذَا ثنِّي زِي أَربِّي - ◘3:‏9 رُوم. 1‏:‏17؛ 3‏:‏21. 10 حِيمَا أَمُّو إِ غَا سّْنغْ يَاسُوع ذ جّهْذْ ن ثْنُوكْرَا نّسْ، ؤُ مَاحنْذْ أَذْ شَارْشغْ ذڭْ ؤُودّبْ نّسْ، أَذْ ذوْڒغْ ذڭْ وَارْوَاسْ ن ڒْموْثْ نّسْ، ◘3:‏10 رُوم. 8‏:‏17؛ 2 كُور. 4‏:‏10؛ 2 تِيم. 2‏:‏11، 12؛ 1 بُط. 4‏:‏13. 11 حِيمَا س شَا ن وبْرِيذْ أَذْ أَوْضغْ غَارْ ثْنُوكْرَا زِي ثَادَّارْثْ ن إِمتِّيننْ.

12 نشّْ وَارْ تِّيوِيضغْ نِيغْ تّْوَاكمّْڒغْ عَاذْ، مَاشَا يمَّارغْ إِ مَانْ أَيَا، حِيمَا، مَاڒَا إِعدّڒْ، أَذْ طّْفغْ مِينْ خفْ إِ ذ أَيِي إِطّفْ يَاسُوع لْمَاسِيحْ. 13 أَ أَيْثْمَا، وَارْ ذ أَيِي إِتّْغِيڒْ أَقَا طّْفغْ ث، مَاشَا تّڭّغْ إِشْثْ ن ڒْحَاجّثْ: تُّوغْ مِينْ أَوَارْنِي أَيِي ؤُشَا أَذْ سّْوِيژّْضغْ إِخفْ إِنُو غَارْ مِينْ ذِينْ زَّاثِي. 14 تِّيزَّارغْ غَارْ لْغَارَاضْ حِيمَا أَذْ طّْفغْ تَّاجْ ن ؤُغلّبْ ن ثْڒَاغِيثْ يُوعْڒَانْ ن أَربِّي ثنِّي إِدْجَانْ ذِي يَاسُوع لْمَاسِيحْ. ◘3:‏14 1 كُور. 9‏:‏24؛ 2 تِيم. 4‏:‏7.

15 أجّْ إِنِّي إِوْضنْ غَارْ ڒكْمَارثْ، أَذْ ركّْزنْ خنِّي ذِي ثْمسْڒَايِينْ-أَ. ؤُشَا مَاڒَا غَارْومْ نّيّثْ نّغْنِي ذِي شَا، أَقَا أَربِّي أَذْ أَومْ إِسّْشنْ مَانْ أَيَا عَاوذْ. 16 مَاشَا أجّْ أَنغْ، حِيمَا أَذْ نَاوضْ غَارْ مَانْ أَيَا، أَذْ نُويُورْ ذڭْ وبْرِيذْ ذ إِجّنْ س إِخَارِيصّنْ نّغْ ذ إِجّنْ. ◘3:‏16 رُوم. 12‏:‏16؛ 15‏:‏5؛ 1 كُور. 1‏:‏10؛ ڭال. 6‏:‏16؛ فِيل. 2‏:‏2؛ 1 بُط. 3‏:‏8. 17 ضْفَارمْ أَيِي-د، أَ أَيْثْمَا، كْسِيمْ ثِيوصَّافْ إِ إِنِّي يُويُورنْ عْلَاحْسَابْ أَمذْيَا إِ زَّايْنغْ ثژْرِيمْ. ◘3:‏17 1 كُور. 4‏:‏16؛ 11‏:‏1؛ 1 تس. 1‏:‏6. 18 مِينْزِي أَقَا ذِينْ أَطَّاسْ إِنِّي يُويُورنْ وَارْ إِدْجِي أَمنِّي، نِّيغْ أَومْ ت أَطَّاسْ ن إِمُورنْ - ؤُشَا ڒخُّو أَذْ ت إِنِيغْ س إِمطَّاونْ - أَقَا أَثنْ ذ ڒْعذْيَانْ ن صَّالِيبْ ن لْمَاسِيحْ. ◘3:‏18 رُوم. 16‏:‏17. 19 أَنڭَّارُو نْسنْ ذ أَهلّكْ، أَربِّي نْسنْ ذ أَعذِّيسْ نْسنْ ؤُشَا أَعُودْجِي نْسنْ ذ أَبهْذڒْ نْسنْ، ؤُ نّيّثْ نْسنْ ذِي ثْمسْڒَايِينْ ن دُّونشْثْ. 20 مَاشَا نشِّينْ نتّْسخَّارْ ذڭْ إِجنْوَانْ إِ زَّايسْ نتّْرَاجَا عَاوذْ ونِّي ذ أَنغْ إِتِّيشنْ ثُوذَارْثْ، سِيذِيثْنغْ يَاسُوع لْمَاسِيحْ، ◘3:‏20 1 كُور. 1‏:‏7؛ 1 تس. 1‏:‏10؛ ثِيث. 2‏:‏13؛ عبر. 13‏:‏14. 21 ونِّي إِ غَا إِبدّْڒنْ أَرِّيمثْ نّغْ إِحبْضنْ، حِيمَا أَذْ ثذْوڒْ ذِي صِّيفثْ ن أَرِّيمثْ نّسْ إِعُودْجنْ، عْلَاحْسَابْ جّهْذْ نّسْ ثَامقّْرَانْثْ إِ زِي إِ غَا إِتّْوَاڭّْ مَارَّا مِينْ إِدْجَانْ سْوَادَّايْ نّسْ. ◘3:‏21 1 كُور. 15‏:‏51؛ كُول. 3‏:‏4؛ 1 يُوح. 3‏:‏2.