١ إِ ؤُمقّْرَانْ ن إِمغْنَاجنْ. زڭْ أَيْثْ ن قُورَاحْ. أَزهّذْ.

٢ أَ مَارَّا ڒڭْنُوسْ، وْثمْ ذڭْ إِفَاسّنْ،

ذُوقّْزمْ س ؤُسْڒِيوْڒوْ زَّاثْ إِ أَربِّي.

٣ مَاغَارْ سِيذِي، أَمْعُودْجِي خْ كُوڒْشِي،

أَقَا إِسَّاڭّْوَاذْ،

نتَّا ذ إِجّْ ن ؤُجدْجِيذْ ذ أَمقّْرَانْ

خْ مَارَّا ثَامُّورْثْ.

٤ نتَّا إِسَّاضَارَا أَنغْ ڒڭْنُوسْ،

نتَّا يَارَّا شُّوعُوبْ سَاذُو إِضَارنْ نّغْ.

٥ نتَّا إِفَارّزْ ثَاسْغَارْثْ نّغْ إِ نشِّينْ،

ثنِّي ذ أَفيّشْ ن يَاعْقُوبْ

ونِّي ثُوغَا إِتّخْسْ. سِيلَاهْ.

٦ أَربِّي يُوڒِي سنّجْ س ؤُسْڒِيوْڒوْ،

سِيذِي، غَارْ ثْمِيجَّا ن ؤُسُوضِي

ذڭْ ؤُيِيشّْ ن إِشَارِّي.

٧ زهّْذمْ إِ أَربِّي، زهّْذمْ!

زهّْذمْ إِ ؤُجدْجِيذْ، زهّْذمْ!

٨ مَاغَارْ أَربِّي ذ أَجدْجِيذْ

خْ مَارَّا ثَامُّورْثْ.

زهّْذمْ أَيَا إِ ؤُخمِّي ذَايسْ.

٩ أَربِّي إِحكّمْ خْ ڒڭْنُوسْ،

أَربِّي إِتّْغِيمَا

خْ ڒْْعَارْشْ نّسْ إِقدّْسنْ.

١٠ ثَارْوَا ن ثَاصِيڒثْ نْ ڒڭْنُوسْ

تّْوَاسّْمُوننْ

أَكْ-ذ ڒْْڭنْسْ ن أَربِّي ن إِبْرَاهِيمْ،

مَاغَارْ ثِيسدَّارِييّنْ إِ ؤُسڒْقِي ن ثمُّورْثْ

إِ أَربِّي.

نتَّا أَقَا إِتّْوَاسّْعُودْجْ قَاعْ.