٨٢
١ أَزهّذْ ن أَسَافْ.
أَربِّي إِبدّْ ذِي ثْمسْمُونْثْ ن أَربِّي.
نتَّا إِحكّمْ س ڒْْحقّْ
ذِي ڒْوسْثْ ن إِربِّيثنْ.
٢ مشْحَاڒْ إِ غَا ثكّمْ
ثْحكّْممْ س ڒْْغشّْ،
أَذْ ثسّْڭعّْذمْ ؤُذمْ ن إِعفَّاننْ؟
سِيلَاهْ.
٣ حكْممْ س ڒْْحقّْ خْ ؤُمَارْخُو
ؤُ خْ ؤُيُوجِيڒْ،
أَغمْ ثَاسْغَارْثْ إِ ونِّي إِتّْوَاحصَّارنْ
ؤُ إِ ؤُمزْڒُوضْ.
٤ فكّمْ أَمَارْخُو ذ ؤُمزْڒُوضْ،
فكّْ إِ-ث زڭْ ؤُفُوسْ ن إِعفَّاننْ. ◘82:4 أَوڒن. 24:11
٥ نِيثْنِي وَارْ تّسّْننْ ؤُ وَارْ فهّْمنْ،
ڭُّورنْ تّنّْضنْ ذِي ثَادْجسْثْ،
مَارَّا ذْسُوسَا ن ثمُّورْثْ تّنْهزَّانْ.
٦ نشّْ نِّيغْ: ”كنِّيوْ ذ إِربِّيثنْ،
كنِّيوْ مَارَّا ذ إِحنْجِيرنْ
ن ؤُمْعُودْجِي خْ كُوڒْشِي!“ ◘82:6 يُوح. 10:34-36
٧ عَاذْ أَذْ ثمْثمْ أَمْ كُوڒْ بْنَاذمْ،
أَذْ ثوْضَامْ أَمْ كُوڒْ إِجّنْ زِي ڒْْحُوكَّامْ.
٨ كَّارْ، أَ أَربِّي، حْكمْ خْ ثمُّورْثْ،
مِينْزِي شكْ أَذْ ثطّْفذْ ثَاسْغَارْثْ نّشْ
زِي مَارَّا ڒڭْنُوسْ. ◘82:8 إِزهد. 2:8؛ عبر. 1:2