91
1 ثْمِيجَّا ثَامزْوَارُوثْ:
ونِّي إِزدّْغنْ
ذڭْ ؤُذُورِّي ن ؤُمْعُودْجِي خْ كُوڒْشِي،
أَقَا نتَّا أَذْ إِسّنْسْ
ذِي ثِيڒِي ن ؤُمْزمَّارْ خْ كُوڒْشِي.
2 ثْمِيجَّا وِيسّْ ثْنَاينْ:
أَذْ إِنِيغْ إِ سِيذِي:
شكْ ذ أَمْشَانْ إِنُو ن ثَاروْڒَا ذ لْبُورْجْ إِنُو،
أَربِّي إِنُو، ونِّي خْ تّشْڒغْ!
3 ثْمِيجَّا ثَامزْوَارُوثْ:
مَاغَارْ نتَّا أَذْ شكْ إِفكّْ
زِي ڒْفخْ ن إِنيْمَارنْ ن إِجْضَاضْ،
زِي طَّاعُونْ يَاردّْدْجنْ. ◘91:3 إِزهد. 124:7
4 س أَرِّيشْ نّسْ أَذْ شكْ إِذڒْ،
سَاذُو وَافْرِيونْ نّسْ أَذْ ثَافذْ أَذُورِّي.
ڒْْمَانثْ نّسْ ذ ثَاسدَّارْثْ ثَامقّْرَانْثْ
ذ أَرُّوضْ ن وُوزَّاڒْ. ◘91:4 إِزهد. 57:2
5 وَارْ ثتّڭّْوذذْ شَا
زڭْ ؤُنخْڒِيعْ ن دْجِيڒثْ،
زِي فْڒِيثْشَا ن ڒْقوْسْ إِ ذِينْ إِطَّاونْ س وَاسّْ، ◘91:5 أَيُوبْ 5:19، 20؛ أَوڒن. 3:25؛ إِزْڒِي 3:8
6 ؤُڒَا زِي طَّاعُونْ إِ د-إِتّنّْضنْ ذِي ثَادْجسْثْ،
زِي لْهَالَاكْ إِ يَاردّْدْجنْ س ؤُزِيڒْ.
7 وَاخَّا أَذْ وْضَانْ أَڒفْ غَارْ ؤُغزْذِيسْ نّشْ
ؤُعشْرَا أَڒفْ غَارْ أَفُوسْ أَفُوسِي نّشْ،
عَاذْ وَارْ شكْ د-إِتِّيكّْوِيضْ.
8 أَذْ ثْوَاڒِيذْ أَيَا س ثِيطَّاوِينْ نّشْ وَاهَا،
أَذْ ثْژَارذْ مَامّشْ غَا إِتّْوَاخْڒفْ
زڭْ إِعفَّاننْ.
9 ثْمِيجَّا وِيسّْ ثْنَاينْ:
مَاغَارْ خَاكْ:
’شكْ أَ سِيذِي، أَقَا شكْ
ذ أَمْشَانْ إِنُو ن ثَاروْڒَا!‘
ثْمِيجَّا ثَامزْوَارُوثْ
أَقَا شكْ ثڭِّيذْ أَمْعُودْجِي خْ كُوڒْشِي
ذ ثَازذِّيغْثْ إِ يِيخفْ نّشْ،
10 وَارْ ذَايكْ ثْنطّحْ ثُوعفّْنَا،
ؤُڒَا ذ إِشْثْ ن جّْرِيحشْثْ
وَارْ د-ثْقَارَّابْ شَا غَارْ ؤُقِيضُونْ نّشْ،
11 مَاغَارْ نتَّا أَذْ خَاكْ يُومُورْ
لْمَالَاكَاثْ نّسْ،
مَاحنْذْ أَذْ شكْ حْضَانْثْ
ذِي مَارَّا إِبْرِيذنْ نّشْ. ◘91:11 إِزهد. 34:8؛ مت. 4:6؛ لك. 4:10
12 أَذْ شكْ كْسِينْ خْ إِفَاسّنْ نْسنْثْ،
حِيمَا أَضَارْ نّشْ وَارْ إِنڭّحْ أَژْرُو. ◘91:12 لك. 4:11
13 أَذْ ثْعفْسذْ خْ ويْرَاذْ إِزهَّارنْ
ؤُ خْ ثْڒفْسَا،
أَذْ ثْعجْنذْ خْ ويْرَاذْ أَمژْيَانْ
ذ ڒْهَايْشثْ ن ڒبْحَارْ. ◘91:13 أَيُوبْ 5:22، 23
14 ثْمِيجَّا وِيسّْ ثْڒَاثَا زِي أَربِّي:
ؤُمِي د-إِقّنْ نتَّا غَارِي،
نشّْ أَذْ ث سّْنجْمغْ.
نشّْ أَذْ ث سّْڭعّْذغْ،
مَاغَارْ نتَّا إِسّنْ إِسمْ إِنُو.
15 نتَّا أَذْ أَيِي إِڒَاغَا
ؤُ نشّْ أَذْ خَاسْ د-أَرّغْ.
ذِي ڒحْصَارثْ أَقَا أَيِي غَارسْ.
نشّْ أَذْ ث فكّغْ، أَذْ أَسْ سّْعُودْجغْ.
16 نشّْ أَذْ ث سّْجِّيوْنغْ
أَكْ-ذ ثُوزّڭَّارْثْ ن وُوسَّانْ،
نشّْ أَذْ أَسْ سّشْنغْ أَسنْجمْ إِنُو.