1 إِزْڒِي ن ؤُڭعّذْ. ن ذَاوُوذْ.

مْڒِي سِيذِي وَارْ كِيذْنغْ إِبدّْ!

إِنِي ث خنِّي أَمُّو، أَ إِسْرَائِيل،

2 مْڒِي سِيذِي وَارْ كِيذْنغْ إِبدّْ،

ؤُمِي أَكِيذْنغْ د-كَّارنْ إِوْذَانْ،

3 إِڒِي سَارْضنْ أَنغْ أَمْ ندَّارْ،

ؤُمِي يَارْغَا ؤُخيّقْ نْسنْ خَانغْ،

4 إِڒِي أَمَانْ فيّْضنْ خَانغْ،

إِڒِي إِشْثْ ن ڒْحمْڒثْ ثكَّا خْ ڒعْمَارْ نّغْ،

5 إِڒِي أَمَانْ إِحَاجنْ كِّينْ خْ ڒعْمَارْ نّغْ.

6 أَذْ إِتّْوَابَاركْ سِيذِي،

ونِّي وَارْ د أَنغْ إِتّجِّينْ

ذ ثَاكشَّاضْثْ إِ ثغْمَاسْ نْسنْ.

7 ڒعْمَارْ نّغْ يَارْوڒْ

أَمْ وجْضِيضْ زِي ڒْفخْ ن ؤُنڭْمَارْ.

ڒْفخْ يَارژْ ؤُ نشِّينْ ننْفكّْ. ◘124:‏7 أَوڒن. 6‏:‏5

8 ثْوِيزَا نّغْ ثْبدّْ ذڭْ يِيسمْ ن سِيذِي،

ونِّي إِڭِّينْ إِجنْوَانْ ذ ثمُّورْثْ. ◘124:‏8 إِزهد. 121‏:‏2