146
1 هَالِّيلُو-يَاه.
أَ ڒعْمَارْ إِنُو، صبّحْ إِ سِيذِي.
2 نشّْ أَذْ صبّْحغْ إِ سِيذِي
مِينْ غَا كّغْ دَّارغْ،
أَذْ زهّْذغْ إِ أَربِّي إِنُو
مِينْ ذَا غَا كّغْ عَاذْ. ◼146:2 ’مِينْ غَا كّغْ دَّارغْ‘ - س ثْعِيبْرَانِيثْ ’ذِي ثُوذَارْثْ إِنُو‘.
3 وَارْ ثْشڒْ خْ ثَارْوَا ن ثَاصِيڒثْ،
خْ مِّيسْ ن بْنَاذمْ،
ونِّي ؤُمِي وَارْ غَارْ إِدْجِي بُو ؤُسنْجمْ. ◘146:3 إِزهد. 118:8، 9
4 إِفّغْ بُوحْبڒْ نّسْ،
إِذْوڒْ غَارْ ثمُّورْثْ.
ذڭْ وَاسّْ نِّي سِيمَانْثْ نّسْ
أَذْ قْضَانْ إِنْوَاينْ نّسْ.
5 سّعْذْ ن ونِّي غَارْ إِدْجَا
أَربِّي ن يَاعْقُوبْ ذ أَمْعَاونْ،
ونِّي إِتّْرَاجَانْ سِيذِي، أَربِّي نّسْ،
6 ونِّي إِڭِّينْ إِجنْوَانْ ذ ثمُّورْثْ،
ڒبْحَارْ ذ مَارَّا مِينْ ذَايسْ،
ونِّي ذَايسْ ڒَامَانْ إِ ڒبْذَا، ◼146:6 ’ونِّي ذَايسْ ڒَامَانْ‘ - س ثْعِيبْرَانِيثْ ’ونِّي إِحطَّانْ ڒَامَانْ‘.
7 ونِّي إِتَّاغنْ ثَاسْغَارْثْ
إِ يِينِّي إِتّْوَاحصَّارنْ،
ونِّي إِتِّيشنْ أَغْرُومْ إِ يِينِّي إِدْجُوژنْ.
سِيذِي يَارخُّو إِ إِمحْبَاسْ.
8 سِيذِي يَارزّمْ إِ إِذَارْغَاڒنْ ثِيطَّاوِينْ،
إِسّْبدَّا إِنِّي إِڭُّورنْ إِتّقْوِيسنْ،
سِيذِي إِتّخْسْ إِمْسڭَّاذنْ. ◘146:8 إِزهد. 145:14؛ 147:3؛ مت. 9:30؛ لك. 13:13؛ يُوح. 9:7، 32
9 سِيذِي إِحطَّا إِبَارَّانِييّنْ،
إِتِّيشْ أَفُوسْ إِ ؤُيُوجِيڒْ ذْ ثِيجَّاڒْ،
مَاشَا أَبْرِيذْ ن إِعفَّاننْ أَذْ ث إِسّْفَارْغْ.
10 سِيذِي أَذْ إِحْكمْ إِ ڒبْذَا،
أَربِّي نّشْ، أَ صِيهْيُونْ،
إِحكّمْ زِي جِّيڒْ أَڒْ جِّيڒْ.
هَالِّيلُو-يَاه. ◘146:10 ؤُف. 15:18؛ إِزهد. 145:13
◼146:2 146:2 ’مِينْ غَا كّغْ دَّارغْ‘ - س ثْعِيبْرَانِيثْ ’ذِي ثُوذَارْثْ إِنُو‘.
◘146:3 146:3 إِزهد. 118:8، 9
◼146:6 146:6 ’ونِّي ذَايسْ ڒَامَانْ‘ - س ثْعِيبْرَانِيثْ ’ونِّي إِحطَّانْ ڒَامَانْ‘.
◘146:8 146:8 إِزهد. 145:14؛ 147:3؛ مت. 9:30؛ لك. 13:13؛ يُوح. 9:7، 32
◘146:10 146:10 ؤُف. 15:18؛ إِزهد. 145:13