125
1 Izři n ugeɛɛed.
Inni ittecřen x SIDI,
aqa aten am wedrar n Ṣihyun,
wenni war ittenhezzin,
maca ittɣima i řebda. ◘125:1 Izhd. 9:5, 8, 12; Izhd.123:1
2 Am mammec idurar
quwwaren i Urcalim,
ammu iquwwar SIDI i řgens nnes,
zi řexxu ař řebda.
3 Maɣar azeǧaḍ n řɣar
war ittɣimi ittareyyeḥ
x temmurt n imseggaden,
ḥima imseggaden
war sswiẓẓiḍen ifassen nsen ɣar řɣar.
4 Iři ad yegg SIDI tacuni
deg iṣebḥanen,
deg inni iseggden s wuř, ◼125:4 s wuř - s Tɛibranit ‘s wuřawen’.
5 maca inni i ɣa iḥeyyden zeg webrid
ɣar ibriden ifarɣen,
ad ten issiggʷej SIDI jmiɛ
ak-d yinni itteggen řɣecc.
Ad din yiři řehna x Israil.