1 “ⵓⵛⵜ ⵅ ⵢⵉⵏⵏⵉ ⵡⴰⵔ ⴷⵉ ⵢⴻⴵⵉ ⴱⵓ ⵡⴻⵎⵏⵓⵙ ⴷⵉ ⵚⵉⵀⵢⵓⵏ ⵓ ⵅ ⵢⵉⵏⵏⵉ ⵓⵎⵉ ⵉⵜⵜⵖⵉⵍ ⴰⵇⴰ ⴰⵜⴻⵏ ⴷⵉ ⵍⴰⵎⴰⵏ ⵅ ⵡⴻⴷⵔⴰⵔ ⵏ ⵙⴰⵎⴰⵔⵢⴰ, ⵉⵎⵛⴻⵏⵏⵄⴻⵏ ⵏ ⵡⴻⵏⵏⵉ ⴷ ⴰⵎⴻⵣⵡⴰⵔⵓ ⵊⴰⵔ ⵍⴻⴳⵏⵓⵙ, ⵉ ⵖⴰⵔⴻⵙ ⴷⴷ-ⵜᵉⵜⵜⴰⵙ ⵎⴰⵔⵔⴰ ⵜⴰⴷⴷⴰⵔⵜ ⵏ ⵉⵙⵔⴰⵉⵍ. ◘6:1 ⵓⴼ. 19:5; ⵉⵔⵎ. 2:3

2 ⵄⴷⵓⵎ ⵖⴰⵔ ⴽⴰⵍⵏⴰ ⵓ ⵜⵅⴻⵣⵣⴰⵔⴻⵎ ⵎⴰⵎⵎⴻⵛ ⵜⴻⴵⴰ! ⵓⵢⵓⵔⴻⵎ ⵙⵙⴻⵏⵏⵉ ⵖⴰⵔ ⵃⴰⵎⴰⵜ ⵓ ⵀⵡⴰⵎ-ⴷⴷ ⵖⴰⵔ ⵊⴰⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ. ⵎⴰ ⵏⵉⵜⵏⵉ ⵃⵙⴻⵏ ⵣⵉ ⵜⴳⴻⵍⴷⴰⵡⵉⵏ-ⴰ ⵏⵉⵖ ⵜⴰⵎⵎⵓⵔⵜ ⵏⵙⴻⵏ ⴷ ⵜⴰⵎⴻⵇⵇⵔⴰⵏⵜ ⵅ ⵜⴻⵎⵎⵓⵔⵜ ⵏⵡⴻⵎ? ◼6:2 ⵜⵉⴳⴻⵍⴷⴰⵡⵉⵏ-ⴰ-ⵉⵅⵙ ⴰⴷ ⵢⵉⵏⵉ ⵉⵙⵔⴰⵉⵍ ⴷ ⵢⴰⵀⵓⴷⴰ.

3 ⴽⴻⵏⵏⵉⵡ, ⵉⵏⵏⵉ ⵉⵙⵙⴱⴻⵄⵄⴷⴻⵏ ⴰⵙⵙ ⴰⵄⴻⴼⴼⴰⵏ ⵖⴰⵔ ⵣⵣⴰⵜ ⵏⵡⴻⵎ, ⵎⴰⵛⴰ ⵜⴻⵙⵙⵇⴰⵔⵔⴰⴱⴻⵎ ⵍⴽⵓⵍⵙⵉ ⵏ ⵍⵄⵓⵏⴼ,◘6:3 ⵃⵉⵥ. 12:27; ⵄⴰⵎ. 5:18 4 ⴽⴻⵏⵏⵉⵡ, ⵉⵏⵏⵉ ⵉ ⴷⵉⵏ ⵉⵜⵜⴻⵣⵣⵍⴻⵏ ⵅ ⵇⴰⵎⴰⵜ ⵏ ⵍⵄⴰⵊ ⵓⵛⴰ ⵜⵜⴻⵙⵟⵉⵍⴻⵏ ⵅ ⵍⴻⵎⵟⴰⵔⴱⴰⵜ ⵏⵡⴻⵎ ⵓ ⵜⵜᵉⵜⵜⴻⵏ ⵉⵣⵎⴰⵔⴻⵏ ⵏ ⵡⵓⴵⵉ ⵓⵍⴰ ⴷ ⵉⵄⴻⵊⵎⵉⵢⵢⴻⵏ ⵣⵉ ⵍⵡⴻⵙⵟ ⵏ ⵍⴽⵓⵔⵉ, ◼6:4 ⵉⵄⴻⵊⵎⵉⵢⵢⴻⵏ-ⵏⵉⵖ ‘ⴰⵎⵡⴰ’, ‘ⴰⵢⴻⵏⴷⵓⵥ’ ⵏⵉⵖ ‘ⵢⵓⴳⴳⵓ’. 5 ⵉⵏⵏⵉ ⵉ ⴷⵉⵏ ⵉⵖⴻⵏⵏⵊⴻⵏ ⴰⵎⴻⵏⵏⵉ ⵡⴰⵀⴰ ⵖⴰⵔ ⴵⵖⴰ ⵏ ⵍⵀⴰⵔⴱⴰ, ⴰⵎ ⴷⴷ-ⵙⵙⵓⴼⴼⵖⴻⵏ ⵄⵍⴰⵎ ⴽⵓⵍ ⵏ ⵉⵣⵍⴰⵏ ⵙ ⴷⴷⵓⵣⴰⵏ ⵏ ⵍⵎⵓⵙⵉⵇⴰ, ⴰⵎ ⵎⴰⵎⵎⴻⵛ ⵜ ⵉⴳⴳⴰ ⴷⴰⵡⵓⴷ, ◘6:5 ⵉⵛⴰ. 5:12 6 ⵉⵏⵏⵉ ⵉⵙⴻⵙⵙⴻⵏ ⴱⵉⵏⵓ ⵣⵉ ⵟⵟⴰⵡⵢⴰⵜ ⵏ ⵓⵔⵓⵛⵛⵉ, ⵉⵏⵏⵉ ⵉⴷⴻⵀⵀⵏⴻⵏ ⵉⵅⴻⴼ ⵏⵙⴻⵏ ⵙ ⵍⴻⵎⵅⴻⵢⵢⴰⵔ ⵏ ⵣⵣⴻⵛⵜ ⵓ ⵡⴰⵔ ⵜⵜⴰⵔⵔⴰⵏ ⵜⴰⵢⵏⵉⵜ ⵉ ⵜⵔⴻⵥⵥⵉⵜ ⵏ ⵢⵓⵙⵓⴼ. ◘6:6 ⵉⵛⴰ. 5:11, 12 7 ⵙ ⵓⵢⴰ ⴰⴷ ⵓⵢⵓⵔⴻⵏ ⵏⵉⵜⵏⵉ ⵍⴻⵅⵅⵓ ⵖⴰⵔ ⵍⵎⴻⵏⴼⴰ ⵖⴰⵔ ⵓⵣⴻⴵⵉⴼ ⵏ ⵉⵎⴻⵏⴼⵉⵢⵢⴻⵏ. ⴰⵇⴰ ⵉⵜⵜⵡⴰⵇⴹⴰ ⴷⴷⵔⵉⵣ ⵏ ⵓⵖⵓⵢⵢⵉ ⵏ ⵢⵉⵏⵏⵉ ⵉ ⴷⵉⵏ ⵉⵜⵜⵖⵉⵎⴰⵏ ⵖⴰⵔ ⵟⵟⴰⴱⵍⴰ ◘6:7 ⵉⵛⴰ. 5:13

8 ⵙⵉⴷⵉ ⵉⵏⵓ, ⵙⵉⴷⵉ ⵉⵊⵊⵓⴵ ⵙ ⵢⵉⵅⴻⴼ ⵏⵏⴻⵙ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ: ⵏⴻⵛⵛ ⵄⵉⴼⴼⴻⵖ ⵏⵏⴼⴰⵅⴻⵜ ⵏ ⵢⴰⵄⵇⵓⴱ ⵓ ⵛⴰⵔⵔⵀⴻⵖ ⵍⴻⵇⵚⵓⵔ ⵏⵏⴻⵙ. ⵙ ⵓⵢⴻⵏⵏⵉ ⴰⴷ ⵙⴻⵍⵍⵎⴻⵖ ⵜⴰⵏⴷⵉⵏⵜ ⴷ ⵎⴰⵔⵔⴰ ⵎⵉⵏ ⴷⴰⵢⴻⵙ.”

9 “ⴰⴷ ⵉⵎⵙⴰⵔ ⵍⴰⵎⵉ ⵇⵇⵉⵎⴻⵏ ⵄⴻⵛⵔⴰ ⵏ ⵉⵔⵢⴰⵣⴻⵏ ⴷⵉ ⵜⴰⴷⴷⴰⵔⵜ ⴷ ⵉⵛⵜ, ⴰⵇⴰ ⴰⴷ ⵎⵎⵜⴻⵏ ⵏⵉⵜⵏⵉ. 10 ⵎⴰⵍⴰ ⵄⴻⵎⵎⵉⵙ, ⵡⴻⵏⵏⵉ ⵅⴰⵙ ⵎⴰⵃⴻⵏⴷ ⴰⴷ ⵜ ⵉⵙⵙⵛⴻⵎⴹ, ⴰⴷ ⵜ ⵉⴽⵙⵉ ⵃⵉⵎⴰ ⴰⴷ ⵉⵙⵙⵓⴼⴼⴻⵖ ⵍⵅⴻⵛⴱⴻⵜ ⵣⵉ ⵜⴰⴷⴷⴰⵔⵜ, ⵓⵛⴰ ⵅⴻⵏⵏⵉ ⴰⴷ ⵢⵉⵏⵉ ⵉ ⵡⴻⵏⵏⵉ ⵄⴰⴷ ⵖⴰⵔ ⴷⴰⵅⴻⵍ ⴷⵉ ⵜⴰⴷⴷⴰⵔⵜ: ‘ⵎⴰ ⴰⵇⴰ ⴷⵉⵏ ⵖⴰⵔⴻⴽ ⵄⴰⴷ ⴽⵜⴰⵔ?’, ⵓⵛⴰ ⴰⴷ ⵢⵉⵏⵉ ⵡⴻⵏⵏⴻⵖⵏⵉ: ‘ⵓⵍⴰ ⴷ ⵉⵊⵊ!’, ⵅⴻⵏⵏⵉ ⴰⴷ ⵢⵉⵏⵉ ⵏⴻⵜⵜⴰ: ‘ⵙⵇⴰⵔ, ⵎⵉⵏⵣⵉ ⵉⵜⵜⵅⴻⵚⵚⴰ ⵡⴰⵔ ⵏⴻⵜⵜⵉⴷⴰⵔ ⵉⵙⴻⵎ ⵏ ⵙⵉⴷⵉ.’ ”

11 “ⵎⴰⵖⴰⵔ ⵅⵣⴰⵔ, ⵙⵉⴷⵉ ⵉⵜⵜⴰⵎⴰⵔ, ⵓⵛⴰ ⵏⴻⵜⵜⴰ ⴰⴷ ⵉⵡⵡⴻⵜ ⵜⴰⴷⴷⴰⵔⵜ ⵜⴰⵎⴻⵇⵇⵔⴰⵏⵜ ⴰⵍ ⵖⴰ ⵜⴻⴷⵡⴻⵍ ⴷ ⵍⵅⴰⵔⴱⴻⵜ ⵓ ⵜⴰⴷⴷⴰⵔⵜ ⵜⴰⵎⴻⵥⵢⴰⵏⵜ ⴰⴷ ⵜⴻⴷⵡⴻⵍ ⴷ ⵉⵛⴻⴵⵉⵇⴻⵏ. 12 ⵎⴰ ⴰⴷ ⵜⴰⵣⵣⵍⴻⵏ ⵉⵢⵙⴰⵏ ⵅ ⵍⴻⵊⵔⵓⴼ? ⵎⴰ ⴰⴷ ⵜ ⵛⴰⵔⵣⴻⵏ ⵙ ⵉⴼⵓⵏⴰⵙⴻⵏ? ⴽⴻⵏⵏⵉⵡ ⵎⴰⵛⴰ ⵜⴰⵔⵔⵉⵎ ⵍⵃⴻⵇⵇ ⴷ ⴰⵔⵔⵀⴰⵊ ⵓ ⵍⵖⵉⴵⴻⵜ ⵏ ⵜⵙⴻⴳⴷⴰ ⵜⴰⵔⵔⵉⵎ ⵜⵜ ⴷ ⵛⵛⵉⵃ. ◘6:12 ⵄⴰⵎ. 5:7 13 ⴽⴻⵏⵏⵉⵡ ⵉⵏⵏⵉ ⵉⴼⴰⵔⵔⵃⴻⵏ ⵣⵉ ⵎⵉⵏ ⵡⴰⵔ ⵉⴵⵉⵏ, ⵉⵏⵏⵉ ⵉⵇⵇⴰⵔⴻⵏ: ‘ⵎⴰ ⵡⴰⵔ ⵏⴻⵟⵟⵉⴼ ⴰⵛⵛⴰⵡⴻⵏ ⵙ ⵊⵊⴻⵀⴷ ⵏⵏⴻⵖ?’ 14 ⵎⴰⵖⴰⵔ ⵅⵣⴰⵔ, ⴰ ⵜⴰⴷⴷⴰⵔⵜ ⵏ ⵉⵙⵔⴰⵉⵍ, ⵏⴻⵛⵛ ⴰⴷ ⴷⴷ-ⵙⵙⴻⴽⴽⴰⵔⴻⵖ ⵉⵊⵊ ⵏ ⵍⴳⴻⵏⵙ ⴹⵉⴷⴷ ⵏⵡⴻⵎ, ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ. ⵏⵉⵜⵏⵉ ⴰⴷ ⴽⴻⵏⵏⵉⵡ ⵃⵚⴰⵔⴻⵏ ⵣⵉ ⵎⴰⵏⵉⵙ ⴷⴷ-ⵉⵡⴹⴻⵏ ⵉⵡⴷⴰⵏ ⵖⴰⵔ ⵃⴰⵎⴰⵜ ⴰⵍ ⵜⴰⵖⵣⴰⵔⵜ ⵏ ⵍⴻⵡⴹⴰ.”