ⴰⴷⵍⵉⵙ ⵉⵇⴻⴷⴷⵙⴻⵏ ⴰⵎⴻⵥⵡⴰⵔⵓ 10

ⵜⴰⵔⵡⴰ ⵏ ⵛⴰⵎ, ⵅⴰⵎ ⴷ ⵢⴰⴼⵉⵜ

1 ⵜⵜⵡⴰⵔⵡⴻⵏ ⴰⵙⴻⵏ-ⴷⴷ ⵉⵃⴻⵏⵊⵉⵔⴻⵏ ⴰⵡⴰⵔⵏⵉ ⵉ ⵙⵙⴻⵃⵍⴻⵜ. ◘ *

2 ⴰⵢⵜ ⵏ ⵢⴰⴼⴰⵜ ⵜⵓⵖⴰ ⴰⵜⴻⵏ ⴷ ⵊⵓⵎⴰⵔ, ⵎⴰⵊⵓⵊ, ⵎⴰⴷⴰⵢ, ⵢⴰⵡⴰⵏ, ⵜⵓⴱⴰⵍ, ⵎⴰⵛⵉⴽ ⴷ ⵜⵉⵔⴰⵙ. ◼ ◘

3 ⵉⵃⴻⵏⵊⵉⵔⴻⵏ ⵏ ⵊⵓⵎⴰⵔ, ⵜⵓⵖⴰ ⴰⵜⴻⵏ ⴷ ⴰⵛⴽⴰⵏⴰⵣ, ⵔⵉⴼⴰⵜ ⴷ ⵜⵓⵊⴰⵔⵎⴰ.

4 ⵉⵃⴻⵏⵊⵉⵔⴻⵏ ⵏ ⵢⴰⵡⴰⵏ ⵜⵓⵖⴰ ⴰⵜⴻⵏ ⴷ ⵉⵍⵉⵛⴰ, ⵜⴰⵔⵛⵉⵛ ⴷ ⵉⴽⵉⵜⵜⵉⵢⵢⴻⵏ ⴷ ⵉⴷⵓⴷⴰⵏⵉⵢⵢⴻⵏ. ◼

5 ⵣⵣⴰⵢⵙⴻⵏ ⵉ ⵜⵜⵡⴰⴱⴹⴰⵏⵜ ⵜⴻⴳⵣⵉⵔⵉⵏ ⵏ ⵍⴻⴳⵏⵓⵙ ⴷⵉ ⵜⴻⵎⵎⵓⵔⴰ ⵏⵙⴻⵏ, ⴽⵓⵍ ⵉⵊⵊⴻⵏ ⵄⵍⴰⵃⵙⴰⴱ ⵉⵍⴻⵙ ⵏⵏⴻⵙ ⵓⵛⴰ ⵎⴰⵔⵔⴰ ⵄⵍⴰⵃⵙⴰⴱ ⵍⴰⴵ ⵏⵙⴻⵏ ⵓ ⴷⵉ ⵍⴻⴳⵏⵓⵙ ⵏⵙⴻⵏ.

6 ⴰⵢⵜ ⵏ ⵃⴰⵎ ⵜⵓⵖⴰ ⴰⵜⴻⵏ ⴷ ⴽⵓⵛ, ⵎⵉⵚⵔⴰⵢⵉⵎ, ⴼⵓⵟ ⴷ ⴽⴻⵏⵄⴰⵏ. ◘

7 ⵉⵃⴻⵏⵊⵉⵔⴻⵏ ⵏ ⴽⵓⵛ ⵜⵓⵖⴰ ⴰⵜⴻⵏ ⴷ ⵙⴻⴱⴰ, ⵃⴰⵡⵉⵍⴰ, ⵙⴰⴱⵜⴰ, ⵔⴰⵄⴰⵎⴰ ⴷ ⵙⴰⴱⵜⴰⴽⴰ. ⵉⵃⴻⵏⵊⵉⵔⴻⵏ ⵏ ⵔⴰⵄⴰⵎⴰ ⵜⵓⵖⴰ ⴰⵜⴻⵏ ⴷ ⵛⴰⴱⴰ ⴷ ⴷⴰⴷⴰⵏ.

8 ⴽⵓⵛ ⵉⵊⵊⴰ-ⴷⴷ ⵏⵉⵎⵔⵓⴷ. ⵡⴰⵏⵉⵜⴰ ⵉⴱⴷⴰ ⴰⴷ ⵢⵉⵍⵉ ⴷ ⵊⵊⵉⵀⴻⵍ ⴷⵉ ⵜⴻⵎⵎⵓⵔⵜ. ◘ 9 ⵡⴰ ⵜⵓⵖⴰ ⴷ ⴰⵏⴻⴳⵎⴰⵔ ⴷ ⴰⵎⴻⵇⵇⵔⴰⵏ ⵣⵣⴰⵜ ⵉ ⵡⵓⴷⴻⵎ ⵏ ⵙⵉⴷⵉ. ⵅ ⵓⵢⴰ ⵇⵇⴰⵔⴻⵏ: ‘ⴰⵏⴻⴳⵎⴰⵔ ⴰⵎⴻⵇⵇⵔⴰⵏ ⴰⵎ ⵏⵉⵎⵔⵓⴷ ⵣⵣⴰⵜ ⵉ ⵡⵓⴷⴻⵎ ⵏ ⵙⵉⴷⵉ.’ 10 ⴰⵎⴻⵣⵡⴰⵔ ⵏ ⵜⴳⴻⵍⴷⵉⵜ ⵏⵏⴻⵙ ⵜⵓⵖⴰ ⴰⵜⴻⵏⵜ ⴷ ⵜⵉⵏⴻⴷⴷⴰⵎ ⵏ ⴱⴰⴱⵉⵍ ⴷ ⵉⵔⵉⵅ ⴷ ⴰⴽⴽⴰⴷ ⴷ ⴽⴰⵍⵏⴰ ⴷⵉ ⵜⴻⵎⵎⵓⵔⵜ ⵏ ⵛⵉⵏⵄⴰⵔ. 11 ⵣⵉ ⵜⴻⵎⵎⵓⵔⵜ ⵏⵏⵉ ⴷⴷ-ⵉⴼⴼⴻⵖ ⵖⴰⵔ ⴰⵛⵛⵓⵔ ⵓⵛⴰ ⵉⴱⵏⴰ ⴷⵉⵏ ⵏⵉⵏⵡⴰ, ⵔⵉⵃⵓⴱⵓⵜ-ⵄⵉⵔ ⴷ ⴽⴰⵍⴰⵃ 12 ⴷ ⵔⵉⵙⵉⵏ ⵊⴰⵔ ⵏⵉⵏⵡⴰ ⴷ ⴽⴰⵍⴰⵃ, ⵏⴻⵜⵜⴰⵜ ⴷ ⵜⴰⵏⴷⵉⵏⵜ ⵜⴰⵎⴻⵇⵇⵔⴰⵏⵜ.

13 ⵎⵉⵚⵔⴰⵢⵉⵎ ⵉⵊⵊⴰ-ⴷⴷ ⵉⵍⵓⴷⵉⵢⵢⴻⵏ, ⵉⵄⴰⵏⴰⵎⵉⵢⵢⴻⵏ, ⵉⵍⴰⵀⴰⴱⵉⵢⵢⴻⵏ, ⵉⵏⴰⴼⵜⵓⵃⵉⵢⵢⴻⵏ,

14 ⵉⴼⴰⵜⵔⵓⵙⵉⵢⵢⴻⵏ, ⵉⴽⴰⵙⵍⵓⵃⵉⵢⵢⴻⵏ, ⵉⵏⵏⵉ ⵣⵉ ⴷⴷ-ⵉⵇⵇⴰⵔⵚⴻⵏ ⵉⴼⵉⵍⵉⵙⵟⵉⵏⵉⵢⵢⴻⵏ, ⵓⵍⴰ ⴷ ⵉⴽⴰⴼⵜⵓⵔⵉⵢⵢⴻⵏ.

15 ⴽⴻⵏⵄⴰⵏ ⵉⵊⵊⴰ-ⴷⴷ ⵚⵉⴷⵓⵏ, ⴰⵎⴻⵏⵣⵓ ⵏⵏⴻⵙ, ⴷ ⵃⵉⵜ 16 ⴷ ⵓⵢⴰⴱⵓⵙⵉ ⴷ ⵓⵎⵓⵔⵉ ⴷ ⵓⵊⵉⵔⵊⴰⵛⵉ 17 ⴷ ⵓⵃⵉⵡⵉ ⴷ ⵓⵄⴰⵔⵇⵉ ⴷ ⵓⵙⵉⵏⵉ 18 ⴷ ⵓⵔⵡⴰⴷⵉ ⴷ ⵓⵚⴰⵎⴰⵔⵉ ⴷ ⵓⵃⴰⵎⴰⵜⵉ. ⴰⵡⴰⵔⵏⵉ ⴰⵙ ⵎⴱⴻⵣⵣⵄⴻⵏⵜ ⵎⴰⵔⵔⴰ ⵍⴰⴵⴰⵜ ⵏ ⴽⴻⵏⵄⴰⵏ. 19 ⵜⵓⵖⴰ ⴰⵢⵎⵉⵔ ⵏ ⴰⵢⵜ ⵏ ⴽⴻⵏⵄⴰⵏ ⵣⵉ ⵚⵉⴷⵓⵏ ⵖⴰⵔ ⵅⵉⵔⴰⵔ ⴰⵍ ⵖⴰⵣⵣⴰ ⵓ ⵙⵙⴻⵏⵏⵉ ⵖⴰⵔ ⵙⴰⴷⵓⵎ ⴷ ⵄⴰⵎⵓⵔⵔⴰ ⴷ ⴰⴷⵎⴰ ⴷ ⵚⴰⴱⵓⵢⵉⵎ ⴰⵍ ⵍⴰⵛⴰⵄ. ◼

20 ⵉⵏⴰ ⴷ ⴰⵢⵜ ⵏ ⵃⴰⵎ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ, ⵄⵍⴰⵃⵙⴰⴱ ⵉⵍⵙⴰⵡⴻⵏ ⵏⵙⴻⵏ, ⴷⵉ ⵜⵉⵎⵎⵓⵔⴰ ⵏⵙⴻⵏ ⵓ ⴰⴽ-ⴷ ⵍⴻⴳⵏⵓⵙ ⵏⵙⴻⵏ.

21 ⵉ ⵛⴰⵎ, ⵡⴻⵏⵏⵉ ⴷ ⵊⴻⴷⴷ ⵏ ⵎⴰⵔⵔⴰ ⴰⵢⵜ ⵏ ⵄⴰⴱⵉⵔ, ⵓⵎⴰⵙ ⵏ ⵢⴰⴼⴰⵜ, ⴰⵎⴻⵇⵇⵔⴰⵏ, ⵜⵜⵡⴰⵔⵡⴻⵏ ⴰⵙ-ⴷⴷ ⵄⴰⵡⴻⴷ ⵉⵃⴻⵏⵊⵉⵔⴻⵏ. 22 ⵉⵃⴻⵏⵊⵉⵔⴻⵏ ⵏ ⵛⴰⵎ ⵜⵓⵖⴰ ⴰⵜⴻⵏ ⴷ ⵄⵉⵍⴰⵎ, ⴰⵛⵛⵓⵔ, ⴰⵔⴼⴰⴽⵛⴰⴷ, ⵍⵓⴷ ⴷ ⴰⵔⴰⵎ. ◘

23 ⵉⵃⴻⵏⵊⵉⵔⴻⵏ ⵏ ⴰⵔⴰⵎ ⵜⵓⵖⴰ ⴰⵜⴻⵏ ⴷ ⵄⵓⵚ ⴷ ⵃⵓⵍ ⴷ ⵊⴰⵜⵉⵔ ⴷ ⵎⴰⵛ.

24 ⴰⵔⴼⴰⴽⵛⴰⴷ ⵉⵊⵊⴰ-ⴷⴷ ⵛⴰⵍⴰⵃ ⵓ ⵛⴰⵍⴰⵃ ⵉⵊⵊⴰ-ⴷⴷ ⵄⴰⴱⵉⵔ. ◘

25 ⵜⵜⵡⴰⵔⵡⴻⵏ-ⴷⴷ ⵉ ⵄⴰⴱⵉⵔ ⵜⵏⴰⵢⴻⵏ ⵏ ⵉⵃⴻⵏⵊⵉⵔⴻⵏ. ⵉⵊⵊⴻⵏ ⵇⵇⴰⵔⴻⵏ ⴰⵙ ⴼⴰⵍⴰⵊ, ⵎⵉⵏⵣⵉ ⴷⴻⴳ ⵡⵓⵙⵙⴰⵏ ⵏⵏⴻⵙ ⵜᵉⵜⵜⵡⴰⴼⴻⴵⴻⵇ ⵜⴻⵎⵎⵓⵔⵜ, ⵓ ⵇⵇⴰⵔⴻⵏ ⴰⵙ ⵉ ⵓⵎⴰⵙ ⵢⵓⵇⵟⴰⵏ. ◼

26 ⵢⵓⵇⵟⴰⵏ ⵉⵊⵊⴰ-ⴷⴷ ⴰⵍⵎⵓⴷⴰⴷ, ⵛⴰⵍⴰⴼ, ⵀⴰⴹⴰⵔⵎⴰⵡⵜ, ⵢⴰⵔⴰⵃ, 27 ⵀⴰⴷⵓⵔⴰⵎ, ⵓⵣⴰⵍ, ⴷⵉⵇⵍⴰ, 28 ⵄⵓⴱⴰⵍ, ⴰⴱⵉⵎⴰⵢⵉⵍ, ⵛⴰⴱⴰ, 29 ⵓⴼⵉⵔ, ⵃⴰⵡⵉⵍⴰ ⴷ ⵢⵓⴱⴰⴱ. ⵎⴰⵔⵔⴰ ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵃⴻⵏⵊⵉⵔⴻⵏ ⵏ ⵢⵓⵇⵟⴰⵏ. 30 ⵜⴰⵎⵎⵓⵔⵜ ⵎⴰⵏⵉ ⵜⵓⵖⴰ ⵣⴻⴷⴷⵖⴻⵏ ⵜⵓⵖⴰ-ⵜⵜ ⵣⵉ ⵎⵉⵛⴰ ⴰⵍ ⵙⴰⴼⴰⵔ, ⴰⴷⵔⴰⵔ ⵏ ⵛⵛⴰⵔⵇ.

31 ⵉⵏⴰ ⴷ ⴰⵢⵜ ⵏ ⵛⴰⵎ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ ⵓ ⵄⵍⴰⵃⵙⴰⴱ ⵉⵍⵙⴰⵡⴻⵏ ⵏⵙⴻⵏ, ⴷⵉ ⵜⴻⵎⵎⵓⵔⴰ ⵏⵙⴻⵏ ⵓ ⴰⴽ-ⴷ ⵍⴻⴳⵏⵓⵙ ⵏⵙⴻⵏ.

32 ⵜⵉⵏⴰ ⴷ ⵍⴰⴵⴰⵜ ⵏ ⵉⵃⴻⵏⵊⵉⵔⴻⵏ ⵏ ⵏⵓⵃ, ⵄⵍⴰⵃⵙⴰⴱ ⵎⴰⵎⵎⴻⵛ ⴷⴷ-ⵅⴻⵍⵇⴻⵏ, ⴰⴽ-ⴷ ⵍⴻⴳⵏⵓⵙ ⵏⵙⴻⵏ. ⵣⵣⴰⵢⵙⴻⵏ ⵉ ⵣⵉ ⵜⵜⵡⴰⴱⴹⴰⵏ ⵍⴻⴳⵏⵓⵙ ⴷⵉ ⵜⴻⵎⵎⵓⵔⵜ ⴰⵡⴰⵔⵏⵉ ⵉ ⵙⵙⴻⵃⵍⴻⵜ. *

◘10:1 10:1 [1 ⵉⵎ. 1:1-27] — 1 ⵉⵎ. 1:4

◼10:2 10:2 ⵊⵓⵎⴰⵔ-ⵉⵙⴻⵎ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵡⴻⵏⵏⵉ ⴱⵍⴰ ⵍⵄⵉⴱ’ ⵏⵉⵖ ‘ⵡⴻⵏⵏⵉ ⵉⴽⴻⵎⵍⴻⵏ’. ⵎⴰⵊⵓⵊ-ⵏⵉⵖ ‘ⵎⴰⵅⵓⵅ’, ⵏⵉⵖ ‘ⵎⴰⴳⵓⴳ’.

◘10:2 10:2 1 ⵉⵎ. 1:5.

◼10:4 10:4 ⵉⴽⵉⵜⵜⵉⵢⵢⴻⵏ ⴷ ⵉⴷⵓⴷⴰⵏⵉⵢⴻⵏ-ⵉⵅⵙ ⴰⴷ ⵢⵉⵏⵉ ‘ⵜⵉⵇⴻⴱⴱⴰⵍ ⵏ ⴽⵉⵜ ⴷ ⴷⵓⴷⴰⵏ’.

◘10:6 10:6 1 ⵉⵎ. 1:8.

◘10:8 10:8 1 ⵉⵎ. 1:10.

◼10:19 10:19 ⵅⵉⵔⴰⵔ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⴰⵎⵛⴰⵏ ⵉ ⵉⵏⴻⵡⵊⵉⵡⴻⵏ’. ⵖⴰⵥⵥⴰ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵊⵊⴻⵀⴷ’. ⴰⴷⵎⴰ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵜⴰⵎⵎⵓⵔⵜ ⵜⴰⵥⴻⴳⴳⵯⴰⵖⵜ’. ⵚⴰⴱⵓⵢⵉⵎ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵉⵖⴰⵢⴹⴻⵏ ⵏ ⵡⴻⵥⵖⴰⵔ’ ⵏⵉⵖ ‘ⴰⵥⵔⵉ ⵏ ⵡⴻⵥⵔⵉ’ ⵏⵉⵖ ‘ⵉⵄⴻⴱⴱⵓⵥⴻⵏ’ ⵏⵉⵖ ‘ⵜⴰⵏⴷⵉⵏⵜ ⵏ ⵍⵄⴻⵙⴽⴰⵔ’.

◘10:22 10:22 ⴰⵎⵥ. 11:10; 1 ⵉⵎ. 1:17.

◘10:24 10:24 1 ⵉⵎ. 1:18.

◼10:25 10:25 ⴼⴰⵍⴰⵊ-ⵉⵙⴻⵎ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⴰⴱⴻⵟⵟⵓ’ ⵏⵉⵖ ‘ⴰⴼⴻⴵⴻⵇ’. ⵜⴻⵜⵜⵡⴰⴼⴻⴵⴻⵇ-ⴰⵡⴰⵍ-ⴰ ⵉⵥⴻⵎⵎⴰⵔ ⴰⴷ ⵉⵛⴻⵢⵢⴰⵔ ⵖⴰⵔ (1) ⵓⴱⴻⵟⵟⵓ ⵏ ⵉⵡⴷⴰⵏ ⵓⵎⵉ ⵙⵉⴷⵉ ⵉⴱⴻⵟⵟⴰ ⵉⵍⴻⵙ ⵏⵙⴻⵏ ⵓⵛⴰ ⴷⴻⵡⵍⴻⵏ ⵏⵉⵜⵏⵉ ⴰⴷ ⵙⵙⵉⵡⵍⴻⵏ ⵄⵍⴰⵎ ⴽⵓⵍ ⵉⵍⵙⴰⵡⴻⵏ ⵊⴰⵔ ⴰⵙⴻⵏ (ⵅⵥⴰⵔ ⴰⵎⵥ. 11:1-9), ⵏⵉⵖ ⵖⴰⵔ (2) ⵓⴱⴻⵟⵟⵓ ⵏ ⵓⵎⴰⴹⴰⵍ (ⵏⵉⵖ ‘ⴷⴷⵓⵏⵏⵉⵜ’) ⴷⴻⴳ ⵉⵥⵉⵢⵏⴰⵏ, ⵉⵅⵙ ⴰⴷ ⵢⵉⵏⵉ ⴰⵎⵔⵉⴽⴰ, ⵉⴼⵔⵉⵇⵉⵢⵢⴰ, ⴰⵙⵉⵢⴰ, ⵓⵙⵜⵔⴰⵍⵉⵢⴰ ⴷ ⵓⵔⵓⴱⴰ, ⵎⴰⵖⴰⵔ ⴷⴻⴳ ⵓⵎⴻⵥⵡⴰⵔⵓ ⵜⵓⵖⴰ ⵜⴰⵎⵎⵓⵔⵜ ⴷ ⵉⵊⵊ ⵏ ⵡⴻⵎⵛⴰⵏ (ⵅⵥⴰⵔ ⴰⵎⵥ. 1:9, 10). ⵢⵓⵇⵟⴰⵏ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⴰⵎⴻⵥⵢⴰⵏ’.