1 ⴰⵎⵎⵓ ⵉ ⵢⵓⵢⵓⵔ ⴰⴱⵔⴰⵎ ⵣⵉ ⵎⵉⵚⵔⴰ ⵖⴰⵔ ⵜⴻⵎⵎⵓⵔⵜ ⵏ ⵍⵊⴰⵏⵓⴱ ⵏ ⴽⴻⵏⵄⴰⵏ, ⵏⴻⵜⵜⴰ ⴷ ⵜⴻⵎⵖⴰⵔⵜ ⵏⵏⴻⵙ, ⴰⴽ-ⴷ ⵎⴰⵔⵔⴰ ⵎⵉⵏ ⵖⴰⵔⴻⵙ, ⴷ ⵍⵓⵟ ⴰⴽⵉⴷⴻⵙ. 2 ⴰⴱⵔⴰⵎ ⵜⵓⵖⴰ ⵖⴰⵔⴻⵙ ⴰⵟⵟⴰⵙ ⵏ ⵡⴰⴳⵍⴰ ⴷ ⵍⴻⴱⵀⴰⵢⴻⵎ ⴷ ⵏⵏⵓⵇⴰⵔⵜ ⴷ ⵡⵓⵔⴻⵖ. 3 ⵓⵛⴰ ⵉⵎⵎⵓⵟⵟⵉ ⵣⴻⴳ ⵡⴻⵎⵛⴰⵏ ⵖⴰⵔ ⵡⴻⵎⵛⴰⵏ ⵣⵉ ⵜⴻⵎⵎⵓⵔⵜ ⵏ ⵍⵊⴰⵏⵓⴱ ⵖⴰⵔ ⴱⴰⵢⵜ-ⵉⵍ ⴰⵍ ⴰⵎⵛⴰⵏ ⵎⴰⵏⵉ ⵜⵓⵖⴰ ⵉⴵⴰ ⵓⵇⵉⴹⵓⵏ ⵏⵏⴻⵙ ⵇⴱⴻⵍ, ⵊⴰⵔ ⴱⴰⵢⵜ-ⵉⵍ ⴷ ⵄⴰⵢ, ◘13:3 ⴰⵎⵥ. 12:8. 4 ⴰⵍ ⴰⵎⵛⴰⵏ ⵏ ⵓⵄⴰⵍⵟⴰⵔ ⵉ ⵜⵓⵖⴰ ⵉⴳⴳⴰ ⵇⴱⴻⵍ, ⵎⵉⵏ ⵅⴻⴼ ⵉⵙⵙⴰⵔⵙ ⵜⵉⵖⴰⵔⵚⴰ ⴷ ⵜⴻⵡⵀⵉⴱⵉⵏ, ⵓⵛⴰ ⴷⵉⵏⵏⵉ ⵉⵍⴰⵖⴰ ⴰⴱⵔⴰⵎ ⵉⵙⴻⵎ ⵏ ⵙⵉⴷⵉ. ◘13:4 ⴰⵎⵥ. 4:26; 12:8. 5 ⵓⵛⴰ ⵍⵓⵟ, ⵡⴻⵏⵏⵉ ⵢⵓⵢⵓⵔⴻⵏ ⴰⴽ-ⴷ ⴰⴱⵔⴰⵎ, ⵜⵓⵖⴰ ⵖⴰⵔⴻⵙ ⵄⴰⵡⴻⴷ ⵓⴵⵉ ⴷ ⵉⴼⵓⵏⴰⵙⴻⵏ ⴷ ⵜⴼⵓⵏⴰⵙⵉⵏ ⴷ ⵉⵇⵉⴹⴰⵏ. 6 ⵜⴰⵎⵎⵓⵔⵜ ⵡⴰⵔ ⴷ ⴰⵙⴻⵏ ⵜⵉⵔⵉⵡ ⵃⵉⵎⴰ ⴰⴷ ⵇⵇⵉⵎⴻⵏ ⵣⴻⴷⴷⵖⴻⵏ ⵊⵎⵉⵄ, ⵎⵉⵏⵣⵉ ⴰⴳⵍⴰ ⵏⵙⴻⵏ ⵉⵎⵖⴰⵔ ⴰⵟⵟⴰⵙ ⴰⵍ ⵡⴰⵔ ⵣⴻⵎⵎⴰⵔⴻⵏ ⴰⴷ ⴷⵉⵏ ⵣⴻⴷⵖⴻⵏ ⵊⵎⵉⵄ. ◘13:6 ⴰⵎⵥ. 36:7. 7 ⵓⵛⴰ ⵉⵎⵙⴰⵔ ⵓⵎⵛⵓⴱⴱⴻⵛ ⵊⴰⵔ ⵉⵎⴻⴽⵙⴰⵡⴻⵏ ⵏ ⵍⴻⴱⵀⴰⵢⴻⵎ ⵏ ⴰⴱⵔⴰⵎ ⴷ ⵉⵎⴻⴽⵙⴰⵡⴻⵏ ⵏ ⵍⴻⴱⵀⴰⵢⴻⵎ ⵏ ⵍⵓⵟ. ⵜⵓⵖⴰ ⴰⵢⵜ ⵏ ⴽⴻⵏⵄⴰⵏ ⴷ ⵉⴼⵉⵔⵉⵣⵉⵢⵢⴻⵏ ⵣⴻⴷⴷⵖⴻⵏ ⵍⴻⵅⴷⴻⵏⵏⵉ ⴷⵉ ⵜⴻⵎⵎⵓⵔⵜ. ◼13:7 ⵉⵎⴻⴽⵙⴰⵡⴻⵏ-ⵏⵉⵖ ‘ⵉⵏⵉⵞⴰⵏ’.  ◘13:7 ⴰⵎⵥ. 12:6. 8 ⵉⵏⵏⴰ ⴰⴱⵔⴰⵎ ⵉ ⵍⵓⵟ: “ⵡⴰⵔ ⵉⵜⵜⵉⵍⵉ ⵄⴰⴷ ⵓⵎⵛⵓⴱⴱⴻⵛ ⵊⴰⵔ ⴰⵢⵉ ⴷ ⵛⴻⴽ, ⵊⴰⵔ ⵉⵎⴻⴽⵙⴰⵡⴻⵏ ⵉⵏⵓ ⴷ ⵉⵎⴻⴽⵙⴰⵡⴻⵏ ⵏⵏⴻⵛ, ⵎⵉⵏⵣⵉ ⵏⴻⵛⵛⵉⵏ ⴷ ⵉⵔⵢⴰⵣⴻⵏ ⴰⵡⵎⴰⵜⴻⵏ. 9 ⵎⴰ ⵡⴰⵔ ⵜⴰⵔⵣⴻⵎ ⵜⴻⵎⵎⵓⵔⵜ ⵣⵣⴰⵜⴻⵛ? ⵜⵜⵣⴰⵡⴳⴻⵖ ⵛⴻⴽ ⴰⴷ ⵅⴰⴼⵉ ⵜⴻⴱⴹⵉⴹ, ⵎⴰ ⵅ ⵓⵣⴻⵍⵎⴰⴹ, ⵏⵉⵖ ⵅ ⵢⴻⴼⵓⵙ! ⵎⴰⵍⴰ ⵛⴻⴽ ⵜⵔⵓⵃⴻⴷ ⵅ ⵢⴻⴼⵓⵙ, ⵏⴻⵛⵛ ⴰⴷ ⵔⴰⵃⴻⵖ ⵅ ⵓⵣⴻⵍⵎⴰⴹ.” ◘13:9 ⴰⵎⵥ. 20:15; 34:10.

10 ⵉⵙⵙⴳⴻⵄⵄⴻⴷ ⵍⵓⵟ ⵜⴰⵎⵓⵖⵍⵉ ⵏⵏⴻⵙ ⵓⵛⴰ ⵉⵥⵔⴰ ⴰⴷⴻⵡⵡⴰⵔ ⵏ ⵢⴻⵖⵣⴰⵔ ⵏ ⵍ’ⵓⵔⴷⵓⵏ ⵜⵓⵖⴰ ⵎⴰⵔⵔⴰ ⵉⵙⵡⴰ. ⵇⴱⴻⵍ ⴰⵔⴻⴷⴷⴻⴵ ⵣⵉ ⵙⵉⴷⵉ ⵜⵓⵖⴰ ⵙⴰⴷⵓⵎ ⴷ ⵄⴰⵎⵓⵔⵔⴰ ⴰⵎ ⵊⵊⴻⵏⵏⴻⵜ ⵏ ⵙⵉⴷⵉ, ⴰⵎ ⵜⴻⵎⵎⵓⵔⵜ ⵏ ⵎⵉⵚⵔⴰ ⵅⵎⵉ ⴷⴷ ⵖⴰ ⵜⴰⵙⴻⴷ ⵖⴰⵔ ⵚⵓⵖⴰⵔ. 11 ⵓⵛⴰ ⵉⵅⴹⴰⵔ ⵍⵓⵟ ⵉ ⵢⵉⵅⴻⴼ ⵏⵏⴻⵙ ⵎⴰⵔⵔⴰ ⴰⴷⴻⵡⵡⴰⵔ ⵏ ⵢⴻⵖⵣⴰⵔ ⵏ ⵍ’ⵓⵔⴷⵓⵏ ⵓ ⵉⴼⵙⵉ ⵍⵓⵟ ⵉⵇⵉⴹⴰⵏ ⵏⵏⴻⵙ ⵓⵛⴰ ⵢⵓⵢⵓⵔ ⵖⴰⵔ ⵛⵛⴰⵔⵇ. ⴰⵎⵎⵓ ⵉ ⵎⵎⵙⴻⴱⴹⴰⵏ ⵏⵉⵜⵏⵉ ⵉⵊⵊⴻⵏ ⵅ ⵡⴻⵏⵏⴻⵖⵏⵉ.

12 ⴰⴱⵔⴰⵎ ⵉⵣⴷⴻⵖ ⴷⵉ ⵜⴻⵎⵎⵓⵔⵜ ⵏ ⴽⴻⵏⵄⴰⵏ, ⵎⴰⵛⴰ ⵍⵓⵟ ⵉⵣⴷⴻⵖ ⴷⵉ ⵜⵏⴻⴷⴷⴰⵎ ⵏ ⵓⴷⴻⵡⵡⴰⵔ ⵏ ⵍ’ⵓⵔⴷⵓⵏ, ⵉⵡⵜⴰ ⵉⵇⵉⴹⴰⵏ ⵏⵏⴻⵙ ⴰⵍ ⵙⴰⴷⵓⵎ. 13 ⵉⵔⵢⴰⵣⴻⵏ ⵏ ⵙⴰⴷⵓⵎ ⵜⵓⵖⴰ ⴰⵜⴻⵏ ⴷ ⵉⵄⴻⴼⴼⴰⵏⴻⵏ ⴷ ⵉⵎⴻⴷⵏⴰⴱ ⴰⴽ-ⴷ ⵙⵉⴷⵉ ⴰⵍ ⵟⵟⴰⵔⴼ. ◘13:13 ⴰⵎⵥ. 18:20; ⵃⵉⵥ. 16:49. 14 ⴰⵡⴰⵔⵏⵉ ⵍⴰⵎⵉ ⵅⴰⵙ ⵉⵎⵎⵙⴻⴱⴹⴰ ⵍⵓⵟ, ⵉⵏⵏⴰ ⵙⵉⴷⵉ ⵉ ⴰⴱⵔⴰⵎ: “ⵙⴰⵔⵔⴻⵃ ⵍⴻⵅⵅⵓ ⵜⵉⵟⵟⴰⵡⵉⵏ ⵏⵏⴻⵛ, ⵜⴻⵅⵣⴰⵔⴻⴷ ⵣⴻⴳ ⵡⴻⵎⵛⴰⵏ ⵎⴰⵏⵉ ⵜⴻⴵⵉⴷ ⵖⴰⵔ ⵛⵛⴰⵎⴰⵍ, ⵖⴰⵔ ⵍⵊⴰⵏⵓⴱ, ⵖⴰⵔ ⵛⵛⴰⵔⵇ ⵓ ⵖⴰⵔ ⵍⵖⴰⵔⴱ, 15 ⵎⵉⵏⵣⵉ ⵎⴰⵔⵔⴰ ⵜⴰⵎⵎⵓⵔⵜ ⵉ ⵜᵉⵜⵜⵡⴰⵍⵉⴷ, ⴰⴷ ⴰⵛ ⵜⵜ ⵡⵛⴻⵖ, ⵉ ⵛⴻⴽ ⴷ ⵣⵣⴰⵔⵉⵄⴻⵜ ⵏⵏⴻⵛ ⵉ ⵍⴻⴱⴷⴰ. ◘13:15 ⴰⵎⵥ. 12:7; 15:7, 18; 17:8; 26:4; ⴰⵄⵡⴷ. 34:4; ⵍⴻⵅ. 7:5. 16 ⴰⴷ ⴳⴳⴻⵖ ⵣⵣⴰⵔⵉⵄⴻⵜ ⵏⵏⴻⵛ ⴰⵎ ⵜⵄⴻⵊⵊⴰⵊⵜ ⵏ ⵜⴻⵎⵎⵓⵔⵜ, ⵃⵉⵎⴰ, ⵎⴰⵍⴰ ⵉⵣⴻⵎⵎⴰⵔ ⵃⴻⴷ ⴰⴷ ⵉⵃⵙⴻⴱ ⵜⴰⵄⴻⵊⵊⴰⵊⵜ ⵏ ⵜⴻⵎⵎⵓⵔⵜ, ⵓⵍⴰ ⴷ ⵣⵣⴰⵔⵉⵄⴻⵜ ⵏⵏⴻⵛ ⵜⵣⴻⵎⵎⴰⵔ ⵄⴰⵡⴻⴷ ⴰⴷ ⵜᵉⵜⵜⵡⴰⵃⵙⴻⴱ. ◘13:16 ⴰⵎⵥ. 15:5; 17:4; ⴰⵄⵡⴷ. 10:22; ⵉⵔⵎ. 33:22; ⵔⵓⵎ. 4:17, 18; ⵄⴱⵔ. 11:12. 17 ⴽⴽⴰⵔ, ⵛⵓⵇ ⴷⵉ ⵜⴻⵎⵎⵓⵔⵜ ⴷⵉ ⵜⵓⵣⵣⴻⴳⴳⴰⵔⵜ ⵏⵏⴻⵙ ⴷ ⵜⵉⵔⵓ ⵏⵏⴻⵙ, ⵎⵉⵏⵣⵉ ⵉ ⵛⴻⴽ ⵓⵎⵉ ⵜⵜ ⵉ ⵖⴰ ⵡⵛⴻⵖ.” 18 ⵅⴻⵏⵏⵉ ⵉⴽⴽⴻⵙ ⴰⴱⵔⴰⵎ ⵉⵇⵉⴹⴰⵏ ⵏⵏⴻⵙ ⵓⵛⴰ ⵢⵓⵢⵓⵔ ⴰⴷ ⵉⵣⴷⴻⵖ ⵖⴰⵔ ⵜⵛⴻⵊⵊⵓⵔⴰ ⵏ ⵢⵉⴳⴳ ⵏ ⵎⴰⵎⵔⵉ, ⵉⵏⵏⵉ ⵉⴵⴰⵏ ⴷⵉ ⵃⴰⴱⵔⵓⵏ. ⴷⵉⵏⵏⵉ ⵉⴱⵏⴰ ⵉⵊⵊ ⵏ ⵓⵄⴰⵍⵟⴰⵔ ⵉ ⵙⵉⴷⵉ. ◘13:18 ⴰⵎⵥ. 14:13.