35
ⴰⵄⵇⴰⴱ ⵏ ⵢⴰⵄⵇⵓⴱ ⵖⴰⵔ ⴱⴰⵢⵜ-ⵉⵍ
1 ⵓⵛⴰ ⵉⵏⵏⴰ ⴰⵔⴻⴱⴱⵉ ⵉ ⵢⴰⵄⵇⵓⴱ: “ⴽⴽⴰⵔ, ⴳⴻⵄⵄⴻⴷ ⵖⴰⵔ ⴱⴰⵢⵜ-ⵉⵍ ⵓⵛⴰ ⵇⵇⵉⵎ ⴷⵉⵏ. ⴻⴳⴳ ⴷⵉⵏ ⵉⵊⵊ ⵏ ⵓⵄⴰⵍⵟⴰⵔ ⵎⵉⵏ ⵅⴻⴼ ⵉ ⵖⴰ ⵜⴻⵙⵙⴰⵔⵙⴻⴷ ⵜⴰⵖⴰⵔⵚⵜ ⵉ ⴰⵔⴻⴱⴱⵉ, ⵡⴻⵏⵏⵉ ⴷ ⴰⵛ ⴷⴷ-ⵉⴱⴰⵏⴻⵏ ⵓⵎⵉ ⴷⴷ-ⵜⴰⵔⴻⵡⵍⴻⴷ ⵣⴻⴳ ⵓⵖⴻⵎⴱⵓⴱ ⵏ ⵓⵎⴰⵛ ⵄⵉⵙⵓ.” ◘35:1 ⴰⵎⵥ. 27:43; 28:12, 13. 2 ⵅⴻⵏⵏⵉ ⵉⵏⵏⴰ ⵢⴰⵄⵇⵓⴱ ⵉ ⵍⵡⴰⵛⵓⵏ ⵏ ⵜⴰⴷⴷⴰⵔⵜ ⵏⵏⴻⵙ ⵓ ⵉ ⵎⴰⵔⵔⴰ ⵉⵏⵏⵉ ⵜⵓⵖⴰ ⴰⴽⵉⴷⴻⵙ: “ⴽⴽⵙⴻⵎ ⵉⵔⴻⴱⴱⵉⵜⴻⵏ ⵉⵖⵔⵉⴱⴻⵏ ⵏⵏⵉ ⵉⴵⴰⵏ ⵊⴰⵔ ⴰⵡⴻⵎ, ⵙⵉⵣⴻⴷⴳⴻⵎ ⵉⵅⴻⴼ ⵏⵡⴻⵎ ⵓⵛⴰ ⴱⴻⴷⴷⵍⴻⵎ ⴰⵔⵔⵓⴹ ⵏⵡⴻⵎ. ◼35:2 ⵉⵔⴻⴱⴱⵉⵜⴻⵏ ⵉⵖⵔⵉⴱⴻⵏ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ ‘ⵍⴰⵚⵏⴰⵎ’. ⵓⵍⴰ ⴷⵉ ⴰⵢⴻⵜ 4. 3 ⴰⴷ ⵏⴻⴽⴽⴰⵔ, ⴰⴷ ⵏⴳⴻⵄⵄⴻⴷ ⵖⴰⵔ ⴱⴰⵢⵜ-ⵉⵍ. ⵏⴻⵛⵛ ⴰⴷ ⴳⴳⴻⵖ ⴷⵉⵏ ⵉⵊⵊ ⵏ ⵓⵄⴰⵍⵟⴰⵔ ⵉ ⴰⵔⴻⴱⴱⵉ ⵏⵏⵉ ⵅⴰⴼⵉ ⴷⴷ-ⵢⴰⵔⵔⵉⵏ ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ ⵉⵏⵓ, ⴷ ⵡⴻⵏⵏⵉ ⵜⵓⵖⴰ ⴰⴽⵉⴷⵉ ⴷⴻⴳ ⵡⴻⴱⵔⵉⴷ ⵏⵏⵉ ⵓⵢⵓⵔⴻⵖ.” 4 ⵓⵛⴰ ⵡⵛⵉⵏ ⵉ ⵢⴰⵄⵇⵓⴱ ⵎⴰⵔⵔⴰ ⵉⵔⴻⴱⴱⵉⵜⴻⵏ ⵉⵖⵔⵉⴱⴻⵏ ⵏⵏⵉ ⵜⵓⵖⴰ ⵖⴰⵔⵙⴻⵏ ⵓⵍⴰ ⴷ ⵜⵉⵅⵔⴰⵣⵉⵏ ⴷⴻⴳ ⵉⵎⴻⵣⵣⵓⵖⴻⵏ ⵏⵙⴻⵏ ⵓⵛⴰ ⵉⴼⴼⴰⵔ ⵉ-ⵜⴻⵏ ⵢⴰⵄⵇⵓⴱ ⵙⴰⴷⵓ ⵜⵛⴻⵊⵊⴰⵔⵜ ⵏ ⵢⵉⴳⴳ ⵉ ⵜⵓⵖⴰ ⵣⵣⴰⵜ ⵉ ⵛⴰⴽⵉⵎ. ◼35:4 ⵏⵏⵉ ⵜⵓⵖⴰ ⵖⴰⵔⵙⴻⵏ-ⵙ ⵜⵄⵉⴱⵔⴰⵏⵉⵜ ‘ⵉⵏⵏⵉ ⴷⴻⴳ ⵉⴼⴰⵙⵙⴻⵏ ⵏⵙⴻⵏ’ 5 ⵍⴰⵎⵉ ⴼⴻⵙⵢⴻⵏ ⵉⵇⵉⴹⴰⵏ, ⵓⵢⵓⵔⴻⵏ ⵙⵙⴻⵏⵏⵉ, ⵜⵓⵖⴰ ⵜⵉⴳⴳⵯⵓⴷⵉ ⵏ ⴰⵔⴻⴱⴱⵉ ⵅ ⵜⵏⴻⴷⴷⴰⵎ ⵏⵏⵉ ⵜⵓⵖⴰ ⴷⵉ ⵊⵊⵡⴰⵢⴻⵀ ⵉ ⴷ ⴰⵙⴻⵏ ⴷⴷ-ⵉⵏⵏⴹⴻⵏ, ⴰⵍⴰⵎⵉ ⵏⵉⵜⵏⵉ ⵡⴰⵔ ⴹⴻⴼⴼⴰⵔⴻⵏ ⵉⵃⴻⵏⵊⵉⵔⴻⵏ ⵏ ⵢⴰⵄⵇⵓⴱ. 6 ⴰⵎⵎⵓ ⵉ ⵢⵉⵡⴻⴹ ⵢⴰⵄⵇⵓⴱ ⵖⴰⵔ ⵍⵓⵣ ⴷⵉ ⵜⴻⵎⵎⵓⵔⵜ ⵏ ⴽⴻⵏⵄⴰⵏ, ⴰⵇⴰ-ⵜⵜ ⴷ ⴱⴰⵢⵜ-ⵉⵍ, ⵏⴻⵜⵜⴰ ⴷ ⵎⴰⵔⵔⴰ ⵍⴳⴻⵏⵙ ⵉ ⵜⵓⵖⴰ ⴰⴽⵉⴷⴻⵙ. 7 ⵉⴱⵏⴰ ⴷⵉⵏ ⵉⵊⵊ ⵏ ⵓⵄⴰⵍⵟⴰⵔ ⵓⵛⴰ ⵉⵍⴰⵖⴰ ⵉ ⵡⴻⵎⵛⴰⵏ ⵏⵏⵉ ⵉⵍ-ⴱⴰⵢⵜ-ⵉⵍ, ⵎⵉⵏⵣⵉ ⴷⵉⵏⵏⵉ ⵉ ⴷ ⴰⵙ ⴷⴷ-ⵉⴹⵀⴰⵔ ⴰⵔⴻⴱⴱⵉ, ⵓⵎⵉ ⴷⴷ-ⵢⴰⵔⵡⴻⵍ ⵣⴻⴳ ⵓⵖⴻⵎⴱⵓⴱ ⵏ ⵓⵎⴰⵙ. ◘35:7 ⴰⵎⵥ. 28:19.
8 ⵜⴻⵎⵎⵓⵜ ⴷⵉⴱⵓⵔⴰ, ⵜⴰⵎⴻⵙⵙⴻⵟⵟⴰⴹⵜ ⵏ ⵔⵉⴼⵇⴰ ⵓⵛⴰ ⵏⴻⴹⵍⴻⵏ ⵜⵜ ⵙⵡⴰⴷⴷⴰⵢ ⵉ ⴱⴰⵢⵜ-ⵉⵍ, ⵙⴰⴷⵓ ⵜⴰⴱⴻⴵⵓⴹⵜ ⵓⵛⴰ ⵉⵍⴰⵖⴰ ⵉⵙⴻⵎ ⵏⵏⴻⵙ ‘ⴰⵍⵍⵓⵏ-ⴱⴰⴽⵓⵜ’, ⴰⵇⴰ-ⵜⵜ ⴷ ‘ⵜⴰⴱⴻⴵⵓⴹⵜ ⵏ ⵉⵎⴻⵟⵟⴰⵡⴻⵏ’. 9 ⵉⴹⵀⴰⵔ ⴰⵙ-ⴷⴷ ⵄⴰⵡⴻⴷ ⴰⵔⴻⴱⴱⵉ ⵉ ⵢⴰⵄⵇⵓⴱ ⵓⵎⵉ ⴷⴷ-ⵉⴷⵡⴻⵍ ⵣⵉ ⴼⴰⴷⴰⵏ-ⴰⵔⴰⵎ ⵓⵛⴰ ⵉⴱⴰⵔⴽ ⵉ-ⵜ. ◘35:9 ⵃⵓⵛ. 12:5. 10 ⵉⵏⵏⴰ ⴰⵙ ⴰⵔⴻⴱⴱⵉ: “ⵉⵙⴻⵎ ⵏⵏⴻⵛ ⴷ ⵢⴰⵄⵇⵓⴱ. ⵣⵉ ⵙⵙⴰ ⴷ ⵜⵙⴰⵡⴻⵏⵜ ⵡⴰⵔ ⵜⵜⴻⴳⴳⴻⵏ ⵄⴰⴷ ⵉⵙⴻⵎ ⵏⵏⴻⵛ ‘ⵢⴰⵄⵇⵓⴱ’, ⵎⴰⵛⴰ ‘ⵉⵙⵔⴰⵉⵍ’, ⴷ ⵡⴰ ⵉ ⵖⴰ ⵢⵉⵍⵉⵏ ⴷ ⵉⵙⴻⵎ ⵏⵏⴻⵛ.” ⵓⵛⴰ ⵉⵙⴻⵎⵎⴰ ⵜ ⵉⵙⵔⴰⵉⵍ. ◘35:10 ⴰⵎⵥ. 32:27; 2 ⵉⵊ. 17:34. 11 ⵉⵏⵏⴰ ⴰⵙ ⴰⵔⴻⴱⴱⵉ: “ⵏⴻⵛⵛ ⴷ ⴰⵔⴻⴱⴱⵉ, ⴰⵎⵣⴻⵎⵎⴰⵔ ⵅ ⴽⵓⵍⵛⵉ! ⴻⴳⴳ ⵍⵖⵉⴵⴻⵜ, ⵎⵎⴰⵔⵏⵉⵢ! ⵣⵣⴰⵢⴻⴽ ⵉ ⵖⴰ ⵉⴼⴼⴻⵖ ⵉⵊⵊ ⵏ ⵍⴳⴻⵏⵙ, ⵡⴰⵀ, ⴷ ⵉⵊⵊ ⵏ ⵡⴻⴳⵔⴰⵡ ⵏ ⵍⴻⴳⵏⵓⵙ ⴰⴷ ⴼⴼⵖⴻⵏ ⵣⵣⴰⵢⴻⴽ ⵓ ⵉⵊⴻⴵⵉⴷⴻⵏ ⴰⴷ ⴼⴼⵖⴻⵏ ⵣⵉ ⵜⴻⵊⵄⵉⵏⵏⴰ ⵏⵏⴻⵛ. ◘35:11 ⴰⵎⵥ. 17:1, 6; 28:3; 48:3 12 ⵓⵛⴰ ⵜⴰⵎⵎⵓⵔⵜ-ⴰ ⵉ ⵡⵛⵉⵖ ⵉ ⵉⴱⵔⴰⵀⵉⵎ ⴷ ⵉⵙⵃⴰⵇ, ⵉ ⵛⴻⴽ ⵓⵎⵉ ⵜⵜ ⵉ ⵖⴰ ⵡⵛⴻⵖ ⵓⵛⴰ ⵓⵍⴰ ⵉ ⵣⵣⴰⵔⵉⵄⴻⵜ ⵏⵏⴻⵛ ⴰⵡⴰⵔⵏⵉ ⴰⵛ ⴰⴷ ⵡⵛⴻⵖ ⵜⴰⵎⵎⵓⵔⵜ.” 13 ⵅⴰⵙ ⵓⵛⴰ ⵉⴳⴻⵄⵄⴻⴷ ⴰⵔⴻⴱⴱⵉ ⵙⴻⵏⵏⴻⵊ ⵣⴻⴳ ⵡⴻⵎⵛⴰⵏ ⵎⴰⵏⵉ ⴽⵉⴷⴻⵙ ⵉⵙⵙⵉⵡⴻⵍ. 14 ⵢⴰⵄⵇⵓⴱ ⵉⵙⵙⴳⴻⵄⵄⴻⴷ ⵉⵊⵊ ⵏ ⵡⴻⵥⵔⵓ ⵏ ⵍⵉⴷⴰⵔⴻⵜ ⴷⴻⴳ ⵡⴻⵎⵛⴰⵏ ⵎⴰⵏⵉ ⴽⵉⵙ ⵉⵙⵙⵉⵡⴻⵍ, ⵉⵊⵊ ⵏ ⵡⴻⵥⵔⵓ ⵏ ⵍⵉⴷⴰⵔⴻⵜ. ⵉⵙⴻⵢⵢⴻⴱ ⵅⴰⵙ ⵉⵛⵜ ⵏ ⵜⴻⵡⵀⵉⴱⵜ ⵏ ⵓⵙⴻⵢⵢⴻⴱ ⵓⵛⴰ ⵉⴼⴰⵔⵔⴻⵖ ⵣⵣⴻⵛⵜ ⵅ ⵓⵣⴻⴵⵉⴼ ⵏⵏⴻⵙ. ◘35:14 ⴰⵎⵥ. 28:18. 15 ⵉⴳⴳⴰ ⵢⴰⵄⵇⵓⴱ ⵉⵙⴻⵎ ⵏ ⵡⴻⵎⵛⴰⵏ ⵎⴰⵏⵉ ⴽⵉⴷⴻⵙ ⵉⵙⵙⵉⵡⴻⵍ ⴰⵔⴻⴱⴱⵉ ‘ⴱⴰⵢⵜ-ⵉⵍ!’
ⴰⵅⵍⴰⵇ ⵏ ⴱⵉⵏⵢⴰⵎⵉⵏ ⴷ ⵍⵎⴻⵡⵜ ⵏ ⵔⴰⵃⵉⵍ
16 ⴼⴻⵙⵢⴻⵏ ⵏⵉⵜⵏⵉ ⵉⵇⵉⴹⴰⵏ ⵏⵙⴻⵏ, ⴼⴼⵖⴻⵏ ⵣⵉ ⴱⴰⵢⵜ-ⵉⵍ ⵓⵛⴰ ⵓⵎⵉ ⵜⵓⵖⴰ ⵜⵜⴻⴳⴳⵡⵉⵊⴻⵏ ⵎⵖⵉⵔ ⵛⵡⴰⵢⵜ ⵅ ⵉⴼⵔⴰⵜⴰ, ⵅⴻⵏⵏⵉ ⵜⵓⵔⵓⵡ-ⴷⴷ ⵔⴰⵃⵉⵍ ⵓ ⵜⴻⵄⴷⵓ ⵅⴰⵙ ⵜⴰⵔⵡⴰ ⵜⴻⵇⵙⴻⵃ. ◼35:16 ⵉⴼⵔⴰⵜⴰ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵉⵏ ⵉⵜⵜⵉⵛⴻⵏ ⵍⵖⵉⴵⴻⵜ’ ⵏⵉⵖ ‘ⵡⴻⵏⵏⵉ ⵉⵜⵜⵉⵛⵛⴻⵏ ⵍⵖⵉⴵⴻⵜ’. 17 ⵉⵎⵙⴰⵔ, ⵓⵎⵉ ⵜⴻⵖⵖⵓⴹⴻⴷ ⴷⵉ ⵜⴰⵔⵡⴰ ⵏⵏⴻⵙ, ⵜⴻⵏⵏⴰ ⴰⵙ ⵍⵇⴰⴱⵍⴰ: “ⵡⴰⵔ ⵜⵜⴻⴳⴳⵯⴻⴷ, ⴰⵇⴰ ⵡⴰ ⵄⴰⵡⴻⴷ ⴰⴷ ⵢⵉⵍⵉ ⴷ ⵎⵎⵉⵎ!” 18 ⵍⴰⵎⵉ ⵜⴻⴹⵍⴻⵇ ⵉ ⴱⵓⵃⴱⴻⵍ ⴰⵎ ⵜⴻⵎⵎⵓⵜ ⴷⵉⵏ, ⴰⵇⴰ ⵜⵍⴰⵖⴰ ⴰⵙ ⴱⵉⵏ-ⵓⵏⵉ, ⵉⵙⴻⵎ-ⴰ ⵉⵅⵙ ⴰⴷ ⵢⵉⵏⵉ ‘ⵎⵎⵉⵙ ⵏ ⵍⴻⵃⵔⵉⵇ ⵉⵏⵓ’, ⵎⴰⵛⴰ ⴱⴰⴱⴰⵙ ⵉⵍⴰⵖⴰ ⴰⵙ ⴱⵉⵏⵢⴰⵎⵉⵏ, ⵉⵅⵙ ⴰⴷ ⵢⵉⵏⵉ ‘ⵎⵎⵉⵙ ⵏ ⵣⵣⵀⴰⵔ ⵉⵏⵓ’. ◼35:18 ⴱⵉⵏ-ⵓⵏⵉ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵎⵉ ⵏ ⵍⴻⵃⵔⵉⵇ ⵉⵏⵓ’. ⴱⵉⵏⵢⴰⵎⵉⵏ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵎⵉ ⵏ ⵓⴼⵓⵙ ⵢⴻⴼⵓⵙⵉ’. 19 ⴰⵎⵎⵓ ⵉ ⵜⴻⵎⵎⵓⵜ ⵔⴰⵃⵉⵍ ⵓⵛⴰ ⵏⴻⴹⵍⴻⵏⵜ ⵜⵜ ⴷⴻⴳ ⵡⴻⴱⵔⵉⴷ ⵖⴰⵔ ⵉⴼⵔⴰⵜⴰ, ⵉⵅⵙ ⴰⴷ ⵢⵉⵏⵉ ⴱⴰⵢⵜ-ⵍⴰⵃⵎ. ◘35:19 ⴰⵎⵥ. 48:7. 20 ⵓⵛⴰ ⵉⴳⴳⴰ ⵢⴰⵄⵇⵓⴱ ⵉⵊⵊ ⵏ ⵡⴻⵥⵔⵓ ⵏ ⵍⵉⴷⴰⵔⴻⵜ ⵅ ⵡⴻⵏⴹⴻⵍ ⵏⵏⴻⵙ. ⴷ ⵡⴰ ⴷ ⴰⵥⵔⵓ ⵏ ⵍⵉⴷⴰⵔⴻⵜ ⵏ ⵔⴰⵃⵉⵍ ⵅ ⵡⴻⵏⴹⴻⵍ ⵏ ⵔⴰⵃⵉⵍ ⴰⵍ ⴰⵙⵙ-ⴰ.
21 ⵅⴰⵙ ⵓⵛⴰ ⵉⴼⵙⵉ ⵉⵙⵔⴰⵉⵍ ⵉⵇⵉⴹⴰⵏ ⵓⵛⴰ ⵉⵡⵜⴰ ⴰⵇⵉⴹⵓⵏ ⵏⵏⴻⵙ ⵅ ⵓⵄⴻⴷⴷⵓ ⵏ ⵎⴰⵊⴷⴰⵍ-ⵄⵉⴷⵔ. 22 ⵓⵎⵉ ⵉⵣⴷⴻⵖ ⵉⵙⵔⴰⵉⵍ ⴷⵉ ⵜⴻⵎⵎⵓⵔⵜ ⵏⵏⵉ, ⵉⵎⵙⴰⵔ ⴱⴻⵍⵍⵉ ⵔⵓⴱⵉⵏ ⵉⵔⵓⵃ ⵉⵟⵟⴻⵚ ⴰⴽ-ⴷ ⴱⵉⵍⵀⴰ, ⵜⴰⵢⵢⴰ ⵏ ⴱⴰⴱⴰⵙ, ⵓⵛⴰ ⵢⵉⵡⴻⴹ ⴰⴷ ⵜ ⵉⴼⵀⴻⵎ ⵉⵙⵔⴰⵉⵍ.
ⴰⵇⴰ ⵍⴻⵅⵅⵓ ⵉⵡⴹⴻⵏ ⴰⵢⵜ ⵏ ⵢⴰⵄⵇⵓⴱ ⵜⴻⵏⵄⴰⵛ. ◘35:22 ⴰⵎⵥ. 49:4.
23 ⵜⴰⵔⵡⴰ ⵏ ⵍⵉⵢⴰ ⵜⵓⵖⴰ ⴰⵜⴻⵏ: ⵔⵓⴱⵉⵏ, ⴰⵎⴻⵏⵣⵓ ⵏ ⵢⴰⵄⵇⵓⴱ ⴷ ⵛⵉⵎⵄⵓⵏ ⴷ ⵍⴰⵡⵉ ⴷ ⵢⴰⵀⵓⴷⴰ ⴷ ⵉⵙⵙⴰⴽⴰⵔ ⴷ ⵣⴰⴱⵓⵍⵓⵏ. ◘35:23 ⴰⵎⵥ. 46:8; ⵓⴼ. 1:2. 24 ⵜⴰⵔⵡⴰ ⵏ ⵔⴰⵃⵉⵍ ⵜⵓⵖⴰ ⴰⵜⴻⵏ: ⵢⵓⵙⵓⴼ ⴷ ⴱⵉⵏⵢⴰⵎⵉⵏ. 25 ⵜⴰⵔⵡⴰ ⵏ ⴱⵉⵍⵀⴰ, ⵜⴰⵢⵢⴰ ⵏ ⵔⴰⵃⵉⵍ, ⵜⵓⵖⴰ ⴰⵜⴻⵏ: ⴷⴰⵏ ⴷ ⵏⴰⴼⵜⴰⵍⵉ. 26 ⵜⴰⵔⵡⴰ ⵏ ⵣⵉⵍⴱⴰ, ⵜⴰⵢⵢⴰ ⵏ ⵍⵉⵢⴰ, ⵜⵓⵖⴰ ⴰⵜⴻⵏ: ⵊⴰⴷ ⴷ ⴰⵛⵉⵔ. ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵃⴻⵏⵊⵉⵔⴻⵏ ⵏ ⵢⴰⵄⵇⵓⴱ ⵉⵏⵏⵉ ⴷ ⴰⵙ ⴷⴷ-ⵉⵜⵜⵡⴰⵅⴻⵍⵇⴻⵏ ⴷⵉ ⴼⴰⴷⴰⵏ-ⴰⵔⴰⵎ.
ⵍⵎⴻⵡⵜ ⵏ ⵉⵙⵃⴰⵇ
27 ⵓⵛⴰ ⵢⵓⵙⴰ-ⴷⴷ ⵢⴰⵄⵇⵓⴱ ⵖⴰⵔ ⴱⴰⴱⴰⵙ ⵉⵙⵃⴰⵇ ⴷⵉ ⵎⴰⵎⵔⵉ, ⴷⵉ ⵜⴻⵏⴷⵉⵏⵜ ⵏ ⴰⵔⴱⴰⵄ, ⵜⴻⵏⵏⵉ ⵉⴵⴰⵏ ⴷ ⵜⴰⵏⴷⵉⵏⵜ ⵏ ⵃⴰⴱⵔⵓⵏ, ⵎⴰⵏⵉ ⵜⵓⵖⴰ ⵉⴱⵔⴰⵀⵉⵎ ⵉⵣⴻⴷⴷⴻⵖ ⴰⵎ ⵓⴱⴰⵔⵔⴰⵏⵉ, ⵓⵛⴰ ⵉⵙⵃⴰⵇ ⴰⵎⴻⵏⵏⵉ ⴰⵡⴰⵔⵏⵉ ⴰⵙ. ◼35:27 ⵜⴰⵏⴷⵉⵏⵜ ⵏ ⴰⵔⴱⴰⵄ-ⵏⵉⵖ ‘ⵇⴰⵔⵢⴰⵜ-ⴰⵔⴱⴰⵄ’. 28 ⵉⴷⴷⴰⵔ ⵉⵙⵃⴰⵇ ⵎⵢⴰ ⵓ-ⵜⵎⴰⵏⵢⵉⵏ ⵏ ⵉⵙⴻⴳⴳⵯⵓⵙⴰ. ◼35:28 ⵉⴷⴷⴰⵔ ⵉⵙⵃⴰⵇ ...-ⵙ ⵜⵄⵉⴱⵔⴰⵏⵉⵜ ‘ⵓⵛⴰ ⵜⵓⵖⴰ ⵡⵓⵙⵙⴰⵏ ⵏ ⵉⵙⵃⴰⵇ ...’ 29 ⵉⴹⵍⴻⵇ ⵉⵙⵃⴰⵇ ⵉ ⴱⵓⵃⴱⴻⵍ, ⵉⵎⵎⵓⵜ ⵓⵛⴰ ⵉⵎⵎⴰⵔⵏⵉ ⵖⴰⵔ ⵍⴳⴻⵏⵙ ⵏⵏⴻⵙ, ⵉⵡⵙⴰⵔ, ⵉⵊⵊⵉⵡⴻⵏ ⵣⵉ ⵜⵓⴷⴰⵔⵜ, ⵓⵛⴰ ⵄⵉⵙⵓ ⴷ ⵢⴰⵄⵇⵓⴱ, ⵉⵃⴻⵏⵊⵉⵔⴻⵏ ⵏⵏⴻⵙ, ⵏⴻⴹⵍⴻⵏ ⵜ. ◘35:29 ⴰⵎⵥ. 25:8.
◘35:1 35:1 ⴰⵎⵥ. 27:43; 28:12, 13.
◼35:2 35:2 ⵉⵔⴻⴱⴱⵉⵜⴻⵏ ⵉⵖⵔⵉⴱⴻⵏ-ⵎⴰⵏ ⴰⵢⴰ ⵉⵅⵙ ⴰⴷ ⵢⵉⵏⵉ ‘ⵍⴰⵚⵏⴰⵎ’. ⵓⵍⴰ ⴷⵉ ⴰⵢⴻⵜ 4.
◼35:4 35:4 ⵏⵏⵉ ⵜⵓⵖⴰ ⵖⴰⵔⵙⴻⵏ-ⵙ ⵜⵄⵉⴱⵔⴰⵏⵉⵜ ‘ⵉⵏⵏⵉ ⴷⴻⴳ ⵉⴼⴰⵙⵙⴻⵏ ⵏⵙⴻⵏ’
◘35:7 35:7 ⴰⵎⵥ. 28:19.
◘35:10 35:10 ⴰⵎⵥ. 32:27; 2 ⵉⵊ. 17:34.
◘35:11 35:11 ⴰⵎⵥ. 17:1, 6; 28:3; 48:3
◘35:14 35:14 ⴰⵎⵥ. 28:18.
◼35:16 35:16 ⵉⴼⵔⴰⵜⴰ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵉⵏ ⵉⵜⵜⵉⵛⴻⵏ ⵍⵖⵉⴵⴻⵜ’ ⵏⵉⵖ ‘ⵡⴻⵏⵏⵉ ⵉⵜⵜⵉⵛⵛⴻⵏ ⵍⵖⵉⴵⴻⵜ’.
◼35:18 35:18 ⴱⵉⵏ-ⵓⵏⵉ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵎⵉ ⵏ ⵍⴻⵃⵔⵉⵇ ⵉⵏⵓ’. ⴱⵉⵏⵢⴰⵎⵉⵏ-ⵉⵙⴻⵎ-ⴰ ⵡⴰⵏⵉⵜⴰ ⵉⵅⵙ ⴰⴷ ⵢⵉⵏⵉ ‘ⵎⵎⵉ ⵏ ⵓⴼⵓⵙ ⵢⴻⴼⵓⵙⵉ’.
◘35:23 35:23 ⴰⵎⵥ. 46:8; ⵓⴼ. 1:2.
◼35:27 35:27 ⵜⴰⵏⴷⵉⵏⵜ ⵏ ⴰⵔⴱⴰⵄ-ⵏⵉⵖ ‘ⵇⴰⵔⵢⴰⵜ-ⴰⵔⴱⴰⵄ’.
◼35:28 35:28 ⵉⴷⴷⴰⵔ ⵉⵙⵃⴰⵇ ...-ⵙ ⵜⵄⵉⴱⵔⴰⵏⵉⵜ ‘ⵓⵛⴰ ⵜⵓⵖⴰ ⵡⵓⵙⵙⴰⵏ ⵏ ⵉⵙⵃⴰⵇ ...’