1 ⵓⵎⵉ ⵜⵓⵖⴰ ⵢⴰⵛⵓⵡⴰ ⴷ ⴰⵡⴻⵙⵙⴰⵔ ⵓⵛⴰ ⵉⵎⵖⴰⵔ ⴷⴻⴳ ⵡⵓⵙⵙⴰⵏ ⵏ ⵜⵓⴷⴰⵔⵜ ⵏⵏⴻⵙ, ⵉⵏⵏⴰ ⴰⵙ ⵙⵉⴷⵉ: “ⵛⴻⴽ ⵜⴻⵡⵙⴰⵔⴻⴷ ⵓ ⵜⴻⵎⵖⴰⵔⴻⴷ ⴷⴻⴳ ⵡⵓⵙⵙⴰⵏ ⵓⵛⴰ ⵄⴰⴷ ⵜⴻⵇⵇⵉⵎ ⴰⵟⵟⴰⵙ ⵏ ⵜⴻⵎⵎⵓⵔⵜ ⵎⴰⵃⴻⵏⴷ ⴰⴷ ⵜⵜ ⵜⴻⴽⵙⵉⴷ ⴷ ⵍⵡⴰⵔⵜ. 2 ⵜⴰ ⴷ ⵜⴰⵎⵎⵓⵔⵜ ⵉⵇⵇⵉⵎⴻⵏ: ⵎⴰⵔⵔⴰ ⵉⴷⵓⵡⵡⴰⵔⴻⵏ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ ⵓ ⵎⴰⵔⵔⴰ ⵊⵊⵡⴰⵢⴻⵀ ⵏ ⵉⵊⴰⵛⵓⵔⵉⵢⵢⴻⵏ, 3 ⵣⴻⴳ ⵢⴻⵖⵣⴰⵔ ⵏ ⵛⵉⵃⵓⵔ ⵏⵏⵉ ⵉⵙⵙⵉⵣⵣⵍⴻⵏ ⵣⵣⴰⵜ ⵉ ⵡⵓⴷⴻⵎ ⵏ ⵎⵉⵚⵔⴰ, ⴰⵍ ⴰⵢⵎⵉⵔ ⵏ ⵄⵉⵇⵔⵓⵏ ⴷⵉ ⵛⵛⴰⵎⴰⵍ ⵏⵏⵉ ⵉⵜⵜⵡⴰⵃⵙⴻⴱ-ⴷⴷ ⴷ ⵜⴰⵎⵎⵓⵔⵜ ⵏ ⴰⵢⵜ ⵏ ⴽⴻⵏⵄⴰⵏ, ⴷⴰⵢⴻⵙ ⵅⴻⵎⵙⴰ ⵏ ⵍⴱⴰⵛⴰⵜ ⵏ ⵜⵏⴻⴷⴷⴰⵎ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ, ⵉⵅⵙ ⴰⴷ ⵢⵉⵏⵉ ⴰⵖⴰⵣⵉ ⴷ ⴰⵛⴷⵓⴷⵉ ⴷ ⴰⵛⵇⴰⵍⵓⵏⵉ, ⴰⵊⵉⵜⵜⵉ, ⴷ ⴰⵄⴰⵇⵔⵓⵏⵉ, ⴷ ⵉⵄⴰⵡⵉⵢⵢⴻⵏ, 4 ⵓⵛⴰ ⵅⴻⵏⵏⵉ ⵣⵉ ⵍⵊⴰⵏⵓⴱ ⵎⴰⵔⵔⴰ ⵜⴰⵎⵎⵓⵔⵜ ⵏ ⴰⵢⵜ ⵏ ⴽⴻⵏⵄⴰⵏ ⴷ ⵎⵓⵖⴰⵔⴰ ⵜⴻⵏⵏⵉ ⵏ ⵉⵚⵉⴷⵓⵏⵉⵢⵢⴻⵏ, ⴰⵍ ⴰⴼⵉⵇ ⵓ ⴰⵍ ⵡⴻⵢⵎⵉⵔ ⵏ ⵉⵎⵓⵔⵉⵢⵢⴻⵏ, 5 ⵓⵛⴰ ⵅⴻⵏⵏⵉ ⵜⴰⵎⵎⵓⵔⵜ ⵏ ⵉⵊⵉⴱⵍⵉⵢⵢⴻⵏ ⴷ ⵎⴰⵔⵔⴰ ⵍⵓⴱⵏⴰⵏ ⵎⴰⵏⵉⵙ ⵉ ⴷⴷ-ⵜⵏⴻⵇⵇⴰⵔ ⵜⴼⵓⵛⵜ, ⵣⵉ ⴱⴰⵄⵍ-ⵊⴰⴷ ⵙⵡⴰⴷⴷⴰⵢ ⵉ ⵡⴻⴷⵔⴰⵔ ⵏ ⵃⵉⵔⵎⵓⵏ ⴰⵍ ⵎⴰⵏⵉ ⵉⵜⵜⴰⴽⴽⵡⴰⴹ ⴱⵏⴰⴷⴻⵎ ⵖⴰⵔ ⵃⴰⵎⴰⵜ, 6 ⵎⴰⵔⵔⴰ ⵉⵏⵏⵉ ⵉⵣⴻⴷⴷⵖⴻⵏ ⴷⵉ ⵊⵊⵡⴰⵢⴻⵀ ⵣⴻⴳ ⵉⴷⵓⵔⴰⵔ ⵏ ⵍⵓⴱⵏⴰⵏ ⴰⵍ ⵎⵉⵙⵔⴰⴼⵓⵜ-ⵎⴰⵢⵉⵎ, ⵎⴰⵔⵔⴰ ⵉⵚⵉⴷⵓⵏⵉⵢⵢⴻⵏ. ⵏⴻⵛⵛ ⴰⴷ ⵅⴰⵙⴻⵏ ⴰⵥⵥⵍⴻⵖ ⵣⵣⴰⵜ ⵉ ⵡⵓⴷⴻⵎ ⵏ ⴰⵢⵜ ⵏ ⵉⵙⵔⴰⵉⵍ. ⴻⴳⴳ ⵎⴰⵛⴰ ⵜⴰⵎⵎⵓⵔⵜ ⴷ ⵍⵡⴰⵔⵜ ⵉ ⵉⵙⵔⴰⵉⵍ ⵡⴰⵀⴰ, ⴰⵎ ⵎⴰⵎⵎⴻⵛ ⴷ ⴰⵛ ⵓⵎⵓⵔⴻⵖ.” *

7 “ⴱⴹⴰ ⵍⴻⵅⵅⵓ ⵜⴰⵎⵎⵓⵔⵜ-ⴰ ⴷ ⵍⵡⴰⵔⵜ ⵊⴰⵔ ⵜⴻⵙⵄⴰ ⵏ ⵜⵇⴻⴱⴱⴰⵍ ⴷ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ, 8 ⵉⵔⵢⴰⵣⴻⵏ ⵏ ⵎⴰⵏⴰⵙⵙⴰ ⵏⵏⵉ ⵉⴽⵙⵉⵏ ⴰⴽ-ⴷ ⵉⵔⵓⴱⵉⵏⵉⵢⵢⴻⵏ ⴷ ⵉⵊⴰⴷⵉⵢⵢⴻⵏ ⵜⴰⵙⵖⴰⵔⵜ ⵏ ⵍⵡⴰⵔⵜ ⵏⵙⴻⵏ ⵏⵏⵉ ⵉ ⴷ ⴰⵙⴻⵏ ⵉⵡⵛⴰ ⵎⵓⵙⴰ ⵅ ⵓⵊⴻⵎⵎⴰⴹ ⵏ ⵍ’ⵓⵔⴷⵓⵏ ⴷⵉ ⵛⵛⴰⵔⵇ, ⴰⵎ ⵎⴰⵎⵎⴻⵛ ⴷ ⴰⵙⴻⵏ ⵜⵜ ⵉⵡⵛⴰ ⵎⵓⵙⴰ, ⴰⵎⵙⴻⵅⵅⴰⵔ ⵏ ⵙⵉⴷⵉ: 9 ⵣⵉ ⴰⵔⵓⵄⵉⵔ ⵉ ⵉⴵⴰⵏ ⵅ ⵜⵎⴰ ⵏ ⴰⵔⵏⵓⵏ ⴷ ⵜⴻⵏⴷⵉⵏⵜ ⵉ ⵉⴵⴰⵏ ⴷⵉ ⵍⵡⴻⵙⵟ ⵏ ⵜⴻⵖⵣⵓⵔⵜ ⴷ ⵎⴰⵔⵔⴰ ⵍⵡⴰⵟⴰ ⵢⵓⵄⵍⴰⵏ ⵣⵉ ⵎⵉⵢⴷⴰⴱⴰ ⴰⵍ ⴷⵉⴱⵓⵏ, ◘13:9 ⴰⵄⵡⴷ. 2:36 10 ⴷ ⵎⴰⵔⵔⴰ ⵜⵉⵏⴻⴷⴷⴰⵎ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵉⵎⵓⵔⵉⵢⵢⴻⵏ ⵡⴻⵏⵏⵉ ⵜⵓⵖⴰ ⵉⵃⴻⴽⴽⵎⴻⵏ ⴷⵉ ⵃⴰⵛⴱⵓⵏ, ⴰⵍ ⴰⵢⵎⵉⵔ ⵏ ⴰⵢⵜ ⵏ ⵄⴰⵎⵎⵓⵏ 11 ⵓⵍⴰ ⴷ ⵊⵉⵍⵄⴰⴷ ⴷ ⵜⴻⵎⵎⵓⵔⵜ ⵏ ⵉⵊⴰⵛⵓⵔⵉⵢⵢⴻⵏ ⴷ ⵉⵎⴰⵄⴽⵉⵢⵢⴻⵏ ⴷ ⵇⴰⵄ ⵡⴻⴷⵔⴰⵔ ⵏ ⵃⵉⵔⵎⵓⵏ ⴷ ⵎⴰⵔⵔⴰ ⴱⴰⵛⴰⵏ ⴰⵍ ⵙⴰⵍⵅⴰ, 12 ⵎⴰⵔⵔⴰ ⵜⴰⴳⴻⵍⴷⵉⵜ ⵏ ⵄⵓⵊ, ⴷⵉ ⴱⴰⵛⴰⵏ, ⵡⴻⵏⵏⵉ ⵜⵓⵖⴰ ⵉⵃⴻⴽⴽⵎⴻⵏ ⴷⵉ ⵄⴰⵛⵜⴰⵔⵓⵜ ⴷ ⵉⴷⵔⴰⵄⵉ. ⵏⴻⵜⵜⴰ ⵜⵓⵖⴰ ⵉⵇⵇⵉⵎ ⵣⵉ ⵎⵉⵏ ⵉⵇⵇⵉⵎⴻⵏ ⵏ ⵉⵔⴰⴼⴰⵡⵉⵢⵢⴻⵏ ⵏⵏⵉ ⵜⵓⵖⴰ ⵉⵡⵜⴰ ⵉ-ⵜⴻⵏ ⵎⵓⵙⴰ ⵓⵛⴰ ⵢⵓⵥⵥⴻⵍ ⵅⴰⵙⴻⵏ ⵣⵉ ⵜⴻⵙⵖⴰⵔⵜ ⵏⵙⴻⵏ. 13 ⵎⴰⵛⴰ ⴰⵢⵜ ⵏ ⵉⵙⵔⴰⵉⵍ ⵡⴰⵔ ⵓⵥⵥⵍⴻⵏ ⵅ ⴰⵢⵜ ⵏ ⵉⵊⴰⵛⵓⵔⵉⵢⵢⴻⵏ ⴷ ⵉⵎⴰⵄⴽⵉⵢⵢⴻⵏ ⵣⵉ ⵜⴻⵙⵖⴰⵔⵜ ⵏⵙⴻⵏ. ⵊⴰⵛⵓⵔ ⴷ ⵎⴰⵄⴽⴰⵜ ⵇⵇⵉⵎⴻⵏ ⵣⴻⴷⴷⵖⴻⵏ ⴷⵉ ⵍⵡⴻⵙⵟ ⵏ ⴰⵢⵜ ⵏ ⵉⵙⵔⴰⵉⵍ ⴰⵍ ⴰⵙⵙ-ⴰ.

14 ⵉ ⵜⴻⵇⴱⵉⵍⵜ ⵏ ⵍⴰⵡⵉ ⵡⴰⵀⴰ ⵓⵎⵉ ⵉ ⵡⴰⵔ ⵉⵡⵛⵉ ⵜⴰⵙⵖⴰⵔⵜ. ⵜⵉⵖⴰⵔⵚⴰ ⵏ ⵜⵎⴻⵙⵙⵉ ⵏ ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ, ⴷ ⵜⴰⵙⵖⴰⵔⵜ ⵏⵏⴻⵙ, ⴰⵎ ⵎⴰⵎⵎⴻⵛ ⵜⵓⵖⴰ ⵉ ⴷ ⴰⵙ ⵉⵙⵙⵉⵡⴻⵍ ⵏⴻⵜⵜⴰ.

15 ⵉⵡⵛⴰ ⵎⵓⵙⴰ ⵉ ⵜⴻⵇⴱⵉⵍⵜ ⵏ ⴰⵢⵜ ⵏ ⵔⵓⴱⵉⵏ ⵜⴰⵙⵖⴰⵔⵜ ⵏⵙⴻⵏ, ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ. 16 ⵉ ⵏⵉⵜⵏⵉ ⵓⵎⵉ ⴷⴷ-ⵜⴻⴽⴽⴰⵔ ⵜⴻⵎⵎⵓⵔⵜ ⵏ ⴰⵔⵓⵄⵉⵔ, ⵜⴻⵏⵏⵉ ⵉ ⵉⴵⴰⵏ ⵖⴰⵔ ⵜⵎⴰ ⵏ ⵜⴻⵖⵣⴰⵔⵜ ⵏ ⴰⵔⵏⵓⵏ ⴰⴽ-ⴷ ⵜⴻⵏⴷⵉⵏⵜ ⵏⵏⵉ ⵉⴵⴰⵏ ⴷⵉ ⵍⵡⴻⵙⵟ ⵏ ⵜⴻⵖⵣⵓⵔⵜ ⴷ ⵎⴰⵔⵔⴰ ⵍⵡⴰⵟⴰ ⵢⵓⵄⵍⴰⵏ ⴰⵍ ⵎⵉⴷⵉⴱⴰ. 17 ⵃⴰⵛⴱⵓⵏ ⴷ ⵎⴰⵔⵔⴰ ⵜⵉⵏⴻⴷⴷⴰⵎ ⵏⵏⴻⵙ ⵏⵏⵉ ⵉⴵⴰⵏ ⵅ ⵍⵡⴰⵟⴰ ⵢⵓⵄⵍⴰⵏ: ⴷⵉⴱⵓⵏ, ⴱⴰⵎⵓⵜ-ⴱⴰⵄⵍ ⴷ ⴱⴰⵢⵜ-ⴱⴰⵄⵍ-ⵎⴰⵄⵓⵏ 18 ⴷ ⵢⴰⵀⵚⴰ ⴷ ⵇⴰⴷⵉⵎⵓⵜ ⴷ ⵎⴰⵢⴼⴰⵄⴰ 19 ⴷ ⵇⴰⵔⵢⴰⵜⴰⵢⵉⵎ ⴷ ⵙⵉⴱⵎⴰ ⴷ ⵚⴰⵔⴰⵜ-ⵀⴰ-ⵛⴰⵃⴰⵔ ⵅ ⵡⴻⴷⵔⴰⵔ ⵏ ⵍⴻⵡⴹⴰ ⵏ ⵜⴻⵖⵣⵓⵔⵜ, ◼13:19 ⵇⵉⵔⵢⴰⵜⴰⵢⵉⵎ-ⵉⵅⵙ ⴰⴷ ⵢⵉⵏⵉ ‘ⵜⵏⴰⵢⴻⵏ ⵏ ⵜⵏⴻⴷⴷⴰⵎ’. 20 ⴷ ⴱⴰⵢⵜ-ⴼⴰⵖⵓⵔ ⴷ ⵜⵉⵙⴰⵡⵏⵉⵏ ⵏ ⴼⵉⵙⵊⴰ ⴷ ⴱⴰⵢⵜ-ⵢⴰⵛⵉⵎⵓⵜ, 21 ⵎⴰⵔⵔⴰ ⵜⵉⵏⴻⴷⴷⴰⵎ ⵅ ⵍⵡⴰⵟⴰ ⵢⵓⵄⵍⴰⵏ ⴷ ⵎⴰⵔⵔⴰ ⵜⴰⴳⴻⵍⴷⵉⵜ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵉⵎⵓⵔⵉⵢⵢⴻⵏ, ⵉⵏⵏⵉ ⵉ ⵜⵓⵖⴰ ⵉⵃⴻⴽⴽⵎⴻⵏ ⴷⵉ ⵃⴰⵛⴱⵓⵏ, ⵉ ⵅ ⵉⵖⵍⴻⴱ ⵎⵓⵙⴰ, ⴰⵎ ⵉⵖⵍⴻⴱ ⵓⵍⴰ ⵅ ⵍⵃⵓⴽⴽⴰⵎ ⵏ ⵎⵉⴷⵢⴰⵏ: ⴰⵡⵉ ⴷ ⵔⴰⵇⴰⵎ ⴷ ⵚⵓⵔ ⴷ ⵃⵓⵔ ⴷ ⵔⴰⴱⴰⵄ, ⵉⵏⵏⵉ ⵉ ⴷ ⴰⵙⴻⵏ ⵉⵡⵛⴰ ⵚⵉⵀⵓⵏ ⵊⵊⴻⵀⴷ ⴰⴽⵉⴷⴻⵙ, ⵉⵎⴻⵣⴷⴰⵖ ⵏ ⵜⴻⵎⵎⵓⵔⵜ. 22 ⵙⴻⵏⵏⴻⵊ ⵉ ⵎⴰⵔⵔⴰ ⵉⵏⵏⵉ ⵉⵜⵜⵡⴰⵏⵖⴻⵏ ⴷⵉ ⴳⴰⵔⵔⴰ, ⵏⵖⵉⵏ ⴰⵢⵜ ⵏ ⵉⵙⵔⴰⵉⵍ ⵄⴰⵡⴻⴷ ⴱⴰⵍⵄⴰⵎ, ⵎⵎⵉⵙ ⵏ ⴱⴰⵄⵓⵔ, ⴰⴳⴻⵣⵣⴰⵏ, ⵙ ⵍⴻⵇⴹⴻⵄ ⵏ ⵙⵙⵉⴼ. ◘13:22 ⵍⵅⵍ. 31:8 23 ⵜⵓⵖⴰ ⵍ’ⵓⵔⴷⵓⵏ ⴰⴽ-ⴷ ⵊⵊⵡⴰⵢⴻⵀ ⵏⵏⴻⵙ ⴷ ⴰⵢⵎⵉⵔ ⵏ ⴰⵢⵜ ⵏ ⵔⵓⴱⵉⵏ ⴰⴽ-ⴷ ⵜⴻⵎⵎⵓⵔⵜ ⵖⴰⵔ ⵜⵎⴰ ⵏⵏⴻⵙ. ⵜⴰ ⴷ ⵜⴰⵙⵖⴰⵔⵜ ⵏ ⴰⵢⵜ ⵏ ⵔⵓⴱⵉⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ, ⴰⴽ-ⴷ ⵜⵏⴻⴷⴷⴰⵎ ⴷ ⴷⵛⵓⵔⴰⵜ ⵏⵙⴻⵏ. ◘13:23 ⵍⵅⵍ. 34:14, 15

24 ⵉⵡⵛⴰ ⵎⵓⵙⴰ ⵉ ⵜⴻⵇⴱⵉⵍⵜ ⵏ ⵊⴰⴷ, ⵉ ⴰⵢⵜ ⵏ ⵊⴰⴷ, ⵜⴰⵙⵖⴰⵔⵜ ⵏⵙⴻⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ. 25 ⵉ ⵏⵉⵜⵏⵉ ⵓⵎⵉ ⴷⴷ-ⵜⴻⴽⴽⴰⵔ ⵜⴻⵎⵎⵓⵔⵜ ⵏ ⵢⴰⵄⴰⵣⵉⵔ ⴷ ⵎⴰⵔⵔⴰ ⵜⵉⵏⴻⴷⴷⴰⵎ ⵏ ⵊⵉⵍⵄⴰⴷ ⴷ ⵡⴻⵣⵢⴻⵏ ⵏ ⵜⴻⵎⵎⵓⵔⵜ ⵏ ⴰⵢⵜ ⵏ ⵄⴰⵎⵎⵓⵏ ⴰⵍ ⴰⵔⵓⵄⵉⵔ ⵏⵏⵉ ⵉⴵⴰⵏ ⵣⵣⴰⵜ ⵉ ⵡⵓⴷⴻⵎ ⵏ ⵔⴰⴱⴱⴰ, 26 ⵣⵉ ⵃⴰⵛⴱⵓⵏ ⴰⵍ ⵔⴰⵎⴰⵜ-ⵎⵉⵚⴼⴰ ⴷ ⴱⵓⵟⵓⵏⵉⵎ, ⵓ ⵣⵉ ⵎⴰⵃⴰⵏⴰⵢⵉⵎ ⴰⵍ ⴰⵢⵎⵉⵔ ⵏ ⴷⴰⴱⵉⵔ. 27 ⵓ ⴷⵉ ⵍⴻⵡⴹⴰ ⵏ ⵜⴻⵖⵣⵓⵔⵜ: ⴱⴰⵢⵜ-ⵀⴰⵔⴰⵎ ⴷ ⴱⴰⵢⵜ-ⵏⵉⵎⵔⴰ ⴷ ⵙⵓⴽⴽⵓⵜ ⴷ ⵚⴰⴼⵓⵏ ⴷ ⵎⵉⵏ ⵉⵇⵇⵉⵎⴻⵏ ⵏ ⵜⴳⴻⵍⴷⵉⵜ ⵏ ⵙⵉⵃⵓⵏ, ⴰⵊⴻⴵⵉⴷ ⵏ ⵃⴰⵛⴱⵓⵏ, ⵍ’ⵓⵔⴷⵓⵏ ⴷ ⵊⵊⵡⴰⵢⴻⵀ ⵏⵏⴻⵙ ⴰⵍ ⴰⵏⴻⴳⴳⴰⵔ ⵏ ⵍⴻⴱⵃⴰⵔ ⵏ ⴽⵉⵏⵏⴰⵔⴰⵜ ⵅ ⵓⵊⴻⵎⵎⴰⴹ ⵏ ⵍ’ⵓⵔⴷⵓⵏ ⵖⴰⵔ ⵛⵛⴰⵔⵇ. 28 ⵜⴰ ⴷ ⵜⴰⵙⵖⴰⵔⵜ ⵏ ⴰⵢⵜ ⵏ ⵊⴰⴷ, ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ, ⵜⵉⵏⴻⴷⴷⴰⵎ ⴷ ⴷⵛⵓⵔⴰⵜ ⵏⵏⴻⵙ.

29 ⵉⵡⵛⴰ ⵎⵓⵙⴰ ⵉ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ ⵜⴰⵙⵖⴰⵔⵜ ⵏⵙⴻⵏ. ⵜⴻⴽⴽⴰⵔ ⴰⵙ-ⴷⴷ ⵉ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ, ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ. 30 ⵜⵓⵖⴰ ⵜⴰⵎⵎⵓⵔⵜ ⵏⵙⴻⵏ ⵣⵉ ⵎⴰⵃⴰⵏⴰⵢⵉⵎ: ⵎⴰⵔⵔⴰ ⴱⴰⵛⴰⵏ, ⵎⴰⵔⵔⴰ ⵜⴰⴳⴻⵍⴷⵉⵜ ⵏ ⵄⵓⵊ, ⴰⵊⴻⴵⵉⴷ ⵏ ⴱⴰⵛⴰⵏ, ⴷ ⵎⴰⵔⵔⴰ ⴷⵛⵓⵔⴰⵜ ⵏ ⵢⴰ’ⵉⵔ ⵏⵏⵉ ⵉⴵⴰⵏ ⴷⵉ ⴱⴰⵛⴰⵏ, ⵙⴻⵜⵜⵉⵏ ⵏ ⵜⵏⴻⴷⴷⴰⵎ. ◘13:30 ⵍⵅⵍ. 32:14, ⴰⵄⵡⴷ. 3:4, 14 31 ⴷ ⵡⴻⵣⵢⴻⵏ ⵏ ⵊⵉⵍⵄⴰⴷ ⴷ ⵄⴰⵛⵜⴰⵔⵓⵜ ⴷ ⵉⴷⵔⵉⵄⵉ, ⵜⵉⵏⴻⴷⴷⴰⵎ ⵏ ⵜⴳⴻⵍⴷⵉⵜ ⵏ ⵄⵓⵊ ⴷⵉ ⴱⴰⵛⴰⵏ, ⴽⴽⴰⵔⴻⵏ-ⴷⴷ ⵉ ⵉⵃⴻⵏⵊⵉⵔⴻⵏ ⵏ ⵎⴰⵅⵉⵔ, ⵎⵎⵉⵙ ⵏ ⵎⴰⵏⴰⵙⵙⴰ, ⴰⵇⴰ ⵉ ⵡⴻⵣⵢⴻⵏ ⵏ ⵉⵃⴻⵏⵊⵉⵔⴻⵏ ⵏ ⵎⴰⵅⵉⵔ, ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ. 32 ⵜⵉⵏⴰ ⴷ ⵊⵊⵡⴰⵢⴻⵀ ⵉ ⵜⵓⵖⴰ ⵉⴱⴹⴰ ⵎⵓⵙⴰ ⴷ ⵍⵡⴰⵔⵜ ⴷⵉ ⵍⴻⵡⴹⴰⵜ ⵏ ⵎⵓ’ⴰⴱ, ⵅ ⵓⵊⴻⵎⵎⴰⴹ ⵏ ⵍ’ⵓⵔⴷⵓⵏ, ⵖⴰⵔ ⴰⵔⵉⵃⴰ, ⵖⴰⵔ ⵛⵛⴰⵔⵇ.

33 ⵎⴰⵛⴰ ⵉ ⵜⴻⵇⴱⵉⵍⵜ ⵏ ⵍⴰⵡⵉ ⵡⴰⵔ ⴷ ⴰⵙ ⵉⵡⵛⵉ ⵎⵓⵙⴰ ⵛⴰ ⵜⴰⵙⵖⴰⵔⵜ. ⵙⵉⴷⵉ, ⴰⵔⴻⴱⴱⵉ ⵏ ⵉⵙⵔⴰⵉⵍ ⴷ ⵜⴰⵙⵖⴰⵔⵜ ⵏⵙⴻⵏ, ⴰⵎ ⵎⴰⵎⵎⴻⵛ ⵜⵓⵖⴰ ⴰⴽⵉⴷⵙⴻⵏ ⵉⵙⵙⵉⵡⴻⵍ. ◘13:33 ⵍⵅⵍ. 18:20; ⴰⵄⵡⴷ. 10:9; 18:2