1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⴰⵣⴻⵀⵀⴻⴷ ⵏ ⴷⴰⵡⵓⴷ.

2 ⴰⵔⵔ-ⴷⴷ ⵅⴰⴼⵉ ⵅⵎⵉ ⴷⴷ ⵜⵜⵍⴰⵖⵉⵖ,

ⴰ ⴰⵔⴻⴱⴱⵉ ⵏ ⵜⵙⴻⴳⴷⴰ ⵉⵏⵓ!

ⴷⵉ ⵍⴻⵃⵚⴰⵔⴻⵜ ⴰⵇⴰ ⵛⴻⴽ ⵜⴻⴳⴳⵉⴷ ⴰⵢⵉ ⵜⵜⴰⵙⵉⵄ.

ⵃⵉⵏⵏ ⵅⴰⴼⵉ ⵓ ⵙⴻⵍ-ⴷⴷ ⵖⴰⵔ ⵜⵥⴰⴵⵉⵜ ⵉⵏⵓ!

3 ⵜⴰⵔⵡⴰ ⵏ ⵢⵉⵊⵊ ⵏ ⵡⴻⵔⵢⴰⵣ,

ⴰⵍ ⵎⴻⵍⵎⵉ ⵉ ⵖⴰ ⵢⵉⵍⵉ ⵓⵄⵓⴵⵉ ⵉⵏⵓ ⴷ ⵍⵄⴰⵔ?

ⴰⵍ ⵎⴻⵍⵎⵉ ⵖⴰ ⵜⴻⵅⵙⴻⵎ ⵍⴱⴰⵟⴻⵍ,

ⴰⴷ ⵜⴰⵔⵣⵓⵎ ⵅ ⵉⵅⴰⵔⵔⵉⵇⴻⵏ? ⵙⵉⵍⴰⵀ.

4 ⵙⵏⴻⵎ ⵅⴻⵏⵏⵉ, ⴰⵇⴰ ⵙⵉⴷⵉ ⵉⵃⵓⵣⵣ

ⵉⵊⵊ ⵏ ⵓⵎⴻⴷⴷⵓⴽⴽⴻⵍ ⴰⵎⵜⵉⵇⵇⵉ ⵉ ⵢⵉⵅⴻⴼ ⵏⵏⴻⵙ.

ⵙⵉⴷⵉ ⴰⴷ ⴰⵢⵉ ⵉⵙⴻⵍ ⵅⵎⵉ ⴷ ⴰⵙ ⵉ ⵖⴰ ⵍⴰⵖⵉⵖ.

5 ⴰⵔⵊⵉⵊⴻⵎ, ⵎⴰⵛⴰ ⵡⴰⵔ ⵅⴻⵟⵟⵉⵎ.

ⵙⵉⵡⵍⴻⵎ ⴷⴻⴳ ⵡⵓⵍ ⵏⵡⴻⵎ

ⴷⵉ ⵍⴻⵛⵜⵓ ⵏⵡⴻⵎ ⵓⵛⴰ ⵙⵓⵙⵎⴻⵎ. ⵙⵉⵍⴰⵀ. ◘4:5 ⴰⴼⴰ. 4:26

6 ⵇⴻⴷⴷⵎⴻⵎ ⵜⵉⵖⴰⵔⵚⴰ ⵏ ⵜⵙⴻⴳⴷⴰ,

ⵜⵜⴻⵛⵍⴻⵎ ⵅ ⵙⵉⴷⵉ. ◘4:6 ⴰⵄⵡⴷ. 33:19; ⵉⵥⵀⴷ. 51:21

7 ⴰⵟⵟⴰⵙ ⵇⵇⴰⵔⴻⵏ:

“ⵡⵉ ⴷ ⴰⵏⴻⵖ ⵉ ⵖⴰ ⵉⵙⵙⴻⵛⵏⴻⵏ ⵍⵅⴰⵔ?”

ⴻⵊⵊ ⴰⴷ ⵅⴰⵏⴻⵖ ⴷⴷ-ⵜⴻⵏⵇⴰⵔ

ⵜⴼⴰⵡⵜ ⵏ ⵡⵓⴷⴻⵎ ⵏⵏⴻⵛ, ⴰ ⵙⵉⴷⵉ!

8 ⵛⴻⴽ ⵜⴻⵙⵙⵉⴷⴼⴻⴷ ⵍⴻⴼⵔⴰⵃⴻⵜ ⵖⴰⵔ ⵡⵓⵍ ⵉⵏⵓ,

ⴽⵜⴰⵔ ⵅ ⵍⴻⴼⵔⴰⵃⴻⵜ ⵉ ⴷⵉⵏ ⵉⴵⴰⵏ ⴷⵉ ⵍⵡⴻⵇⵜ

ⵓⵎⵉ ⵜⵓⵖⴰ ⴼⴻⵢⵢⴹⴻⵏ

ⵉⵎⴻⵏⴷⵉ ⵏⵙⴻⵏ ⴷ ⴱⵉⵏⵓ ⵏⵙⴻⵏ ⵏ ⵊⴷⵉⴷ.

9 ⴷⵉ ⵍⴻⵀⵏⴰ ⴰⴷ ⵣⵣⵍⴻⵖ ⵓ ⴰⴷ ⵟⵟⵚⴻⵖ,

ⵎⵉⵏⵣⵉ ⵎⵖⵉⵔ ⵛⴻⴽ, ⴰ ⵙⵉⴷⵉ,

ⴰⴷ ⴰⵢⵉ ⵜⴻⵙⵙⵣⴻⴷⵖⴻⴷ ⴷⵉ ⵍⴰⵎⴰⵏ. ◘4:9 ⵍⴰⵡⵉ 26:5; ⴰⵄⵡⴷ. 12:10; 33:28; ⵉⵥⵀⴷ. 3:6