12
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵅ ⵓⴼⵉⵍⵓ ⵡⵉⵙⵙ ⵜⵎⴻⵏⵢⴰ. ⴰⵣⴻⵀⵀⴻⴷ ⵏ ⴷⴰⵡⵓⴷ.
2 ⵙⴻⵏⵊⴻⵎ, ⴰ ⵙⵉⴷⵉ,
ⵎⵉⵏⵣⵉ ⴰⵎⴻⴷⴷⵓⴽⴽⴻⵍ ⴰⵎⵜⵉⵇⵇⵉ
ⵡⴰⵔ ⵉⵇⵇⵉⵎ ⵄⴰⴷ,
ⵎⴰⵖⴰⵔ ⵡⴰⵔ ⴷⵉⵏ ⵄⴰⴷ ⵉⵎⵜⵉⵇⵇⴰⵏ
ⵊⴰⵔ ⵜⴰⵔⵡⴰ ⵏ ⴱⵏⴰⴷⴻⵎ. ◘12:2 ⵉⵛⴰ. 57:1
3 ⵏⵉⵜⵏⵉ ⵙⵙⴰⵡⴰⵍⴻⵏ ⵊⴰⵔ ⴰⵙⴻⵏ ⵙ ⵉⵅⴰⵔⵔⵉⵇⴻⵏ,
ⵙ ⵉⵢⴻⵏⵛⵉⵛⴻⵏ ⵛⵛⵓⵔⴻⵏ
ⵙ ⵡⴰⵡⴰⵍⴻⵏ ⵉⵎⵉⵣⵉⴹⴻⵏ,
ⴰⵇⴰ ⵙⵙⴰⵡⴰⵍⴻⵏ ⵙ ⵜⵏⴰⵢⴻⵏ ⵏ ⵉⵖⴻⵎⴱⴰⴱ. ◼12:3 ⵙ ⵜⵏⴰⵢⴻⵏ ⵏ ⵉⵖⴻⵎⴱⴰⴱ-ⵙ ⵜⵉⵄⴱⵔⴰⵏⵉⵜ ‘ⵙ ⵡⵓⵍ ⴷ ⵡⵓⵍ’.
4 ⴻⵊⵊ ⵙⵉⴷⵉ ⴰⴷ ⵉⵇⴹⴻⵄ
ⵎⴰⵔⵔⴰ ⵉⵢⴻⵏⵛⵉⵛⴻⵏ ⵛⵛⵓⵔⴻⵏ
ⵙ ⵡⴰⵡⴰⵍⴻⵏ ⵉⵎⵉⵣⵉⴹⴻⵏ,
ⵓⵍⴰ ⴷ ⵉⵍⴻⵙ ⵙ ⵡⴰⵡⴰⵍⴻⵏ ⵏ ⵓⴽⴻⴱⴱⴰⵔ,
5 ⵉⵏⵏⵉ ⵉⵇⵇⴰⵔⴻⵏ:
“ⵙ ⵢⵉⵍⴻⵙ ⵏⵏⴻⵖ
ⴰⴷ ⵖⴰⵔⵏⴻⵖ ⵢⵉⵍⵉ ⵓⵇⴰⵔⵔⵓ ⵉⵎⵖⴰⵔ,
ⵉⵢⴻⵏⵛⵉⵛⴻⵏ ⴰⵇⴰ ⴰⵜⴻⵏ ⵏⵏⴻⵖ!
ⵎⴰⵏ ⵡⴻⵏ ⵉⴵⴰⵏ ⵅⴰⵏⴻⵖ ⴷ ⵙⵉⴷⵉ?”
6 “ⴷⵉ ⵙⵙⵉⴱⴱⴻⵜ ⵏ ⵡⴰⵔⴻⴷⴷⴻⴵ ⵏ ⵍⵎⵓⵙⴰⴽⵉⵏ,
ⵓⵍⴰ ⴷⵉ ⵙⵙⵉⴱⴱⴻⵜ ⵏ ⵉⵖⵓⵢⵢⴰⵏ ⵏ ⵉⵎⴻⵣⵍⴰⴹ
ⴰⴷ ⴽⴽⴰⵔⴻⵖ ⵍⴻⵅⵅⵓ ⵏⴻⵛⵛ”, ⵉⵏⵏⴰ ⵙⵉⴷⵉ,
“ⵡⴻⵏⵏⵉ ⵅ ⵜⵓⵖⴰ ⵉⴷⴷⵓⵇⴻⵣ ⵏⴻⵜⵜⴰ,
ⵏⴻⵛⵛ ⴰⴷ ⵜ ⴰⵡⵢⴻⵖ ⴷⵉ ⵍⴰⵎⴰⵏ.”
7 ⵜⵉⵡⴰⵍⵉⵏ ⵏ ⵙⵉⴷⵉ ⴰⵇⴰ ⴰⵜⴻⵏⵜ ⴷ ⵜⵉⵡⴰⵍⵉⵏ ⵚⴼⴰⵏⵜ,
ⵜⵜⵡⴰⵙⵙⵉⵣⴷⴳⴻⵏⵜ ⴰⵎ ⵏⵏⵓⵇⴰⵔⵜ
ⴷⴻⴳ ⵉⵊⵊ ⵏ ⵍⴽⴰⵙ ⵉ ⵓⴼⴻⵙⵢⵉ ⴷⴻⴳ ⵓⵛⴰⵍ,
ⵜⵜⵡⴰⵚⴻⴼⴼⴰⵏⵜ ⵙⴻⴱⵄⴰ ⵏ ⵜⵡⴰⵍⴰⵡⵉⵏ. ◼12:7 ⵙⴻⴱⵄⴰ ⵏ ⵜⵡⴰⵍⴰⵡⵉⵏ-ⵉⵅⵙ ⴰⴷ ⵢⵉⵏⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ, ⵡⴰⵔ ⵉⵥⴻⵎⵎⴰⵔ ⴱⵏⴰⴷⴻⵎ ⴰⴷ ⵜⴻⵏⵜ ⵉⵃⵙⴻⴱ. ◘12:7 2 ⵚⵎ. 22:31; ⵉⵥⵀⴷ. 18:31; 119:140; ⴰⵡⵍⵏ. 30:5
8 ⵛⴻⴽ, ⴰ ⵙⵉⴷⵉ, ⴰⴷ ⵜⴻⵏ ⵜⴻⵃⴹⵉⴷ,
ⴰⴷ ⴰⵏⴻⵖ ⵜⴻⵙⵙⴰⵔⴻⴷ ⵣⵉ ⵊⵊⵉⵍ-ⴰ,
ⵉ ⵍⴻⴱⴷⴰ ⵇⴰⵄ.
9 ⵉⵄⴻⴼⴼⴰⵏⴻⵏ ⴳⴳⵓⵔⴻⵏ ⵜⵜⴻⵏⵏⴹⴻⵏ ⵎⴰⵏⵉ ⵎⴰ
ⵅⵎⵉ ⵖⴰ ⵉⴽⴽⴰⵔ ⴷⴷⴻⴵ ⵊⴰⵔ ⵜⴰⵔⵡⴰ ⵏ ⴱⵏⴰⴷⴻⵎ.
◼12:3 12:3 ⵙ ⵜⵏⴰⵢⴻⵏ ⵏ ⵉⵖⴻⵎⴱⴰⴱ-ⵙ ⵜⵉⵄⴱⵔⴰⵏⵉⵜ ‘ⵙ ⵡⵓⵍ ⴷ ⵡⵓⵍ’.
◼12:7 12:7 ⵙⴻⴱⵄⴰ ⵏ ⵜⵡⴰⵍⴰⵡⵉⵏ-ⵉⵅⵙ ⴰⴷ ⵢⵉⵏⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ, ⵡⴰⵔ ⵉⵥⴻⵎⵎⴰⵔ ⴱⵏⴰⴷⴻⵎ ⴰⴷ ⵜⴻⵏⵜ ⵉⵃⵙⴻⴱ.
◘12:7 12:7 2 ⵚⵎ. 22:31; ⵉⵥⵀⴷ. 18:31; 119:140; ⴰⵡⵍⵏ. 30:5