29
1 ⴰⵣⴻⵀⵀⴻⴷ ⵏ ⴷⴰⵡⵓⴷ.
ⵡⵛⴻⵎ ⵉ ⵙⵉⴷⵉ, ⴰⵔⵔⴰⵡ ⵏ ⵉⵔⴻⴱⴱⵉⵜⴻⵏ,
ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⴷ ⵜⵣⴻⵎⵎⴰⵔ. ◘29:1 ⵉⵥⵀⴷ. 96:7, 8
2 ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⵏ ⵢⵉⵙⴻⵎ ⵏⵏⴻⵙ,
ⴱⴻⵏⴷⵇⴻⵎ ⵣⵣⴰⵜ ⵉ ⵙⵉⴷⵉ
ⴷⵉ ⵍⵄⴻⵣⵣ ⵏ ⵣⵣⴰⵡⴻⵛⵜ ⵉⵇⴻⴷⴷⵙⴻⵏ.
3 ⵜⵎⵉⵊⵊⴰ ⵏ ⵙⵉⴷⵉ ⵜⴻⴷⴷⴰⵔⴹⴻⵃ ⵜⵉⵡⴰ ⵉ ⵡⴰⵎⴰⵏ,
ⴰⵔⴻⴱⴱⵉ ⵏ ⵓⵄⵓⴵⵉ ⵉⵙⵙⵀⴻⵎⵀⴻⵎ,
ⵙⵉⴷⵉ, ⵅ ⵡⴰⵎⴰⵏ ⴰⵟⵟⴰⵙ. ◘29:3 ⵓⴼ. 9:23
4 ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵊⵊⴻⵀⴷ,
ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵍⵄⴻⵣⵣ.
5 ⵜⵎⵉⵊⵊⴰ ⵏ ⵙⵉⴷⵉ ⵜᵉⵜⵜⴰⵔⴻⵥⵥⴰ
ⵜⵉⵛⴻⵊⵊⵓⵔⴰ ⵏ ⵜⵏⴻⴳⵍⵉⵏ,
ⵙⵉⴷⵉ ⵉⵜⵜⴰⵔⴻⵥⵥⴰ ⵜⵉⵏⴻⴳⵍⵉⵏ ⵏ ⵍⵓⴱⵏⴰⵏ.
6 ⵢⴰⵔⵔⴰ ⵉ-ⵜⴻⵏ ⴰⴷ ⵏⴻⴳⵣⴻⵏ ⴰⵎ ⵓⵄⴻⵊⵎⵉ,
ⴰⴷⵔⴰⵔ ⵏ ⵍⵓⴱⵏⴰⵏ ⴷ ⵡⴻⴷⵔⴰⵔ ⵏ ⵙⵉⵔⵢⵓⵏ,
ⴰⵎ ⵓⵎⴻⵥⵢⴰⵏ ⵏ ⵉⵖⴰⵢⴹ ⵏ ⵍⴻⵅⵍⴰ
ⴰⴽ-ⴷ ⵡⴰⵛⵛⴰⵡⴻⵏ ⴷ ⵉⵣⵉⵔⴰⵔⴻⵏ. ◼29:6 ⴰⴼⵓⵏⴰⵙ ⵏ ⵍⴻⵅⵍⴰ-ⵏⵉⵖ ‘ⴰⵢⴻⵏⴷⵓⵥ ⵏ ⵍⴻⵅⵍⴰ’.
7 ⵜⵎⵉⵊⵊⴰ ⵏ ⵙⵉⴷⵉ ⵜⵏⴻⵇⵇⴻⵛ
ⵉⵛⴻⵄⵄⴰⵍⴻⵏ ⵏ ⵜⵎⴻⵙⵙⵉ.
8 ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵍⴻⵅⵍⴰ ⵉⵜⵜⴰⵔⵊⵉⵊⵉ,
ⵙⵉⴷⵉ ⵢⴰⵔⵔⴰ ⵍⴻⵅⵍⴰ ⵏ ⵇⴰⴷⴰⵛ ⵉⵜⵜⴰⵔⵊⵉⵊⵉ.
9 ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵜⵓⴷⴰⴷⵉⵏ ⵜⵜⴰⵔⵡⴻⵏⵜ,
ⵏⴻⵜⵜⴰ ⵉⵜⵜⵄⴰⵔⵔⴰ ⵉⵣⴻⵖⵔⴰⵏ,
ⵎⴰⵛⴰ ⴷⵉ ⵣⵣⴰⵡⴻⵛⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ
ⵎⴰⵔⵔⴰ ⵜⴻⵙⵙⴰⵡⴰⵍ ⵅ ⵓⵄⵓⴵⵉ ⵏⵏⴻⵙ.
10 ⵙⵉⴷⵉ ⵜⵓⵖⴰ ⵉⵜⵜⵖⵉⵎⴰ ⴰⵎ ⵍⵇⴰⴹⵉ
ⵖⴰⵔ ⵙⵙⴻⵃⵍⴻⵜ ⵏ ⵡⴰⵎⴰⵏ,
ⵙⵉⴷⵉ ⵉⵜⵜⵖⵉⵎⴰ ⴰⵎ ⵓⵊⴻⴵⵉⴷ ⵉ ⵍⴻⴱⴷⴰ. ◼29:10 ⵍⵇⴰⴹⵉ-ⵏⵉⵖ ‘ⴰⵎⴻⵥⵔⵓⴼ’.
11 ⵙⵉⴷⵉ ⴰⴷ ⵉⵡⵛ ⵊⵊⴻⵀⴷ ⵉ ⵍⴳⴻⵏⵙ ⵏⵏⴻⵙ,
ⵙⵉⴷⵉ ⴰⴷ ⵉⴱⴰⵔⴻⴽ ⵍⴳⴻⵏⵙ ⵏⵏⴻⵙ ⵙ ⵍⴻⵀⵏⴰ.
◘29:1 29:1 ⵉⵥⵀⴷ. 96:7, 8
◼29:6 29:6 ⴰⴼⵓⵏⴰⵙ ⵏ ⵍⴻⵅⵍⴰ-ⵏⵉⵖ ‘ⴰⵢⴻⵏⴷⵓⵥ ⵏ ⵍⴻⵅⵍⴰ’.
◼29:10 29:10 ⵍⵇⴰⴹⵉ-ⵏⵉⵖ ‘ⴰⵎⴻⵥⵔⵓⴼ’.