1 ⵉⵣⵍⵉ ⵏ ⵓⵇⴰⴷⵉ.

ⴻⵊⵊ ⴰⴷ ⵜᵉⴷⴷⵓⵇⵇⴻⵣ ⵎⴰⵔⵔⴰ ⵜⴰⵎⵎⵓⵔⵜ

ⵙ ⵓⵙⵍⵉⵡⵍⴻⵡ ⵉ ⵙⵉⴷⵉ.

2 ⵙⴻⵅⵅⴰⵔⴻⵎ ⵉ ⵙⵉⴷⵉ ⵙ ⵍⴻⴼⵔⴰⵃⴻⵜ,

ⴰⵙⴻⵎ-ⴷⴷ ⵣⵣⴰⵜ ⵉ ⵡⵓⴷⴻⵎ ⵏⵏⴻⵙ ⵙ ⵓⵙⵍⵉⵡⵍⴻⵡ.

3 ⵙⵏⴻⵎ, ⴰⵇⴰ ⵙⵉⴷⵉ ⴷ ⴰⵔⴻⴱⴱⵉ ⵉ ⵢⴻⴵⴰ.

ⵏⴻⵜⵜⴰ ⵉⵅⵍⴻⵇ ⴰⵏⴻⵖ-ⴷⴷ

ⵓ ⵏⴻⵛⵛⵉⵏ ⵏⵏⴻⵙ ⵉ ⵏⴻⴵⴰ,

ⵍⴳⴻⵏⵙ ⵏⵏⴻⵙ ⴷ ⵡⵓⴵⵉ ⵏ ⵜⴰⵔⴻⵡⵙⴰ ⵏⵏⴻⵙ. ◘100:3 ⵉⵥⵀⴷ. 95:7; ⵃⵉⵥ. 34:30, 31

4 ⴰⴷⴼⴻⵎ ⵜⵉⵡⵡⵓⵔⴰ ⵏⵏⴻⵙ ⵙ ⵓⵇⴰⴷⵉ,

ⵍⴻⵎⵔⴰⵃⴰⵜ ⵏⵏⴻⵙ ⵙ ⵉⵣⵍⴰⵏ ⵏ ⵓⵚⴻⴱⴱⴻⵃ,

ⵇⴰⴷⴰⵎ ⵜ, ⴱⴰⵔⴽⴻⵎ ⵉⵙⴻⵎ ⵏⵏⴻⵙ.

5 ⵎⴰⵖⴰⵔ ⵙⵉⴷⵉ ⴷ ⴰⵚⴻⴱⵃⴰⵏ,

ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ

ⵜᵉⵜⵜⵖⵉⵎⴰ ⵉ ⵍⴻⴱⴷⴰ,

ⵍⴰⵎⴰⵏ ⵏⵏⴻⵙ ⵣⵉ ⵊⵊⵉⵍ ⴰⵍ ⵊⵊⵉⵍ.