125
1 ⵉⵣⵍⵉ ⵏ ⵓⴳⴻⵄⵄⴻⴷ.
ⵉⵏⵏⵉ ⵉⵜⵜⴻⵛⵍⴻⵏ ⵅ ⵙⵉⴷⵉ,
ⴰⵇⴰ ⴰⵜⴻⵏ ⴰⵎ ⵡⴻⴷⵔⴰⵔ ⵏ ⵚⵉⵀⵢⵓⵏ,
ⵡⴻⵏⵏⵉ ⵡⴰⵔ ⵉⵜⵜⴻⵏⵀⴻⵣⵣⵉⵏ,
ⵎⴰⵛⴰ ⵉⵜⵜⵖⵉⵎⴰ ⵉ ⵍⴻⴱⴷⴰ. ◘125:1 ⵉⵥⵀⴷ. 9:5, 8, 12; ⵉⵥⵀⴷ.123:1
2 ⴰⵎ ⵎⴰⵎⵎⴻⵛ ⵉⴷⵓⵔⴰⵔ
ⵇⵓⵡⵡⴰⵔⴻⵏ ⵉ ⵓⵔⵛⴰⵍⵉⵎ,
ⴰⵎⵎⵓ ⵉⵇⵓⵡⵡⴰⵔ ⵙⵉⴷⵉ ⵉ ⵍⴳⴻⵏⵙ ⵏⵏⴻⵙ,
ⵣⵉ ⵍⴻⵅⵅⵓ ⴰⵍ ⵍⴻⴱⴷⴰ.
3 ⵎⴰⵖⴰⵔ ⴰⵣⴻⴵⴰⴹ ⵏ ⵍⵖⴰⵔ
ⵡⴰⵔ ⵉⵜⵜⵖⵉⵎⵉ ⵉⵜⵜⴰⵔⴻⵢⵢⴻⵃ
ⵅ ⵜⴻⵎⵎⵓⵔⵜ ⵏ ⵉⵎⵙⴻⴳⴳⴰⴷⴻⵏ,
ⵃⵉⵎⴰ ⵉⵎⵙⴻⴳⴳⴰⴷⴻⵏ
ⵡⴰⵔ ⵙⵙⵡⵉⵥⵥⵉⴹⴻⵏ ⵉⴼⴰⵙⵙⴻⵏ ⵏⵙⴻⵏ ⵖⴰⵔ ⵍⵖⴰⵔ.
4 ⵉⵍⵉ ⴰⴷ ⵢⴻⴳⴳ ⵙⵉⴷⵉ ⵜⴰⵛⵓⵏⵉ
ⴷⴻⴳ ⵉⵚⴻⴱⵃⴰⵏⴻⵏ,
ⴷⴻⴳ ⵉⵏⵏⵉ ⵉⵙⴻⴳⴳⴷⴻⵏ ⵙ ⵡⵓⵍ, ◼125:4 ⵙ ⵡⵓⵍ-ⵙ ⵜⵄⵉⴱⵔⴰⵏⵉⵜ ‘ⵙ ⵡⵓⵍⴰⵡⴻⵏ’.
5 ⵎⴰⵛⴰ ⵉⵏⵏⵉ ⵉ ⵖⴰ ⵉⵃⴻⵢⵢⴷⴻⵏ ⵣⴻⴳ ⵡⴻⴱⵔⵉⴷ
ⵖⴰⵔ ⵉⴱⵔⵉⴷⴻⵏ ⵉⴼⴰⵔⵖⴻⵏ,
ⴰⴷ ⵜⴻⵏ ⵉⵙⵙⵉⴳⴳⵯⴻⵊ ⵙⵉⴷⵉ ⵊⵎⵉⵄ
ⴰⴽ-ⴷ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵖⴻⵛⵛ.
ⴰⴷ ⴷⵉⵏ ⵢⵉⵍⵉ ⵍⴻⵀⵏⴰ ⵅ ⵉⵙⵔⴰⵉⵍ.