2 Jandi-jih giyi muddah dordorh miny noenda dingk gappul barra many noenda durrun-kah. Noenda Jisas durra yuweny. Dingk gurlburr barra many, Mari Megdilin majih Selomi majih Mari da ngalanawoe Jeims. 3-4 Barra many barra yininy gappul, “Ma biyanah gayi dederah ngarlward karlina guwah ngarra warlkah noenda durrunah? Kayih karlina yarroe.” Barrbbuh barr naning noenda durrunah wila durhminy.

5 Noenda dingk-gappul barr walkminy yarrakun durrna-kah, bundaja barra naniny wirrinymal niyininy bayukka bardah barhyi kiyang-kiyang nuhl danginy. Noenda dingk-gappul barra kuwanwi-miny. 6 “Mulak narra kuwanwiman.” Barran-bak yininy. “Narra rij Jisas durra nawoekan noenda bih Nesareth-wala birrih buwa borlah-kah. Wangarr barr ngeh kabba ka warna durra. Mulak bakahn ka nura. Da nan bakkahn barr durra borddoh-miny, mulak bakkahn ka durra duru mahkurn.”