1 Кана амэ кутардымусамэн, амэ галилям, кай о острав бучёл Мальта. 2 Аканутнэ мануша муклэ амэн пхутэрдэ илэса, со амэ на ишандиясас. Он тхардэ яг тай динэ икос амэн пумэндэ, вай сас шыл тай джялас брышым. 3 Кана о Павел кидиняс ангали кашта тай мангляс тэ чел лэн андэ яг, лэско вас астардяс сап, сави кутардиеласпэс катар яг тай балакады андар кашта. 4 Кана о аканутнэ дикхлэ, кай опрал Павлэско вас салындиел сап, он лилэ тэ пхэнэн екхаврэски:

— Чячес адава мануш мударимари: ов кутардыпэс катар моря, ай э дэвлинка э цындоски на мукел лэс тэ ачёл дживиндо.

5 Ай о Павел какты э сапэс андэ яг, тай ой на кердяс лэски джюнгалипэ. 6 О мануша ишандиенас, кай ов кан лэл тэ шувлёл я бирдэн кан пэрэл муло. Он ишандылар бут вахыти, тай кана дикхлэ, кай лэса ништо на уло, паровдэ по тюшундипэ тай лилэ тэ пхэнэн, кай ов саво-то дэл.

7 Надур сас мангин, саво сас э барэ манушэско опэр острав, савэско нав Публий. Ов лошаса мукляс амэн пэстэ, тай трин дес амэ самас лэстэ. 8 О дад э Публияско сас насвало пашло опэр тхан. Ов сас тхаро, тай лэстэ сас дизентерия. О Павел ало лэстэ, мангляс э Дэвлэс, тхэдяс опэр лэстэ пэ васта тай аиндэрды лэс. 9 Кана адава уло, авэра о насвалэ э остравески лилэ тэ авэн тай тэ аиндиен. 10 Он кердэ амэнги бари пачя, тай кана амэ камэлас тэ джяс карабляса, он динэ амэн дромэски алаи, со камэлас.

11 Накхло трин чён, тай амэ никлистям опэр моря опэр караблястэ андар Александрия, саво вэнкярдяс опэр острав. Адава карабляс пхиравэлас нав «Дуй пхрала»*Опэр гречески чиб, адава нав «Диоскуря». Адава зборима си катар чявэ ки «Зевсески» — о Кастор тай Поллукс. Гиндёлас, кай он кутардиен э матросен опэр моря.. 12 Амэ алям андэ Сиракузи тай самас отхэ трин дес. 13 Отхар амэ гелям тай алям андэ Ригий. Авэр дес пхудиняс балвал катар юги, тай екхе десестар амэ алям андэ Путеоли. 14 Отхэ амэ аракхлям пхралэн, тай он манглэ амэн тэ овас лэнца базари.

Тай аки амэ алям андэ Рим. 15 О пхрала андэ Рим шунлэ одолэстар, кай амэ камэл тэ авас, тай никлистэ мамуй джи ко Аппиеско Майдани тай джи ки дизори Трин Гастиницэс. Кана о Павел дикхляс лэн, ов махтады э Дэвлэс тай диндило такати. 16 Амэ алям андэ Рим, тай э Павлэс муклэ тэ бэшэл башка. Лэса бэшэлас екх салдати, саво дикхелас пал лэстэ.

17 Тринэ десендар о Павел диняс икос э намлыдэн иудеен. Кана он кидинэпэс, ов пхэнляс лэнги:

— Пхралалэн, мэ сомас пханло андэ Иерусалими тай диндо ко римляня, ай мэ на кердём ништо мамуй амарэ дюнястэ, нэ мамуй ко дилэс амарэ дадэнги. 18 О римляня кердэ манги цындос тай манглэ тэ мукен ман, вай пал мандэ нанай нисави дош, андар савятэ камэл тэ мэрав. 19 Ай о иудея на мангенас адава, тай мэ камэлас тэ мангав цындос ко император. Ай мэ кердём адава на тэ керав дошалэс мэ дюняс. 20 Мэ оничин авдес динём икос тумэн, тэ дикхав тумэн тай тэ зборизав тумэнца. Вай андар ишандима ки Израилеско опэр мандэ адала джянджира.

21 О иудея пхэнлэ э Павлэски:

— Амэ на диндилям нисавэ письмадэс тутар андар Иудея, тай никхон андар пхрала, кай алэ отхар, на пхэнлэ амэнги тутар ништо джюнгало. 22 Ай амэ манглям тутар тэ шунас, сар ту тюшундиес. Вай амэ шунас екх налачё адалэ сикляримастар.

23 Он зборисаилэ э Павлэса, тай андэ пхэнло дес лэстэ кхерэ ало бут дюняс. О Павел катар сабаги тай джи ки бэлвэль пхэнэлас лэнги катар Дэвлэско Патишайлыки тай пхукавэлас лэнги катар Исус зборэнца андар Тхэдипэ ки Маисееско тай андар Прарокя. 24 Сарсавэ пакянилэ лэски, ай сарсавэ на. 25 Лэндэ уло чингар машкарэ пэстэ, тай кана он лилэ тэ джян, о Павел пхэнляс акасавке зборэс:

— Шужо Духос чячи пхэнляс тумарэ дадэнги андар прароки Исаия:

28-29 Акана джянэн, кай о кутардипэ э Дэвлэско бичялдо наиудеенги: он ли кан шунэн адава габэри!†Андэ сарсавэ гречески лилэндэ аякха жэ си адала зборэс: «Пал адалэ зборэндэ о иудея гелэ, лачес ирищиенас екхаврэса».

30 О Павел бэшэлас андэ Рим андэ астардо кхер генэ састэ дуй брэш тай мукелас пэстэ алаен, кон авэлас лэстэ. 31 Ов битрашако пхукавэлас о Патишайлыки э Дэвлэско тай сиклярэлас катар Сагбус Исус Христос пхутэрдэс, тай никхон лэс на тэрдярэлас.