1 Kad aljum kora tumende, phraljalen, na aljum bare lafencar ili bare džandipnaja te vaćerav tumenđe o svedočanstvo e Devlestar. 2 Adalese so odlučinđum maškara tumende te na vaćerav ništa aver sem e Isuse Hristestar, kova inele čhivdo ko krsto. 3 Kad aljum kora tumende, injumle bizoralo hem sa tresinđum oti dar. 4 Mlo vaćeriba hem propovediba na inele ano ubedljiva lafija oti manušikani mudrost, nego ano mothojba o zoralipe e Duhosoro, 5 sar te na temeljini pe tumari vera ki manušikani mudrost, nego ko e Devlesoro zoralipe.

6 Ali i mudrost vaćeraja maškaro zrela vernici. A adaja mudrost nane akale svetosiri niti e vladarengiri akale svetosere, kola properena. 7 Nego, vaćeraja e Devlesiri tajno mudrost, savi inele garavdi hem sava o Devel angleder o ćeriba e svetosoro predodredinđa zaki amari slava. 8 Ola nijekh vladari akale svetosoro na pendžarđa. Adalese so, te pendžaren la ine, naka čhiven ine ko krsto e slavnone Gospode. 9 Nego, sar soi pisime ano Sveto lil:

10 A amenđe o Devel adava mothovđa palo Duho, adalese so o Duho sa istražujini hem džanel, čak hem o najbare tajne e Devlesere. 11 Adalese so, ko e manušendar džanel soi ano manuš, sem e manušesoro duho, kovai ano leste? Isto ađahar niko, sem e Devlesoro Duho, na džanel soi ano Devel. 12 A amen na priminđam e duho akale svetosere, nego e Duho kovai oto Devel, te džana sa so o Devel dinđa amen sar daro. 13 Amen vaćeraja akalestar, ali na sikavde lafencar oti manušikani mudrost, nego ađahar sar so o Duho sikavđa amen, objasnindoj o duhovna čačipa duhovnone lafencar. 14 Ali o telesno manuš na prihvatini okova so avela e Devlesere Duhostar. Olesei adava dilinipe, i našti te haljol, adalese so adalestar valjani te prosudini ko duhovno način. 15 A o duhovno manuš šaj te prosudini sa, ali ole niko našti te prosudini. 16 Adalese so: