1 A pale duhovne darurja, phralen, či kamlemas te ačhen ando bidžanglipe. 2 Džanen kaj dok či pindžarenas e Devles, kaj senas varesar hohade thaj crdine ke neme idolurja. 3 Zato phenav tumenđe te džanen kaj khonik ko si vodime e Devlešće Duhosa, našti phenel: “Prokleto si o Isus”, sago kaj khonik našti phenel: “O Isus si Gospod”, ako naj vodime e Sveto Duhosa.

4 E darurja si različite, ali si o Duho isto. 5 Si vi različito službe, ali si o Gospod isto, 6 si vi različite načinurja prekal save o Del delujil ando manuša, ali isto si o Del savo ćerel sa ande savorende.

7 A ko dobil e objava e Sveto Duhošći, dobisarda lat palo lačhipe svakonešće. 8 Kaj, jećhešće o Duho del daro te ćerel svato ande mudrost, a avrešće godova isto Duho del daro te ćerel svato ando džanglipe, 9 jećhešće, o isto Duho, del paćipe, a avrešće godova isto Duho, del daro te sastol, 10 jećhešće o Duho del sila te ćerel čudurja, a avrešće te prorokuil, jećhešće te razlikuil e duhonen, a avrešće te ćerel svato ande aver čhibja, a avrešće te tumačil e čhibja. 11 Sa godova ćerel godova isto Duho, savo del svakone dženešće sar kamel.

12 Sago kaj si o telo jek, a si les but udurja, thaj sa e udurja e telošće vi ako si but, ćeren jek telo, gajda si vi e Hristosa. 13 Kaj, savora sam jećhe Duhosa ande jek telo bolde, bilo te sam Židovurja ili okola save naj, roburja ili okola savi si slobodne. Savora sam napoime jećhe Duhosa.

14 Kaj ni e manušesko telo naj sastavime katar jek deo, nego si les but dela. 15 Ako o pungro phenel: “Či pripadiv e telošće zato kaj naj sem o vas”, zar zbog godova či pripadil e telošće? 16 Thaj ako o kan phenel: “Či pripadiv e telošće kaj naj sem e jak”, zar zbog godova či pripadil e telošće? 17 Kana o sasto telo avilosas jak, kaj avilosas o sluho? Kana o sasto telo avilosas sluho, kaj avilosas o njuh? 18 Ali, o Del svako deo e telosko čhuta baš gajda sago kaj kamlas. 19 Kana sa o telo avilosas jek udo, kaj avilosas o telo? 20 Gajda, si but udurja e telošće, ali si samo jek telo.

21 Našti e jak te phenel e vastešće: “Či trubus man”, ni o šoro e pungrenđe: “Či trubun man.” 22 Naprotiv, okola udurja e telošće saven smatris kaj si slabe – si potrebne. 23 Pale okola udurja e telošće saven smatris kaj si nečasne – das majbari čast thaj e nepristojne e telošće udonenca postupisaras majpristojno. 24 dok okola udurja e telošće save sikadon či trubun kasavi briga. Ali, o Del sastavisardas o telo gajda kaj dijas majbari čast okole udonenđe saven naj čast, 25 te na avel podela ando telo, nego te e udurja e telošće vodin jednako briga jek pale avreste. 26 Ako jek udo e telosko patil, sa e udurja e telošće patin zajedno lesa thaj ako jek udo e telosko si počastime, lesa raduin pe sa e udurja e telošće.

27 A tumen sen e Hristosko telo thaj posebno svako tumendar si udo e telosko. 28 O Del ande Khanđiri prvo postavisardas e apostolen, dujte e prorokonen, trite e učiteljen, pa okolen save ćeren čudesne dela, pa okolen saven si daro te sastaren, te pomognin, te upravljin thaj te ćeren svato ande aver čhibja. 29 Dali si savora apostolurja? Dali si savora prorokurja? Dali si savora učitelja? Dali si savora okola save ćeren čudurja? 30 Dali si savoren daro te sastaren? Dali savora ćeren svato ande aver čhibja? Dali savora tumačin?

31 Čeznin pale majbare darurja, a me sikavava tumenđe još majlačho drom.