1 A o dobrovoljno prilog savo ćidel pe pale Devlešće manuša, sledin e upute save dijem e khanđirjenđe ande Galatija. 2 Svako kurko neka svako tumendar odvoil pe rig vareso katar e love save zaradisarda, gajda naj moraš te ćidena kana me avava. 3 A kana avava, bičhalava e lilenca e preporuke e manušenđe saven tumen izabirina te anen tumaro daro ando Jerusalim. 4 Ako dikhav kaj si potrebno te vi me avav, von avena manca.

5 A tumende avava kana nakhava kroz e Makedonija. Kaj kroz e Makedonija samo nakhav, 6 a tumende možda zadrživa man ili možda čak vi ivendiva, te tumen pomožin manđe palo drom kaj god teljarav. 7 Či kamlemas vi akava drom te dikhav tumen samo dok nakhav okotar, nadiv man kaj ačhava varesavi vrjama tumende, ako del o Gospod. 8 Ando Efes ačhava dži ko prazniko Pandžvardešto đes – Pedesetnica, 9 kaj putajli manđe bari prilika pale lačhi bući, a but si okola save protivin pe.

10 Ako o Timotej avel, vodin e briga te avel bi darako dok si maškar tumende kaj vo ćerel e Gospodešći bući sago vi me. 11 Zato neka khonikal či potcenil les. Pomognin lešće te džal po drom ando miro thaj aresel dži mande, kaj me ažućarav les te avel zajedno e phralenca.

12 A palo phral Apolos, but nagovorisardem les te avel tumende e phralenca, ali vo nisar či kamlas te avel akana. Ali, avela aver drom kana avela lačhi prilika.

13 Džungade len sam, čvrsto ačhen ando paćipe, inćaren tumen muški, aven zurale! 14 Sa so ćeren neka avel ande ljubav.

15 Tumen džanen pale Stefanesći familija, kaj si von prve save obratisajle ande Ahaja thaj kaj posvetisajle te služin e Devlešće manušenđe. Zato moliv tumen, phralalen, 16 te vi tumen aven pokorne kasavenđe thaj savorenđe save trudin pe thaj služin lenca. 17 Raduiv man kaj avile o Stefan, o Fortunat thaj o Ahajko kaj von nadoknadisardine manđe godova kaj tumen naj sen akate. 18 Von smirisardine mungro duho baš sago vi tumaro. Zato cenin e manušen save si sago von.

19 Pozdravin tumen e khanđirja andar e Cikni Azija. But pozdravin tumen ando Gospod o Akila thaj e Priska zajedno e khanđirjasa savi ćidel pe ande lengo ćher. 20 Pozdravin tumen sa e phrala. Pozdravin jek avre ande ljubav.

21 Me, o Pavle, ramov tumenđe akala pozdrave mungre vastesa.

22 Ako vareko či volil e Gospode, neka avel prokleto. Marana ta! (Av Gospode amareja!)

23 E Milost Gospodešći e Isusešći nek avel tumenca.

24 Mungri ljubav tumenca savorenca ando Hristo Isus. Amin.