1 O Hrist oslobodisarda men te trajisaras ande sloboda. Zato čvrsto ačhen thaj na čhon tumen palem talo ropsko jarmo.

2 Ake, me, o Pavle, phenav tumenđe: ako obrežin tumen, o Hristo či avela tumenđe katar nisošći korist. 3 Thaj palem upozoriv svako manuše savo obrežilpe, dužno si te inćarel sa o Zakon. 4 Odvojisardine tumen katar o Hristo, tumen save kamen anglo Del te opravdin tumen e Zakoneja thaj hasardine gajda e Devlešći milost. 5 Ali amen kroz o Duho ažućaras te primis sa so si obećime amenđe, o opravdanje anglo Del prekal o paćipe. 6 Kaj, ando Hristo Isus či mol ni o obrezanje ni o neobrezanje, nego o paćipe savo sikadol kroz e ljubav.

7 Lačhi trka prastajine. Ko sprečisarda tumen te na majbut pokorin tumen e čačimašće? 8 Kasavo uverenje naj katar Okova savo akharda tumen. 9 Sago kaj phenel pe: “Katar cara kvasco sa o humer šukljol.” 10 Me sem uverime pale tumende ando Gospod kaj či gndina averčhande. A okova savo zbunil tumen, avela kaznime, ma ko te vo avel. 11 Ako me, phralalen, vi majdur propovediv kaj o manuš trubul te avel obrezime, sostar sem vi majdur progonime? Te me godova vi čače propovediv, askal mungre sikavipešće palo trušul khonik či protivisajlosas. 12 Volisardemas te godola save tumen uznemirin, korkoro pes osakatin tele.

13 Tumen sen akharde pe sloboda, phralalen. Samo, na te tumari sloboda avel izgovor te udovoljin tumare bezahale željenđe save aven katar tumaro telo. Umesto godova, ande ljubav služin jek avrešće. 14 Kaj, o sasto Zakono si sadržime ande jek izreka: “Voli ćire pašutne sago korkoro tut.” 15 Ali, te maškar tumende jek avres dindalen thaj han, dićhen te na uništin jek avres.

16 Kamav te phenav: trajin ando Sveto Duho, pa či udovoljina tumare telošće e požudne željenca. 17 Kaj o telo džal protiv o Duho, a o Duho protiv o telo. Kaj, godola duj jek avrešće protivin pe thaj či ćeren okova so kamen. 18 Ali te o Duho vodil tumen, naj sen talo Zakon.

19 A e dela e bezahale telošće si pindžarde. Godova si o bludo, nečistota, rumome trajo, 20 idolopoklonstvo, drabaripe, neprijateljstvo, čingara, ljubomora, srdžba, spletke, razdor, podele, 21 zavist, matipe, bilačhe veselja, thaj akalešće slično. Upozoriv tumen, sago kaj već vi upozorivas tumen, okola save gajda vareso ćeren či nasledina e Devlesko carstvo.

22 A o plodo e Duhosko si e ljubav, bah, miro, strpljivost, ljubaznost, lačhipe, vernost, 23 krotkost thaj uzdržljivost. Protiv akava naj zakon. 24 Okola save pripadin e Hristo Isusešće razapnisardine piri bezehali telesno narav zajedno e bilačhe željenca thaj e požudenca. 25 Ako trajisaras ando Duho, askal o Duho neka vodil men! 26 Na aven barikane, na izazivin jek avres thaj na aven zavidne jek avrešće.