2
Sloga thaj e briga pale pašutne
1 Ako, dakle, si tumen varesavo ohrabrenje ando Hristo, ako si tumen uteha ande lešći ljubav, ako si tumen zajedništvo ando Duho, ako si tumen nežnost thaj suosećanje, 2 askal ćeren te mungri bah avel pherdi – aven složne, volin jek avren, aven jek ando duho thaj nek avel tumen isto ciljo. 3 Na ćeren khanči ande sebično volja niti ando barikanipe, nego ande poniznost smatrin jek avres majbare pestar. 4 Neka khonik či dićhel samo piri korist, nego vi e korist averenđi.
5 Gndin thaj trajin isto gajda sago kaj gindilas thaj trajilas o Hristo Isus.
6 O Hristo vi ako sas ande Devlesko obličje,
či rodelas piro pravo te avel jek e Devlesa,
7 nego ponizisardas korkoro pes, lijas o obličje e robosko,
thaj bijandilo ando manušesko obličje.
Kana pojavisajlo sago manuš,
8 ponizisarda korkoro pes thaj postanisardas poslušno dži ko smrto
thaj godova dži ko smrto po trušul.
9 Zato o Del vazdas les pe majvučo than
thaj dija les alav savo si iznad svako aver alav,
10 te pe Isusesko alav banđol svako koč
po nebo, pe phuv thaj tale phuv,
11 thaj te svako čhib priznail kaj si o Isus Hristo Gospod,
pe slava e Devlešći Dadešći.
Okola save paćan si sago svetlo e themesko
12 Zato drage mungralen, sago kaj uvek čhonas kan mande – na samo kana me semas tumenca nego još vi majbut akana kana naj sem okote – ande dar thaj ando izdrape napreduin ande tumaro spasenje. 13 Kaj o Del si godova savo ćerel ande tumende te kamen thaj ćeren okova so si lešće ugodno.
14 So god te ćeren, na te mrmljin thaj na han tumen, 15 te aven besprekorne thaj čiste, e Devlešće čhavra bi manako maškar e bilačhi thaj rumome generacije, maškar save svetlin sago e čereja ando svemir. 16 Čvrsto inćaren o Alav e trajosko, gajda te avav ponosno pe tumende ando Đes kana o Hristo boldela pe thaj te šaj dikhav kaj či ivja prastajem e trka niti uzalud trudisajlem. 17 Pa čak vi ako mungro trajo trubul te čhordol sago žrtva pale tumaro paćipe, bahtalo sem thaj raduima tumenca. 18 Gajda vi tumen aven bahtale thaj raduin tumen manca.
O Pavle bičhalel e Timoteje thaj e Epafrodite
19 A nadiv man ando Gospod Isus kaj uskoro bičhalava tumende e Timoteje, te vi me ohrabriv man kana ašunav sar sen tumen. 20 Kaj naj man khonik ko si manđe gajda paše sago vo, ko gajda lačhe vodil e briga pale tumende. 21 Kaj, savora roden piro, a na okova so si e Isuse Hristosko. 22 A tumen džanen kaj o Timotej dokažisajlo, gajda kaj služilas manca sago o čhavo e Dadesa te buljol e Bahtali nevimata. 23 Zato nadiv man kaj bičhalava les tumenđe čim dikhav so avela manca. 24 A paćav kaj o Gospod pomožila manđe, te vi korkoro uskoro avava.
25 Ipak, smatriv kaj si potrebno te bičhalav tumenđe palpale e Epafrodite – mungre phrale, saradniko, thaj saborco, saves bičhaldine manđe te pomognil manđe ande mungre potrebe – 26 kaj, saste ileja kamel sa te dićhel tumen, thaj uznemirisajlo kaj ašundine kaj sas nasvalo. 27 A čače sas gajda nasvalo skoro po smrto. Ali o Del smiluisajlo lešće – thaj na samo lešće nego vi manđe, te či aresel man još majbari žalost. 28 Zato kamav so majsigo te bičhalav les te šaj palem raduin tumen kana dićhen les, a te me majbut či vodiv e briga pale tumende. 29 Primin les, askal ando Gospod e bare bahtasa, thaj poštuin kasaven sago kaj si vo. 30 Kaj, vo skoro mulo ande bući palo Hristo. Čhuta piro trajo ando opasnost te pomognil manđe ande okova so tumen našti, kaj naj senas manca.