150
Preisim YAWEI det trubala God
Preisim YAWEI det trubala God!
 
Preisim God langa im Serramoni Pleis!
Preisim im blanga im pawa langa hebin!
Preisim im blanga ola haibalawan ting weya imbin dum.
Preisim im dumaji im jidan haibala bos.
Preisim im garram ola longwan wisul.
Preisim im garram olkain gita.
Preisim im garram ola dram en dens blanga im.
Preisim im garram ola klepstik en ola bambu.
Preisim im garram ola simbul.
Hitimbat adbala ola simbul blanga preisim im.
Ebrijing weya jidan laibala, preisim im.
 
Preisim YAWEI det trubala God!
Binij na.