3
Zabbu̱li̱ gya Dau̱di̱ b̯uyaali naakwi̱ru̱ka Abbu̱solomu̱, mu̱tabani̱ waamwe.
1 Banyanzigwa bange, ai̱ Mukama, kabakanyi̱ri̱?
Bantu bakumparana kabanene!
2 Banene bakumbazaho nibakoba yati,
“Ruhanga takwi̱za kumujuna.”
3 Bei̱tu̱, ai̱ Mukama, weewe ngab̯u gyange gindinda,
weewe ki̱ti̱i̱ni̱sa kyange, ompa ku̱byokya mu̱twe gwange.
4 Nnyaku̱ngi̱ri̱ Mukama,
yanzi̱ramwo yeeraga kuruga ha lusahu lwamwe lurungi.
5 Nndaala ninyeebbaka,
ni̱nzi̱ra ni̱nsi̱si̱mu̱ka hab̯wakubba ondi̱ndi̱ri̱, Mukama.
6 Nku̱mi̱ na nku̱mi̱ za bantu b̯uzingota,
ti̱ndi̱zi̱ti̱i̱na.
7 Ai̱ Mukama, byoka!
Njuna, Ruhanga wange!
Kuuta ndahi matama ga banyanzigwa bange bensei̱,
ocwacwana meino ga babiibi.
8 Mukama, weewe ojuna,
nooha bantu baamu mu̱gi̱sa.