43
1 Ai̱ Ruhanga, ntoolaho musangu kandi ontonganiire hali bantu babiibi,
onjune hali yogwo mudulu mu̱gobya kandi atagira b̯winganiza.
2 Kubba weewe Ruhanga ginyeesiga
hab̯waki ondekereeri̱?
Hab̯waki ncala nimbonawona,
hab̯wa ku̱wonawonesya kwa banyanzigwa bange?
3 Ntumira kyererezi̱ na mananu gaamu bimulukire
binyebembere bindeete ha lusahu lwamu lu̱syanu̱ hali oicala.
4 B̯u̱b̯wo mwomwo ndigyenda ha kyoto kyeihongo lya Ruhanga,
hali we Ruhanga ampa kusemererwa kunene,
aleke nkuhaariize na ndi̱ngi̱di̱,
ai̱ Ruhanga, we Ruhanga wange.
5 Ai̱ mwozo gwange, hab̯waki otu̱ntwi̱ri̱,
kandi hab̯waki otateekeeni̱?
Weesiganga Ruhanga, hab̯wakubba ndimuhaariiza gwakandi,
Mu̱ju̱ni̱ wange kandi Ruhanga wange!