53
Hali mu̱handu̱ wa bahi̱i̱mi̱. Mwiraka lya Mahalasa. Masikili*53:0 Masikili kisobora ku̱manyi̱sya kyembu rundi kigambu kikora mu kwebembera kusaba. gya Dau̱di̱.
1 Mudoma ateekereza naakoba yati, “Ruhanga eicala waahi.”
Bantu ba yatyo babba bagwagwa, bakora bikorwa bibiibi,
tihalohoona noomwei̱ akora birungi.
2 Ruhanga wa mwiguru waalingiira bantu ba mu nsi,
kuwona b̯uhakabbahoona akwetegereza, b̯uhakabbahoona aramya Ruhanga.
3 Bensei̱ bahabi̱ri̱, baabba bensei̱ hamwei̱ bagwagwa,
tihalohoona noomwei̱ akora kirungi,
waahi kadi noomwei̱.
4 Zi̱zo nkori̱ za bibii tizigira kwetegereza,
bamalaho bantu bange nka bakudya bidyo,
tibafaaho kusaba Ruhanga.
5 Bakukankana na b̯u̱ti̱i̱ni̱,
hatalohoona kyaku̱ti̱i̱na,
kubba Ruhanga acwacwana maku̱ha ga yogwo aku̱ru̱mba,
obaswazi̱ri̱, kubba Ruhanga abanu̱gi̱ri̱.
6 Ee, nyaakwendeerye kujunwa kwʼI̱saleeri̱ kuruge mu Sayu̱u̱ni̱!
Ruhanga aha bantu baamwe mu̱gi̱sa,
leka Yakobbo asemererwe, leka I̱saleeri̱ gijaguze.