67
Hali mu̱handu̱ wa bahi̱i̱mi̱. Na kikwatu kya mahu̱u̱zi̱. Zabbu̱li̱ kili kyembu.
1 Leka Ruhanga atugiire mbabazi̱, atuhe mu̱gi̱sa gwamu,
kandi mei̱so gaamwe gatumulukire,
2 aleke muhanda gwamu bagwege mu nsi,
mahanga gensei̱ gatunge maani ga kujuna kwamu.
3 Ai̱ Ruhanga, leka bantu bakuhaariize,
leka bantu bensei̱ bakuhaariize!
4 Leka mahanga gasemererwe kandi gahi̱i̱me hab̯wa kwegonza,
kubba weewe ocwa musangu na b̯winganiza,
kandi mahanga gensei̱ ga mu nsi weewe ogalema.
5 Ai̱ Ruhanga, leka bantu bakuhaariize,
leka bantu bensei̱ bakuhaariize!
6 Nsi gyereerye binene,
Ruhanga, Ruhanga weetu̱ atu̱heeri̱ mu̱gi̱sa.
7 Ruhanga atu̱heeri̱ mu̱gi̱sa,
leka bantu bensei̱ ba mu nsi bamuhe ki̱ti̱i̱ni̱sa.