87
Zabbu̱li̱ gya baana ba Koora.
1 Yaabi̱mbi̱ri̱ rub̯uga lwamwe ha lusahu lu̱syanu̱,
2 Mukama yendya irembu lya Sayu̱u̱ni̱,
kukira mbuga zindi zensei̱ za mwʼI̱saleeri̱.
3 Ai̱ rub̯uga lwa Ruhanga,
bintu bya ki̱ti̱i̱ni̱sa bikukubazwaho.
4 “Mu mahanga ganzegi̱ri̱ hooho hali,
Mi̱si̱ri̱, Bbabbu̱looni̱, Fi̱ri̱si̱ti̱, Ti̱i̱ro nʼI̱syopi̱ya,
bantu bensei̱ ba mu mahanga gagwo nkwi̱za kubabala nka banyansi ba mu Yeru̱salemu̱.”
5 Hali Sayu̱u̱ni̱ bantu balikoba nti,
“Yogo na yodi̱ hooho baabyali̱i̱rwe,”
hab̯wakubba yogwo yankei eicala Waahakyendi̱ Hoi̱ yooyo ali̱lu̱tati̱i̱rya.
6 Mukama alihandiika mabara ga bantu baamwe bensei̱,
ni̱yolokya nka kubali banyansi ba mu Yeru̱salemu̱.
7 Bahi̱i̱mi̱ na babi̱nyi̱ bensei̱ babaza ki̱mwei̱ nibakoba yati,
“Mu Sayu̱u̱ni̱ hooho hali ndugiiro gya mi̱gi̱sa myetu̱ myensei̱.”