95
1 Mwi̱ze tu̱hi̱i̱mi̱re Mukama,
tu̱ku̱ngye na kusemererwa lubbaali lwa kujunwa kwetu̱.
2 Tugyende mu mei̱so gaamwe naaku̱si̱i̱ma
tu̱hi̱i̱me tusemererwa na byembu bya kuhaariiza!
3 Kubba Mukama yooyo Ruhanga wamaani,
ali mukama wa maani kukiraho baruhanga bensei̱.
4 Ndi̱ha za nsi zensei̱ zili mu mikono myamwe,
nsahu zilei zensei̱ zaamwe.
5 Itaka de lye, kubba yooyo yaali̱koori̱,
nsi yaagi̱hangi̱ri̱ na ngalu zaamwe.
6 Mwi̱ze tu̱ramye tu̱b̯u̱ndeeri̱,
tu̱mu̱ku̱ndi̱re malu̱ Mukama Mu̱hangi̱ weetu̱!
twe tuli bantu bei̱li̱i̱si̱i̱ryo lyamwe,
kandi ntaama za mukono gwamwe.
Kiro kyadeeru b̯u̱mwakeegwa iraka lyamwe,
8 95:8 Kidemu 17:1-7; Kubala 20:2-13mu̱tataati̱i̱rya mitima myenyu̱,
nka bahaaha beenyu̱ ku̱bakoori̱ mu Meri̱bba na Maasa nibali mwirungu.
9 Bandengi̱ri̱ kandi baapi̱ma kugumisiriza kwange,
nab̯ubaali baweeni̱ bi̱nyabakoleeri̱.
10 Nyabi̱hi̱ri̱i̱rwe bantu ba mu̱hi̱hi̱ gu̱gwo kumala myaka maku̱mi̱ ganei,
nyaakoba yati, “Bali bantu bahabi̱ri̱ mitima,
kandi ti̱beegi̱ri̱ mihanda myange.”
11 95:11 Kubala 14:20-23; Kyabiragiro 1:34-36; Bahebburaniya 4:3, 5; 95:11 Kyabiragiro 12:9, 10Kyokyo nyaarahi̱ri̱i̱ri̱ na ki̱ni̱ga ninkoba yati,
“Tihaloho noomwe mu mu̱hi̱hi̱ gwenyu̱ alingira mu kiikaru kya b̯uhuumulo b̯wange.”