113
1 Haari̱i̱ze Mukama!
Haari̱i̱ze, ai̱ baheereza ba Mukama,
muhaariize ibara lya Mukama
2 Ibara lya Mukama balihaariize,
hataati̱, na biro byensei̱!
3 Ibara lya Mukama lihaariizib̯we
kalyoba nikakuhuluka ku̱doosya nikaku̱gwa!
4 Mukama alema mahanga gensei̱,
na ki̱ti̱i̱ni̱sa kyamwe kili hakyendi̱ hoi̱ weiguru!
5 Tihaloho akwisana Mukama Ruhanga weetu̱,
ei̱cali̱i̱ri̱ hakyendi̱ hoi̱,
6 alingiira hadei
naawona iguru na nsi.
7 Abyokya munaku namutoola mwicuucu,
museege namutoola mwi̱syanu̱,
8 nabeicaarya hamwei̱ na bayolo,
na bayolo ba bantu baamwe.
9 Mu̱kali̱ ngumba amuha ki̱ti̱i̱ni̱sa mu maka gaamwe,
naamufoora Mma baana wa masanyu.
Haari̱i̱ze Mukama!