15
Gua sapu Hiva nia sa Tamasa
(Keke kinera te Devita)
1 Kei Zihova, esei si boka nuquru pa Mua Zelepade hopena?
Esei si boka vahesigo koasa Mua toqere hope sapu pa Zaione?
2 Asa mo sapu va tabea sa zinama te Tamasa koari doduru ginugua,
meke evaṉia gua sapu toṉoto doduru totoso,
meke zama nia sa hinokara mae gua pa bulona.
3 Asa mo sapu lopu nanae pa zinama,
meke lopu tavete va kaleana la koari na nana baere,
na lopu zuzutu la koari na turaṉana!
4 Etuli sa saripu kilua sa Tamasa,
ba va lavati sa saripu pamaṉa nia se Zihova!
Be tasuna pa nana kinokoa,
ba va gorevura i sa sari nana vina tatara doduru totoso.
5 Va malumia sa sa nana poata, pude toka ni saripu hiva nia,
ba lopu tomo la nia sa sa tinoqolona totoso hobe pulea rini sa nana poata,
meke lopu hite ade vagia sa sa tinabara sekesekeina
pude ṉoṉovali sari na tie loke dia sinea.
Asa sapu evaṉi sari na hahanana arini,
si lopu boka tava rizu ba turu hola.