82
Tamasa sa Ṉati Hiniva pu Ululu Holani sari Doduru Tamasa
(Keke kinera te Asapa)
1 Tamasa si vata evaṉae nia si keke vinaripitui hopena,
meke gegesi Sa sari na baṉara pu varigara vasina.* Sa ginuana sa zinama pa Hiburu sapu ta iliri “baṉara” si lopu bakala. Kaiqa tie si balabala ia sapu zama ni sa sari na mateana, babe sari na tie pu tavahesi gua rina tamasa koarini pu lopu na tie Ziu. Kaiqa pule si balabala ia sapu zama ni sa sari na baṉara pa kasia popoa.
2 “Vea seunae gua sapu kaqu lopu toṉoto sari na mia vinaripitui,
meke toka kale ni gamu sari na tie kaleadi?
3 Mi toka ni sari pu malohoro, na eapa;
mi tavete valeana la koari pu malaṉa meke saripu ta doṉo palaedi.
4 Mi va sarei saripu malohoro na malaṉa,
mi harupi koasa ṉiniraṉira tadi na tie kaleadi.
5 Na tie pupuhu mia,
meke kaleamia hola si gamu,
meke sa tinoṉoto si ele murimuri taloa hokara pa kasia popoa.
6 Zama si Rau, ‘Sapu na tamasa si gamu,* Zn 10:34
gamu doduru si na tuna sa Tamasa sapu Ululuna Hola.’
7 Ba kaqu mate guana tie mo si gamu;
sari na mia tinoa si kaqu mate kekeṉoṉo gua mo ari na tie nomadi.”
8 Kei Tamasa, Mu mae, Mamu koa baṉara nia sa kasia popoa,
Ura Tamugoi sari na butubutu!
*82:1 Sa ginuana sa zinama pa Hiburu sapu ta iliri “baṉara” si lopu bakala. Kaiqa tie si balabala ia sapu zama ni sa sari na mateana, babe sari na tie pu tavahesi gua rina tamasa koarini pu lopu na tie Ziu. Kaiqa pule si balabala ia sapu zama ni sa sari na baṉara pa kasia popoa.