Ⅰ ಖ್ರೀಷ್ಟಾದ್ ಯದಿ ಕಿಮಪಿ ಸಾನ್ತ್ವನಂ ಕಶ್ಚಿತ್ ಪ್ರೇಮಜಾತೋ ಹರ್ಷಃ ಕಿಞ್ಚಿದ್ ಆತ್ಮನಃ ಸಮಭಾಗಿತ್ವಂ ಕಾಚಿದ್ ಅನುಕಮ್ಪಾ ಕೃಪಾ ವಾ ಜಾಯತೇ ತರ್ಹಿ ಯೂಯಂ ಮಮಾಹ್ಲಾದಂ ಪೂರಯನ್ತ

Ⅱ ಏಕಭಾವಾ ಏಕಪ್ರೇಮಾಣ ಏಕಮನಸ ಏಕಚೇಷ್ಟಾಶ್ಚ ಭವತ|

Ⅲ ವಿರೋಧಾದ್ ದರ್ಪಾದ್ ವಾ ಕಿಮಪಿ ಮಾ ಕುರುತ ಕಿನ್ತು ನಮ್ರತಯಾ ಸ್ವೇಭ್ಯೋಽಪರಾನ್ ವಿಶಿಷ್ಟಾನ್ ಮನ್ಯಧ್ವಂ|

Ⅳ ಕೇವಲಮ್ ಆತ್ಮಹಿತಾಯ ನ ಚೇಷ್ಟಮಾನಾಃ ಪರಹಿತಾಯಾಪಿ ಚೇಷ್ಟಧ್ವಂ|

Ⅴ ಖ್ರೀಷ್ಟಸ್ಯ ಯೀಶೋ ರ್ಯಾದೃಶಃ ಸ್ವಭಾವೋ ಯುಷ್ಮಾಕಮ್ ಅಪಿ ತಾದೃಶೋ ಭವತು|

Ⅵ ಸ ಈಶ್ವರರೂಪೀ ಸನ್ ಸ್ವಕೀಯಾಮ್ ಈಶ್ವರತುಲ್ಯತಾಂ ಶ್ಲಾಘಾಸ್ಪದಂ ನಾಮನ್ಯತ,

Ⅶ ಕಿನ್ತು ಸ್ವಂ ಶೂನ್ಯಂ ಕೃತ್ವಾ ದಾಸರೂಪೀ ಬಭೂವ ನರಾಕೃತಿಂ ಲೇಭೇ ಚ|

Ⅷ ಇತ್ಥಂ ನರಮೂರ್ತ್ತಿಮ್ ಆಶ್ರಿತ್ಯ ನಮ್ರತಾಂ ಸ್ವೀಕೃತ್ಯ ಮೃತ್ಯೋರರ್ಥತಃ ಕ್ರುಶೀಯಮೃತ್ಯೋರೇವ ಭೋಗಾಯಾಜ್ಞಾಗ್ರಾಹೀ ಬಭೂವ|

Ⅸ ತತ್ಕಾರಣಾದ್ ಈಶ್ವರೋಽಪಿ ತಂ ಸರ್ವ್ವೋನ್ನತಂ ಚಕಾರ ಯಚ್ಚ ನಾಮ ಸರ್ವ್ವೇಷಾಂ ನಾಮ್ನಾಂ ಶ್ರೇಷ್ಠಂ ತದೇವ ತಸ್ಮೈ ದದೌ,

Ⅹ ತತಸ್ತಸ್ಮೈ ಯೀಶುನಾಮ್ನೇ ಸ್ವರ್ಗಮರ್ತ್ಯಪಾತಾಲಸ್ಥಿತೈಃ ಸರ್ವ್ವೈ ರ್ಜಾನುಪಾತಃ ಕರ್ತ್ತವ್ಯಃ,

Ⅺ ತಾತಸ್ಥೇಶ್ವರಸ್ಯ ಮಹಿಮ್ನೇ ಚ ಯೀಶುಖ್ರೀಷ್ಟಃ ಪ್ರಭುರಿತಿ ಜಿಹ್ವಾಭಿಃ ಸ್ವೀಕರ್ತ್ತವ್ಯಂ|

Ⅻ ಅತೋ ಹೇ ಪ್ರಿಯತಮಾಃ, ಯುಷ್ಮಾಭಿ ರ್ಯದ್ವತ್ ಸರ್ವ್ವದಾ ಕ್ರಿಯತೇ ತದ್ವತ್ ಕೇವಲೇ ಮಮೋಪಸ್ಥಿತಿಕಾಲೇ ತನ್ನಹಿ ಕಿನ್ತ್ವಿದಾನೀಮ್ ಅನುಪಸ್ಥಿತೇಽಪಿ ಮಯಿ ಬಹುತರಯತ್ನೇನಾಜ್ಞಾಂ ಗೃಹೀತ್ವಾ ಭಯಕಮ್ಪಾಭ್ಯಾಂ ಸ್ವಸ್ವಪರಿತ್ರಾಣಂ ಸಾಧ್ಯತಾಂ|

ⅩⅢ ಯತ ಈಶ್ವರ ಏವ ಸ್ವಕೀಯಾನುರೋಧಾದ್ ಯುಷ್ಮನ್ಮಧ್ಯೇ ಮನಸ್ಕಾಮನಾಂ ಕರ್ಮ್ಮಸಿದ್ಧಿಞ್ಚ ವಿದಧಾತಿ|

ⅩⅣ ಯೂಯಂ ಕಲಹವಿವಾದರ್ವಿಜತಮ್ ಆಚಾರಂ ಕುರ್ವ್ವನ್ತೋಽನಿನ್ದನೀಯಾ ಅಕುಟಿಲಾ

ⅩⅤ ಈಶ್ವರಸ್ಯ ನಿಷ್ಕಲಙ್ಕಾಶ್ಚ ಸನ್ತಾನಾಇವ ವಕ್ರಭಾವಾನಾಂ ಕುಟಿಲಾಚಾರಿಣಾಞ್ಚ ಲೋಕಾನಾಂ ಮಧ್ಯೇ ತಿಷ್ಠತ,

ⅩⅥ ಯತಸ್ತೇಷಾಂ ಮಧ್ಯೇ ಯೂಯಂ ಜೀವನವಾಕ್ಯಂ ಧಾರಯನ್ತೋ ಜಗತೋ ದೀಪಕಾ ಇವ ದೀಪ್ಯಧ್ವೇ| ಯುಷ್ಮಾಭಿಸ್ತಥಾ ಕೃತೇ ಮಮ ಯತ್ನಃ ಪರಿಶ್ರಮೋ ವಾ ನ ನಿಷ್ಫಲೋ ಜಾತ ಇತ್ಯಹಂ ಖ್ರೀಷ್ಟಸ್ಯ ದಿನೇ ಶ್ಲಾಘಾಂ ಕರ್ತ್ತುಂ ಶಕ್ಷ್ಯಾಮಿ|

ⅩⅦ ಯುಷ್ಮಾಕಂ ವಿಶ್ವಾಸಾರ್ಥಕಾಯ ಬಲಿದಾನಾಯ ಸೇವನಾಯ ಚ ಯದ್ಯಪ್ಯಹಂ ನಿವೇದಿತವ್ಯೋ ಭವೇಯಂ ತಥಾಪಿ ತೇನಾನನ್ದಾಮಿ ಸರ್ವ್ವೇಷಾಂ ಯುಷ್ಮಾಕಮ್ ಆನನ್ದಸ್ಯಾಂಶೀ ಭವಾಮಿ ಚ|

ⅩⅧ ತದ್ವದ್ ಯೂಯಮಪ್ಯಾನನ್ದತ ಮದೀಯಾನನ್ದಸ್ಯಾಂಶಿನೋ ಭವತ ಚ|

ⅩⅨ ಯುಷ್ಮಾಕಮ್ ಅವಸ್ಥಾಮ್ ಅವಗತ್ಯಾಹಮಪಿ ಯತ್ ಸಾನ್ತ್ವನಾಂ ಪ್ರಾಪ್ನುಯಾಂ ತದರ್ಥಂ ತೀಮಥಿಯಂ ತ್ವರಯಾ ಯುಷ್ಮತ್ಸಮೀಪಂ ಪ್ರೇಷಯಿಷ್ಯಾಮೀತಿ ಪ್ರಭೌ ಪ್ರತ್ಯಾಶಾಂ ಕುರ್ವ್ವೇ|

ⅩⅩ ಯಃ ಸತ್ಯರೂಪೇಣ ಯುಷ್ಮಾಕಂ ಹಿತಂ ಚಿನ್ತಯತಿ ತಾದೃಶ ಏಕಭಾವಸ್ತಸ್ಮಾದನ್ಯಃ ಕೋಽಪಿ ಮಮ ಸನ್ನಿಧೌ ನಾಸ್ತಿ|

ⅩⅪ ಯತೋಽಪರೇ ಸರ್ವ್ವೇ ಯೀಶೋಃ ಖ್ರೀಷ್ಟಸ್ಯ ವಿಷಯಾನ್ ನ ಚಿನ್ತಯನ್ತ ಆತ್ಮವಿಷಯಾನ್ ಚಿನ್ತಯನ್ತಿ|

ⅩⅫ ಕಿನ್ತು ತಸ್ಯ ಪರೀಕ್ಷಿತತ್ವಂ ಯುಷ್ಮಾಭಿ ರ್ಜ್ಞಾಯತೇ ಯತಃ ಪುತ್ರೋ ಯಾದೃಕ್ ಪಿತುಃ ಸಹಕಾರೀ ಭವತಿ ತಥೈವ ಸುಸಂವಾದಸ್ಯ ಪರಿಚರ್ಯ್ಯಾಯಾಂ ಸ ಮಮ ಸಹಕಾರೀ ಜಾತಃ|

ⅩⅩⅢ ಅತಏವ ಮಮ ಭಾವಿದಶಾಂ ಜ್ಞಾತ್ವಾ ತತ್ಕ್ಷಣಾತ್ ತಮೇವ ಪ್ರೇಷಯಿತುಂ ಪ್ರತ್ಯಾಶಾಂ ಕುರ್ವ್ವೇ

ⅩⅩⅣ ಸ್ವಯಮ್ ಅಹಮಪಿ ತೂರ್ಣಂ ಯುಷ್ಮತ್ಸಮೀಪಂ ಗಮಿಷ್ಯಾಮೀತ್ಯಾಶಾಂ ಪ್ರಭುನಾ ಕುರ್ವ್ವೇ|

ⅩⅩⅤ ಅಪರಂ ಯ ಇಪಾಫ್ರದೀತೋ ಮಮ ಭ್ರಾತಾ ಕರ್ಮ್ಮಯುದ್ಧಾಭ್ಯಾಂ ಮಮ ಸಹಾಯಶ್ಚ ಯುಷ್ಮಾಕಂ ದೂತೋ ಮದೀಯೋಪಕಾರಾಯ ಪ್ರತಿನಿಧಿಶ್ಚಾಸ್ತಿ ಯುಷ್ಮತ್ಸಮೀಪೇ ತಸ್ಯ ಪ್ರೇಷಣಮ್ ಆವಶ್ಯಕಮ್ ಅಮನ್ಯೇ|

ⅩⅩⅥ ಯತಃ ಸ ಯುಷ್ಮಾನ್ ಸರ್ವ್ವಾನ್ ಅಕಾಙ್ಕ್ಷತ ಯುಷ್ಮಾಭಿಸ್ತಸ್ಯ ರೋಗಸ್ಯ ವಾರ್ತ್ತಾಶ್ರಾವೀತಿ ಬುದ್ಧ್ವಾ ಪರ್ಯ್ಯಶೋಚಚ್ಚ|

ⅩⅩⅦ ಸ ಪೀಡಯಾ ಮೃತಕಲ್ಪೋಽಭವದಿತಿ ಸತ್ಯಂ ಕಿನ್ತ್ವೀಶ್ವರಸ್ತಂ ದಯಿತವಾನ್ ಮಮ ಚ ದುಃಖಾತ್ ಪರಂ ಪುನರ್ದುಃಖಂ ಯನ್ನ ಭವೇತ್ ತದರ್ಥಂ ಕೇವಲಂ ತಂ ನ ದಯಿತ್ವಾ ಮಾಮಪಿ ದಯಿತವಾನ್|

ⅩⅩⅧ ಅತಏವ ಯೂಯಂ ತಂ ವಿಲೋಕ್ಯ ಯತ್ ಪುನರಾನನ್ದೇತ ಮಮಾಪಿ ದುಃಖಸ್ಯ ಹ್ರಾಸೋ ಯದ್ ಭವೇತ್ ತದರ್ಥಮ್ ಅಹಂ ತ್ವರಯಾ ತಮ್ ಅಪ್ರೇಷಯಂ|

ⅩⅩⅨ ಅತೋ ಯೂಯಂ ಪ್ರಭೋಃ ಕೃತೇ ಸಮ್ಪೂರ್ಣೇನಾನನ್ದೇನ ತಂ ಗೃಹ್ಲೀತ ತಾದೃಶಾನ್ ಲೋಕಾಂಶ್ಚಾದರಣೀಯಾನ್ ಮನ್ಯಧ್ವಂ|

ⅩⅩⅩ ಯತೋ ಮಮ ಸೇವನೇ ಯುಷ್ಮಾಕಂ ತ್ರುಟಿಂ ಪೂರಯಿತುಂ ಸ ಪ್ರಾಣಾನ್ ಪಣೀಕೃತ್ಯ ಖ್ರೀಷ್ಟಸ್ಯ ಕಾರ್ಯ್ಯಾರ್ಥಂ ಮೃತಪ್ರಾಯೇಽಭವತ್|