Ⅲ
Ⅰ ହେ ଭ୍ରାତରଃ, ଶେଷେ ୱଦାମି, ଯୂଯମ୍ ଅସ୍ମଭ୍ୟମିଦଂ ପ୍ରାର୍ଥଯଧ୍ୱଂ ଯତ୍ ପ୍ରଭୋ ର୍ୱାକ୍ୟଂ ଯୁଷ୍ମାକଂ ମଧ୍ୟେ ଯଥା ତଥୈୱାନ୍ୟତ୍ରାପି ପ୍ରଚରେତ୍ ମାନ୍ୟଞ୍ଚ ଭୱେତ୍;
Ⅱ ଯଚ୍ଚ ୱଯମ୍ ଅୱିୱେଚକେଭ୍ୟୋ ଦୁଷ୍ଟେଭ୍ୟଶ୍ଚ ଲୋକେଭ୍ୟୋ ରକ୍ଷାଂ ପ୍ରାପ୍ନୁଯାମ ଯତଃ ସର୍ୱ୍ୱେଷାଂ ୱିଶ୍ୱାସୋ ନ ଭୱତି|
Ⅲ କିନ୍ତୁ ପ୍ରଭୁ ର୍ୱିଶ୍ୱାସ୍ୟଃ ସ ଏୱ ଯୁଷ୍ମାନ୍ ସ୍ଥିରୀକରିଷ୍ୟତି ଦୁଷ୍ଟସ୍ୟ କରାଦ୍ ଉଦ୍ଧରିଷ୍ୟତି ଚ|
Ⅳ ଯୂଯମ୍ ଅସ୍ମାଭି ର୍ୟଦ୍ ଆଦିଶ୍ୟଧ୍ୱେ ତତ୍ କୁରୁଥ କରିଷ୍ୟଥ ଚେତି ୱିଶ୍ୱାସୋ ଯୁଷ୍ମାନଧି ପ୍ରଭୁନାସ୍ମାକଂ ଜାଯତେ|
Ⅴ ଈଶ୍ୱରସ୍ୟ ପ୍ରେମ୍ନି ଖ୍ରୀଷ୍ଟସ୍ୟ ସହିଷ୍ଣୁତାଯାଞ୍ଚ ପ୍ରଭୁଃ ସ୍ୱଯଂ ଯୁଷ୍ମାକମ୍ ଅନ୍ତଃକରଣାନି ୱିନଯତୁ|
Ⅵ ହେ ଭ୍ରାତରଃ, ଅସ୍ମତ୍ପ୍ରଭୋ ର୍ୟୀଶୁଖ୍ରୀଷ୍ଟସ୍ୟ ନାମ୍ନା ୱଯଂ ଯୁଷ୍ମାନ୍ ଇଦମ୍ ଆଦିଶାମଃ, ଅସ୍ମତ୍ତୋ ଯୁଷ୍ମାଭି ର୍ୟା ଶିକ୍ଷଲମ୍ଭି ତାଂ ୱିହାଯ କଶ୍ଚିଦ୍ ଭ୍ରାତା ଯଦ୍ୟୱିହିତାଚାରଂ କରୋତି ତର୍ହି ଯୂଯଂ ତସ୍ମାତ୍ ପୃଥଗ୍ ଭୱତ|
Ⅶ ଯତୋ ୱଯଂ ଯୁଷ୍ମାଭିଃ କଥମ୍ ଅନୁକର୍ତ୍ତୱ୍ୟାସ୍ତଦ୍ ଯୂଯଂ ସ୍ୱଯଂ ଜାନୀଥ| ଯୁଷ୍ମାକଂ ମଧ୍ୟେ ୱଯମ୍ ଅୱିହିତାଚାରିଣୋ ନାଭୱାମ,
Ⅷ ୱିନାମୂଲ୍ୟଂ କସ୍ୟାପ୍ୟନ୍ନଂ ନାଭୁଂଜ୍ମହି କିନ୍ତୁ କୋଽପି ଯଦ୍ ଅସ୍ମାଭି ର୍ଭାରଗ୍ରସ୍ତୋ ନ ଭୱେତ୍ ତଦର୍ଥଂ ଶ୍ରମେଣ କ୍ଲେଶେନ ଚ ଦିୱାନିଶଂ କାର୍ୟ୍ୟମ୍ ଅକୁର୍ମ୍ମ|
Ⅸ ଅତ୍ରାସ୍ମାକମ୍ ଅଧିକାରୋ ନାସ୍ତୀତ୍ଥଂ ନହି କିନ୍ତ୍ୱସ୍ମାକମ୍ ଅନୁକରଣାଯ ଯୁଷ୍ମାନ୍ ଦୃଷ୍ଟାନ୍ତଂ ଦର୍ଶଯିତୁମ୍ ଇଚ୍ଛନ୍ତସ୍ତଦ୍ ଅକୁର୍ମ୍ମ|
Ⅹ ଯତୋ ଯେନ କାର୍ୟ୍ୟଂ ନ କ୍ରିଯତେ ତେନାହାରୋଽପି ନ କ୍ରିଯତାମିତି ୱଯଂ ଯୁଷ୍ମତ୍ସମୀପ ଉପସ୍ଥିତିକାଲେଽପି ଯୁଷ୍ମାନ୍ ଆଦିଶାମ|
Ⅺ ଯୁଷ୍ମନ୍ମଧ୍ୟେ ଽୱିହିତାଚାରିଣଃ କେଽପି ଜନା ୱିଦ୍ୟନ୍ତେ ତେ ଚ କାର୍ୟ୍ୟମ୍ ଅକୁର୍ୱ୍ୱନ୍ତ ଆଲସ୍ୟମ୍ ଆଚରନ୍ତୀତ୍ୟସ୍ମାଭିଃ ଶ୍ରୂଯତେ|
Ⅻ ତାଦୃଶାନ୍ ଲୋକାନ୍ ଅସ୍ମତପ୍ରଭୋ ର୍ୟୀଶୁଖ୍ରୀଷ୍ଟସ୍ୟ ନାମ୍ନା ୱଯମ୍ ଇଦମ୍ ଆଦିଶାମ ଆଜ୍ଞାପଯାମଶ୍ଚ, ତେ ଶାନ୍ତଭାୱେନ କାର୍ୟ୍ୟଂ କୁର୍ୱ୍ୱନ୍ତଃ ସ୍ୱକୀଯମନ୍ନଂ ଭୁଞ୍ଜତାଂ|
ⅩⅢ ଅପରଂ ହେ ଭ୍ରାତରଃ, ଯୂଯଂ ସଦାଚରଣେ ନ କ୍ଲାମ୍ୟତ|
ⅩⅣ ଯଦି ଚ କଶ୍ଚିଦେତତ୍ପତ୍ରେ ଲିଖିତାମ୍ ଅସ୍ମାକମ୍ ଆଜ୍ଞାଂ ନ ଗୃହ୍ଲାତି ତର୍ହି ଯୂଯଂ ତଂ ମାନୁଷଂ ଲକ୍ଷଯତ ତସ୍ୟ ସଂସର୍ଗଂ ତ୍ୟଜତ ଚ ତେନ ସ ତ୍ରପିଷ୍ୟତେ|
ⅩⅤ କିନ୍ତୁ ତଂ ନ ଶତ୍ରୁଂ ମନ୍ୟମାନା ଭ୍ରାତରମିୱ ଚେତଯତ|
ⅩⅥ ଶାନ୍ତିଦାତା ପ୍ରଭୁଃ ସର୍ୱ୍ୱତ୍ର ସର୍ୱ୍ୱଥା ଯୁଷ୍ମଭ୍ୟଂ ଶାନ୍ତିଂ ଦେଯାତ୍| ପ୍ରଭୁ ର୍ୟୁଷ୍ମାକଂ ସର୍ୱ୍ୱେଷାଂ ସଙ୍ଗୀ ଭୂଯାତ୍|
ⅩⅦ ନମସ୍କାର ଏଷ ପୌଲସ୍ୟ ମମ କରେଣ ଲିଖିତୋଽଭୂତ୍ ସର୍ୱ୍ୱସ୍ମିନ୍ ପତ୍ର ଏତନ୍ମମ ଚିହ୍ନମ୍ ଏତାଦୃଶୈରକ୍ଷରୈ ର୍ମଯା ଲିଖ୍ୟତେ|
ⅩⅧ ଅସ୍ମାକଂ ପ୍ରଭୋ ର୍ୟୀଶୁଖ୍ରୀଷ୍ଟସ୍ୟାନୁुଗ୍ରହଃ ସର୍ୱ୍ୱେଷୁ ଯୁଷ୍ମାସୁ ଭୂଯାତ୍| ଆମେନ୍|