Ⅴ
Ⅰ අපරම් අස්මාකම් ඒතස්මින් පාර්ථිවේ දූෂ්‍යරූපේ වේශ්මනි ජීර්ණේ සතීශ්වරේණ නිර්ම්මිතම් අකරකෘතම් අස්මාකම් අනන්තකාලස්ථායි වේශ්මෛකං ස්වර්ගේ විද්‍යත ඉති වයං ජානීමඃ|
Ⅱ යතෝ හේතෝරේතස්මින් වේශ්මනි තිෂ්ඨන්තෝ වයං තං ස්වර්ගීයං වාසං පරිධාතුම් ආකාඞ්ක්‍ෂ්‍යමාණා නිඃශ්වසාමඃ|
Ⅲ තථාපීදානීමපි වයං තේන න නග්නාඃ කින්තු පරිහිතවසනා මන්‍යාමහේ|
Ⅳ ඒතස්මින් දූෂ්‍යේ තිෂ්ඨනතෝ වයං ක්ලිශ්‍යමානා නිඃශ්වසාමඃ, යතෝ වයං වාසං ත්‍යක්තුම් ඉච්ඡාමස්තන්නහි කින්තු තං ද්විතීයං වාසං පරිධාතුම් ඉච්ඡාමඃ, යතස්තථා කෘතේ ජීවනේන මර්ත්‍යං ග්‍රසිෂ්‍යතේ|
Ⅴ ඒතදර්ථං වයං යේන සෘෂ්ටාඃ ස ඊශ්වර ඒව ස චාස්මභ්‍යං සත්‍යඞ්කාරස්‍ය පණස්වරූපම් ආත්මානං දත්තවාන්|
Ⅵ අතඒව වයං සර්ව්වදෝත්සුකා භවාමඃ කිඤ්ච ශරීරේ යාවද් අස්මාභි ර්න්‍යුෂ්‍යතේ තාවත් ප්‍රභුතෝ දූරේ ප්‍රෝෂ්‍යත ඉති ජානීමඃ,
Ⅶ යතෝ වයං දෘෂ්ටිමාර්ගේ න චරාමඃ කින්තු විශ්වාසමාර්ගේ|
Ⅷ අපරඤ්ච ශරීරාද් දූරේ ප්‍රවස්තුං ප්‍රභෝඃ සන්නිධෞ නිවස්තුඤ්චාකාඞ්ක්‍ෂ්‍යමාණා උත්සුකා භවාමඃ|
Ⅸ තස්මාදේව කාරණාද් වයං තස්‍ය සන්නිධෞ නිවසන්තස්තස්මාද් දූරේ ප්‍රවසන්තෝ වා තස්මෛ රෝචිතුං යතාමහේ|
Ⅹ යස්මාත් ශරීරාවස්ථායාම් ඒකෛකේන කෘතානාං කර්ම්මණාං ශුභාශුභඵලප්‍රාප්තයේ සර්ව්වෛස්මාභිඃ ඛ්‍රීෂ්ටස්‍ය විචාරාසනසම්මුඛ උපස්ථාතව්‍යං|
Ⅺ අතඒව ප්‍රභෝ ර්භයානකත්වං විඥාය වයං මනුජාන් අනුනයාමඃ කිඤ්චේශ්වරස්‍ය ගෝචරේ සප්‍රකාශා භවාමඃ, යුෂ්මාකං සංවේදගෝචරේ(අ)පි සප්‍රකාශා භවාම ඉත්‍යාශංසාමහේ|
Ⅻ අනේන වයං යුෂ්මාකං සන්නිධෞ පුනඃ ස්වාන් ප්‍රශංසාම ඉති නහි කින්තු යේ මනෝ විනා මුඛෛඃ ශ්ලාඝන්තේ තේභ්‍යඃ ප්‍රත්‍යුත්තරදානාය යූයං යථාස්මාභිඃ ශ්ලාඝිතුං ශක්නුථ තාදෘශම් උපායං යුෂ්මභ්‍යං විතරාමඃ|
ⅩⅢ යදි වයං හතඥානා භවාමස්තර්හි තද් ඊශ්වරාර්ථකං යදි ච සඥානා භවාමස්තර්හි තද් යුෂ්මදර්ථකං|
ⅩⅣ වයං ඛ්‍රීෂ්ටස්‍ය ප්‍රේම්නා සමාකෘෂ්‍යාමහේ යතඃ සර්ව්වේෂාං විනිමයේන යද්‍යේකෝ ජනෝ(අ)ම්‍රියත තර්හි තේ සර්ව්වේ මෘතා ඉත්‍යාස්මාභි ර්බුධ්‍යතේ|
ⅩⅤ අපරඤ්ච යේ ජීවන්ති තේ යත් ස්වාර්ථං න ජීවන්ති කින්තු තේෂාං කෘතේ යෝ ජනෝ මෘතඃ පුනරුත්ථාපිතශ්ච තමුද්දිශ්‍ය යත් ජීවන්ති තදර්ථමේව ස සර්ව්වේෂාං කෘතේ මෘතවාන්|
ⅩⅥ අතෝ හේතෝරිතඃ පරං කෝ(අ)ප්‍යස්මාභි ර්ජාතිතෝ න ප්‍රතිඥාතව්‍යඃ| යද්‍යපි පූර්ව්වං ඛ්‍රීෂ්ටෝ ජාතිතෝ(අ)ස්මාභිඃ ප්‍රතිඥාතස්තථාපීදානීං ජාතිතඃ පුන ර්න ප්‍රතිඥායතේ|
ⅩⅦ කේනචිත් ඛ්‍රීෂ්ට ආශ්‍රිතේ නූතනා සෘෂ්ටි ර්භවති පුරාතනානි ලුප්‍යන්තේ පශ්‍ය නිඛිලානි නවීනානි භවන්ති|
ⅩⅧ සර්ව්වඤ්චෛතද් ඊශ්වරස්‍ය කර්ම්ම යතෝ යීශුඛ්‍රීෂ්ටේන ස ඒවාස්මාන් ස්වේන සාර්ද්ධං සංහිතවාන් සන්ධානසම්බන්ධීයාං පරිචර‍්‍ය්‍යාම් අස්මාසු සමර්පිතවාංශ්ච|
ⅩⅨ යතඃ ඊශ්වරඃ ඛ්‍රීෂ්ටම් අධිෂ්ඨාය ජගතෝ ජනානාම් ආගාංසි තේෂාම් ඍණමිව න ගණයන් ස්වේන සාර්ද්ධං තාන් සංහිතවාන් සන්ධිවාර්ත්තාම් අස්මාසු සමර්පිතවාංශ්ච|
ⅩⅩ අතෝ වයං ඛ්‍රීෂ්ටස්‍ය විනිමයේන දෞත්‍යං කර්ම්ම සම්පාදයාමහේ, ඊශ්වරශ්චාස්මාභි ර‍්‍යුෂ්මාන් යායාච්‍යතේ තතඃ ඛ්‍රීෂ්ටස්‍ය විනිමයේන වයං යුෂ්මාන් ප්‍රාර්ථයාමහේ යූයමීශ්වරේණ සන්ධත්ත|
ⅩⅪ යතෝ වයං තේන යද් ඊශ්වරීයපුණ්‍යං භවාමස්තදර්ථං පාපේන සහ යස්‍ය ඥාතේයං නාසීත් ස ඒව තේනාස්මාකං විනිමයේන පාපඃ කෘතඃ|