Ⅷ
Ⅰ තස්‍ය හත්‍යාකරණං ශෞලෝපි සමමන්‍යත| තස්මින් සමයේ යිරූශාලම්නගරස්ථාං මණ්ඩලීං ප්‍රති මහාතාඩනායාං ජාතායාං ප්‍රේරිතලෝකාන් හිත්වා සර්ව්වේ(අ)පරේ යිහූදාශෝමිරෝණදේශයෝ ර්නානාස්ථානේ විකීර්ණාඃ සන්තෝ ගතාඃ|
Ⅱ අන්‍යච්ච භක්තලෝකාස්තං ස්තිඵානං ශ්මශානේ ස්ථාපයිත්වා බහු ව්‍යලපන්|
Ⅲ කින්තු ශෞලෝ ගෘහේ ගෘහේ භ්‍රමිත්වා ස්ත්‍රියඃ පුරුෂාංශ්ච ධෘත්වා කාරායාං බද්ධ්වා මණ්ඩල්‍යා මහෝත්පාතං කෘතවාන්|
Ⅳ අන්‍යච්ච යේ විකීර්ණා අභවන් තේ සර්ව්වත්‍ර භ්‍රමිත්වා සුසංවාදං ප්‍රාචාරයන්|
Ⅴ තදා ඵිලිපඃ ශෝමිරෝණ්නගරං ගත්වා ඛ්‍රීෂ්ටාඛ්‍යානං ප්‍රාචාරයත්;
Ⅵ තතෝ(අ)ශුචි-භෘතග්‍රස්තලෝකේභ්‍යෝ භූතාශ්චීත්කෘත්‍යාගච්ඡන් තථා බහවඃ පක්‍ෂාඝාතිනඃ ඛඤ්ජා ලෝකාශ්ච ස්වස්ථා අභවන්|
Ⅶ තස්මාත් ලාකා ඊදෘශං තස්‍යාශ්චර‍්‍ය්‍යං කර්ම්ම විලෝක්‍ය නිශම්‍ය ච සර්ව්ව ඒකචිත්තීභූය තේනෝක්තාඛ්‍යානේ මනාංසි න්‍යදධුඃ|
Ⅷ තස්මින්නගරේ මහානන්දශ්චාභවත්|
Ⅸ තතඃ පූර්ව්වං තස්මින්නගරේ ශිමෝන්නාමා කශ්චිජ්ජනෝ බහ්වී ර්මායාක්‍රියාඃ කෘත්වා ස්වං කඤ්චන මහාපුරුෂං ප්‍රෝච්‍ය ශෝමිරෝණීයානාං මෝහං ජනයාමාස|
Ⅹ තස්මාත් ස මානුෂ ඊශ්වරස්‍ය මහාශක්තිස්වරූප ඉත්‍යුක්ත්වා බාලවෘද්ධවනිතාඃ සර්ව්වේ ලාකාස්තස්මින් මනාංසි න්‍යදධුඃ|
Ⅺ ස බහුකාලාන් මායාවික්‍රියයා සර්ව්වාන් අතීව මෝහයාඤ්චකාර, තස්මාත් තේ තං මේනිරේ|
Ⅻ කින්ත්වීශ්වරස්‍ය රාජ්‍යස්‍ය යීශුඛ්‍රීෂ්ටස්‍ය නාම්නශ්චාඛ්‍යානප්‍රචාරිණඃ ඵිලිපස්‍ය කථායාං විශ්වස්‍ය තේෂාං ස්ත්‍රීපුරුෂෝභයලෝකා මජ්ජිතා අභවන්|
ⅩⅢ ශේෂේ ස ශිමෝනපි ස්වයං ප්‍රත්‍යෛත් තතෝ මජ්ජිතඃ සන් ඵිලිපේන කෘතාම් ආශ්චර‍්‍ය්‍යක්‍රියාං ලක්‍ෂණඤ්ච විලෝක්‍යාසම්භවං මන්‍යමානස්තේන සහ ස්ථිතවාන්|
ⅩⅣ ඉත්ථං ශෝමිරෝණ්දේශීයලෝකා ඊශ්වරස්‍ය කථාම් අගෘහ්ලන් ඉති වාර්ත්තාං යිරූශාලම්නගරස්ථප්‍රේරිතාඃ ප්‍රාප්‍ය පිතරං යෝහනඤ්ච තේෂාං නිකටේ ප්‍රේෂිතවන්තඃ|
ⅩⅤ තතස්තෞ තත් ස්ථානම් උපස්ථාය ලෝකා යථා පවිත්‍රම් ආත්මානං ප්‍රාප්නුවන්ති තදර්ථං ප්‍රාර්ථයේතාං|
ⅩⅥ යතස්තේ පුරා කේවලප්‍රභුයීශෝ ර්නාම්නා මජ්ජිතමාත්‍රා අභවන්, න තු තේෂාං මධ්‍යේ කමපි ප්‍රති පවිත්‍රස්‍යාත්මන ආවිර්භාවෝ ජාතඃ|
ⅩⅦ කින්තු ප්‍රේරිතාභ්‍යාං තේෂාං ගාත්‍රේෂු කරේෂ්වර්පිතේෂු සත්සු තේ පවිත්‍රම් ආත්මානම් ප්‍රාප්නුවන්|
ⅩⅧ ඉත්ථං ලෝකානාං ගාත්‍රේෂු ප්‍රේරිතයෝඃ කරාර්පණේන තාන් පවිත්‍රම් ආත්මානං ප්‍රාප්තාන් දෘෂ්ට්වා ස ශිමෝන් තයෝඃ සමීපේ මුද්‍රා ආනීය කථිතවාන්;
ⅩⅨ අහං යස්‍ය ගාත්‍රේ හස්තම් අර්පයිෂ්‍යාමි තස්‍යාපි යථේත්ථං පවිත්‍රාත්මප්‍රාප්ති ර්භවති තාදෘශීං ශක්තිං මහ්‍යං දත්තං|
ⅩⅩ කින්තු පිතරස්තං ප්‍රත්‍යවදත් තව මුද්‍රාස්ත්වයා විනශ්‍යන්තු යත ඊශ්වරස්‍ය දානං මුද්‍රාභිඃ ක්‍රීයතේ ත්වමිත්ථං බුද්ධවාන්;
ⅩⅪ ඊශ්වරාය තාවන්තඃකරණං සරලං නහි, තස්මාද් අත්‍ර තවාංශෝ(අ)ධිකාරශ්ච කෝපි නාස්ති|
ⅩⅫ අත ඒතත්පාපහේතෝඃ ඛේදාන්විතඃ සන් කේනාපි ප්‍රකාරේණ තව මනස ඒතස්‍යාඃ කුකල්පනායාඃ ක්‍ෂමා භවති, ඒතදර්ථම් ඊශ්වරේ ප්‍රාර්ථනාං කුරු;
ⅩⅩⅢ යතස්ත්වං තික්තපිත්තේ පාපස්‍ය බන්ධනේ ච යදසි තන්මයා බුද්ධම්|
ⅩⅩⅣ තදා ශිමෝන් අකථයත් තර්හි යුවාභ්‍යාමුදිතා කථා මයි යථා න ඵලති තදර්ථං යුවාං මන්නිමිත්තං ප්‍රභෞ ප්‍රාර්ථනාං කුරුතං|
ⅩⅩⅤ අනේන ප්‍රකාරේණ තෞ සාක්‍ෂ්‍යං දත්ත්වා ප්‍රභෝඃ කථාං ප්‍රචාරයන්තෞ ශෝමිරෝණීයානාම් අනේකග්‍රාමේෂු සුසංවාදඤ්ච ප්‍රචාරයන්තෞ යිරූශාලම්නගරං පරාවෘත්‍ය ගතෞ|
ⅩⅩⅥ තතඃ පරම් ඊශ්වරස්‍ය දූතඃ ඵිලිපම් ඉත්‍යාදිශත්, ත්වමුත්ථාය දක්‍ෂිණස්‍යාං දිශි යෝ මාර්ගෝ ප්‍රාන්තරස්‍ය මධ්‍යේන යිරූශාලමෝ (අ)සානගරං යාති තං මාර්ගං ගච්ඡ|
ⅩⅩⅦ තතඃ ස උත්ථාය ගතවාන්; තදා කන්දාකීනාම්නඃ කූශ්ලෝකානාං රාඥ්‍යාඃ සර්ව්වසම්පත්තේරධීශඃ කූශදේශීය ඒකඃ ෂණ්ඩෝ භජනාර්ථං යිරූශාලම්නගරම් ආගත්‍ය
ⅩⅩⅧ පුනරපි රථමාරුහ්‍ය යිශයියනාම්නෝ භවිෂ්‍යද්වාදිනෝ ග්‍රන්ථං පඨන් ප්‍රත්‍යාගච්ඡති|
ⅩⅩⅨ ඒතස්මින් සමයේ ආත්මා ඵිලිපම් අවදත්, ත්වම් රථස්‍ය සමීපං ගත්වා තේන සාර්ද්ධං මිල|
ⅩⅩⅩ තස්මාත් ස ධාවන් තස්‍ය සන්නිධාවුපස්ථාය තේන පඨ්‍යමානං යිශයියථවිෂ්‍යද්වාදිනෝ වාක්‍යං ශ්‍රුත්වා පෘෂ්ටවාන් යත් පඨසි තත් කිං බුධ්‍යසේ?
ⅩⅩⅪ තතඃ ස කථිතවාන් කේනචින්න බෝධිතෝහං කථං බුධ්‍යේය? තතඃ ස ඵිලිපං රථමාරෝඪුං ස්වේන සාර්ද්ධම් උපවේෂ්ටුඤ්ච න්‍යවේදයත්|
ⅩⅩⅫ ස ශාස්ත්‍රස්‍යේතද්වාක්‍යං පඨිතවාන් යථා, සමානීයත ඝාතාය ස යථා මේෂශාවකඃ| ලෝමච්ඡේදකසාක්‍ෂාච්ච මේෂශ්ච නීරවෝ යථා| ආබධ්‍ය වදනං ස්වීයං තථා ස සමතිෂ්ඨත|
ⅩⅩⅩⅢ අන්‍යායේන විචාරේණ ස උච්ඡින්නෝ (අ)භවත් තදා| තත්කාලීනමනුෂ්‍යාන් කෝ ජනෝ වර්ණයිතුං ක්‍ෂමඃ| යතෝ ජීවන්නෘණාං දේශාත් ස උච්ඡින්නෝ (අ)භවත් ධ්‍රුවං|
ⅩⅩⅩⅣ අනන්තරං ස ඵිලිපම් අවදත් නිවේදයාමි, භවිෂ්‍යද්වාදී යාමිමාං කථාං කථයාමාස ස කිං ස්වස්මින් වා කස්මිංශ්චිද් අන්‍යස්මින්?
ⅩⅩⅩⅤ තතඃ ඵිලිපස්තත්ප්‍රකරණම් ආරභ්‍ය යීශෝරුපාඛ්‍යානං තස්‍යාග්‍රේ ප්‍රාස්තෞත්|
ⅩⅩⅩⅥ ඉත්ථං මාර්ගේණ ගච්ඡන්තෞ ජලාශයස්‍ය සමීප උපස්ථිතෞ; තදා ක්ලීබෝ(අ)වාදීත් පශ්‍යාත්‍ර ස්ථානේ ජලමාස්තේ මම මජ්ජනේ කා බාධා?
ⅩⅩⅩⅦ තතඃ ඵිලිප උත්තරං ව්‍යාහරත් ස්වාන්තඃකරණේන සාකං යදි ප්‍රත්‍යේෂි තර්හි බාධා නාස්ති| තතඃ ස කථිතවාන් යීශුඛ්‍රීෂ්ට ඊශ්වරස්‍ය පුත්‍ර ඉත්‍යහං ප්‍රත්‍යේමි|
ⅩⅩⅩⅧ තදා රථං ස්ථගිතං කර්ත්තුම් ආදිෂ්ටේ ඵිලිපක්ලීබෞ ද්වෞ ජලම් අවාරුහතාං; තදා ඵිලිපස්තම් මජ්ජයාමාස|
ⅩⅩⅩⅨ තත්පශ්චාත් ජලමධ්‍යාද් උත්ථිතයෝඃ සතෝඃ පරමේශ්වරස්‍යාත්මා ඵිලිපං හෘත්වා නීතවාන්, තස්මාත් ක්ලීබඃ පුනස්තං න දෘෂ්ටවාන් තථාපි හෘෂ්ටචිත්තඃ සන් ස්වමාර්ගේණ ගතවාන්|
ⅩⅬ ඵිලිපශ්චාස්දෝද්නගරම් උපස්ථාය තස්මාත් කෛසරියානගර උපස්ථිතිකාලපර‍්‍ය්‍යනතං සර්ව්වස්මින්නගරේ සුසංවාදං ප්‍රචාරයන් ගතවාන්|