Ⅹ
Ⅰ අනන්තරං ස්වර්ගාද් අවරෝහන් අපර ඒකෝ මහාබලෝ දූතෝ මයා දෘෂ්ටඃ, ස පරිහිතමේඝස්තස්‍ය ශිරශ්ච මේඝධනුෂා භූෂිතං මුඛමණ්ඩලඤ්ච සූර‍්‍ය්‍යතුල්‍යං චරණෞ ච වහ්නිස්තම්භසමෞ|
Ⅱ ස ස්වකරේණ විස්තීර්ණමේකං ක්‍ෂූද්‍රග්‍රන්ථං ධාරයති, දක්‍ෂිණචරණේන සමුද්‍රේ වාමචරණේන ච ස්ථලේ තිෂ්ඨති|
Ⅲ ස සිංහගර්ජනවද් උච්චෛඃස්වරේණ න්‍යනදත් නිනාදේ කෘතේ සප්ත ස්තනිතානි ස්වකීයාන් ස්වනාන් ප්‍රාකාශයන්|
Ⅳ තෛඃ සප්ත ස්තනිතෛ ර්වාක්‍යේ කථිතේ (අ)හං තත් ලේඛිතුම් උද්‍යත ආසං කින්තු ස්වර්ගාද් වාගියං මයා ශ්‍රුතා සප්ත ස්තනිතෛ ර‍්‍යද් යද් උක්තං තත් මුද්‍රයාඞ්කය මා ලිඛ|
Ⅴ අපරං සමුද්‍රමේදින්‍යෝස්තිෂ්ඨන් යෝ දූතෝ මයා දෘෂ්ටඃ ස ගගනං ප්‍රති ස්වදක්‍ෂිණකරමුත්ථාප්‍ය
Ⅵ අපරං ස්වර්ගාද් යස්‍ය රවෝ මයාශ්‍රාවි ස පුන ර්මාං සම්භාව්‍යාවදත් ත්වං ගත්වා සමුද්‍රමේදින්‍යෝස්තිෂ්ඨතෝ දූතස්‍ය කරාත් තං විස්තීර්ණ ක්‍ෂුද්‍රග්‍රන්ථං ගෘහාණ, තේන මයා දූතසමීපං ගත්වා කථිතං ග්‍රන්ථෝ (අ)සෞ දීයතාං|
Ⅶ කින්තු තූරීං වාදිෂ්‍යතඃ සප්තමදූතස්‍ය තූරීවාදනසමය ඊශ්වරස්‍ය ගුප්තා මන්ත්‍රණා තස්‍ය දාසාන් භවිෂ්‍යද්වාදිනඃ ප්‍රති තේන සුසංවාදේ යථා ප්‍රකාශිතා තථෛව සිද්ධා භවිෂ්‍යති|
Ⅷ අපරං ස්වර්ගාද් යස්‍ය රවෝ මයාශ්‍රාවි ස පුන ර්මාං සම්භාෂ්‍යාවදත් ත්වං ගත්වා සමුද්‍රමේදින්‍යෝස්තිෂ්ඨතෝ දූතස්‍ය කරාත් තං විස්තීර්ණං ක්‍ෂුද්‍රග්‍රන්ථං ගෘහාණ,
Ⅸ තේන මයා දූතසමීපං ගත්වා කථිතං ග්‍රන්ථෝ (අ)සෞ දීයතාං| ස මාම් අවදත් තං ගෘහීත්වා ගිල, තවෝදරේ ස තික්තරසෝ භවිෂ්‍යති කින්තු මුඛේ මධුවත් ස්වාදු ර්භවිෂ්‍යති|
Ⅹ තේන මයා දූතස්‍ය කරාද් ග්‍රන්ථෝ ගෘහීතෝ ගිලිතශ්ච| ස තු මම මුඛේ මධුවත් ස්වාදුරාසීත් කින්ත්වදනාත් පරං මමෝදරස්තික්තතාං ගතඃ|
Ⅺ තතඃ ස මාම් අවදත් බහූන් ජාතිවංශභාෂාවදිරාජාන් අධි ත්වයා පුන ර්භවිෂ්‍යද්වාක්‍යං වක්තව්‍යං|