Ⅱ
Ⅰ పురా యూయమ్ అపరాధైః పాపైశ్చ మృతాః సన్తస్తాన్యాచరన్త ఇహలోకస్య సంసారానుసారేణాకాశరాజ్యస్యాధిపతిమ్
Ⅱ అర్థతః సామ్ప్రతమ్ ఆజ్ఞాలఙ్ఘివంశేషు కర్మ్మకారిణమ్ ఆత్మానమ్ అన్వవ్రజత|
Ⅲ తేషాం మధ్యే సర్వ్వే వయమపి పూర్వ్వం శరీరస్య మనస్కామనాయాఞ్చేహాం సాధయన్తః స్వశరీరస్యాభిలాషాన్ ఆచరామ సర్వ్వేఽన్య ఇవ చ స్వభావతః క్రోధభజనాన్యభవామ|
Ⅳ కిన్తు కరుణానిధిరీశ్వరో యేన మహాప్రేమ్నాస్మాన్ దయితవాన్
Ⅴ తస్య స్వప్రేమ్నో బాహుల్యాద్ అపరాధై ర్మృతానప్యస్మాన్ ఖ్రీష్టేన సహ జీవితవాన్ యతోఽనుగ్రహాద్ యూయం పరిత్రాణం ప్రాప్తాః|
Ⅵ స చ ఖ్రీష్టేన యీశునాస్మాన్ తేన సార్ద్ధమ్ ఉత్థాపితవాన్ స్వర్గ ఉపవేశితవాంశ్చ|
Ⅶ ఇత్థం స ఖ్రీష్టేన యీశునాస్మాన్ ప్రతి స్వహితైషితయా భావియుగేషు స్వకీయానుగ్రహస్యానుపమం నిధిం ప్రకాశయితుమ్ ఇచ్ఛతి|
Ⅷ యూయమ్ అనుగ్రహాద్ విశ్వాసేన పరిత్రాణం ప్రాప్తాః, తచ్చ యుష్మన్మూలకం నహి కిన్త్వీశ్వరస్యైవ దానం,
Ⅸ తత్ కర్మ్మణాం ఫలమ్ అపి నహి, అతః కేనాపి న శ్లాఘితవ్యం|
Ⅹ యతో వయం తస్య కార్య్యం ప్రాగ్ ఈశ్వరేణ నిరూపితాభిః సత్క్రియాభిః కాలయాపనాయ ఖ్రీష్టే యీశౌ తేన మృష్టాశ్చ|
Ⅺ పురా జన్మనా భిన్నజాతీయా హస్తకృతం త్వక్ఛేదం ప్రాప్తై ర్లోకైశ్చాచ్ఛిన్నత్వచ ఇతినామ్నా ఖ్యాతా యే యూయం తై ర్యుష్మాభిరిదం స్మర్త్తవ్యం
Ⅻ యత్ తస్మిన్ సమయే యూయం ఖ్రీష్టాద్ భిన్నా ఇస్రాయేలలోకానాం సహవాసాద్ దూరస్థాః ప్రతిజ్ఞాసమ్బలితనియమానాం బహిః స్థితాః సన్తో నిరాశా నిరీశ్వరాశ్చ జగత్యాధ్వమ్ ఇతి|
ⅩⅢ కిన్త్వధునా ఖ్రీష్టే యీశావాశ్రయం ప్రాప్య పురా దూరవర్త్తినో యూయం ఖ్రీష్టస్య శోణితేన నికటవర్త్తినోఽభవత|
ⅩⅣ యతః స ఏవాస్మాకం సన్ధిః స ద్వయమ్ ఏకీకృతవాన్ శత్రుతారూపిణీం మధ్యవర్త్తినీం ప్రభేదకభిత్తిం భగ్నవాన్ దణ్డాజ్ఞాయుక్తం విధిశాస్త్రం స్వశరీరేణ లుప్తవాంశ్చ|
ⅩⅤ యతః స సన్ధిం విధాయ తౌ ద్వౌ స్వస్మిన్ ఏకం నుతనం మానవం కర్త్తుం
ⅩⅥ స్వకీయక్రుశే శత్రుతాం నిహత్య తేనైవైకస్మిన్ శరీరే తయో ర్ద్వయోరీశ్వరేణ సన్ధిం కారయితుం నిశ్చతవాన్|
ⅩⅦ స చాగత్య దూరవర్త్తినో యుష్మాన్ నికటవర్త్తినో ఽస్మాంశ్చ సన్ధే ర్మఙ్గలవార్త్తాం జ్ఞాపితవాన్|
ⅩⅧ యతస్తస్మాద్ ఉభయపక్షీయా వయమ్ ఏకేనాత్మనా పితుః సమీపం గమనాయ సామర్థ్యం ప్రాప్తవన్తః|
ⅩⅨ అత ఇదానీం యూయమ్ అసమ్పర్కీయా విదేశినశ్చ న తిష్ఠనతః పవిత్రలోకైః సహవాసిన ఈశ్వరస్య వేశ్మవాసినశ్చాధ్వే|
ⅩⅩ అపరం ప్రేరితా భవిష్యద్వాదినశ్చ యత్ర భిత్తిమూలస్వరూపాస్తత్ర యూయం తస్మిన్ మూలే నిచీయధ్వే తత్ర చ స్వయం యీశుః ఖ్రీష్టః ప్రధానః కోణస్థప్రస్తరః|
ⅩⅪ తేన కృత్స్నా నిర్మ్మితిః సంగ్రథ్యమానా ప్రభోః పవిత్రం మన్దిరం భవితుం వర్ద్ధతే|
ⅩⅫ యూయమపి తత్ర సంగ్రథ్యమానా ఆత్మనేశ్వరస్య వాసస్థానం భవథ|