1 Inii weɗ naandsuku ŋ kuɓuuciŋ Noohin : Sem, Haam na Yaafet na ɓi rimkoh nga ɓa. Ŋ finho masma ɗumbee kehƴi, ɓa raakeen ɓi kuɓu ƴaar.

2 Ɓi rimkoh ŋ Yaafet nikee : Goomeer, Maagoog, Maaday, Yaawaan, Tubaal, Mesek na Tiiraas.

3 Askenas na Riifat na Toogarma, ɓa puloh ŋ Goomeer.

4 Eliisa, Tarsis, Kitiim na Doodaanim pulohha ŋ Yaawaan. 5 Ɓi puloh nga ɓa, ɓeɗ genee huntiɗkohiɗ na cookmi, ɓa ɓaatkeeɗa. Ɓaa nu ɓaaheen peɗeem ɗah, ɓaahha kur ; ɓa gennda cuuɓ cuuɓ.

6 Ɓi rimkoh ŋ Haam nikee : Kuus, Misrayim, Puut na Kanaan.

7 Sebaa, Hawiilaa, Sabtaah, Ra'amaa na Sabtekaa puloh ŋ Kuus.

Sabaa na Deedaan nammba puloh ŋ Ra'amaa.

8 Kuus a yi nam rim Nimrood, ƴaara koc nik jalmba kerhuuɗ ŋ kehƴi. 9 A nikee kaalsukoh yakak ŋ fiki Nikiɗi, po ɓa meeɗ woo ne : « Kaalsukoh yakak ŋ fiki Nikiɗi findi Nimrood. » 10 Kur-taah ca koc ŋ nguuraŋ ɗe ceɗ Baabel, Erek, Akkad na Kalne ngaŋ Sinyaar. 11 Nimrood puloh kur keem, a kaɗta Assuur a yippa kur-taah cii : Niniw, Rehobotiir, Kaalah 12 na Resen, kur-taaha yakka ŋ harmban Niniw na Kaalah.

13-14 Luud, Anaam, Lehaab, Naftuh, Patarus, Kasluh na Kaftoor puloh ŋ Misrayim. Ɓi puloh ŋ Kasluh, ɓeɗ rim Filistiici.

15 Kanaan saawkoh Sidoon, a degga Het nga. 16 Het a yi caaciŋ Yebuus ci, Amoor ci, Girgaas ci, 17 Hiw ci, Arkaaci, Sin ci, 18 Arwaad ci, Semaar ci na Hamaat ci.

Ŋ mirndaani ɓi puloh ŋ Kanaan pasarkohha cuuɓ-cuuɓ. 19 Ɓeɗ genee ini amboh Sidoon na ɓak Gerar po ŋ Gasaa ; na Sodom, Gomor, Atma na Seboyim, kaɗeeɗa po Leesa.

20 Ɓeem ɓeɗ ɓi puloh ŋ Haam. Ɓaa nu ɓaaheen peɗeem ɗah, ɓaahha kur ; ɓa gennda cuuɓ-cuuɓ.

21 Sem yi yakak Yaafet nameen raak ɓi kuɓu ƴaar, a yi caaciŋ Eber na ɓi puloh nga ɗe jen.

22 Ɓi rimkoh ŋ Sem nikee : Elaam, Assuur, Arpaksad, Luud na Aram.

23 Uus, Huul, Geter na Maas pulohha ŋ Aram.

24 Arpaksad nikka baabiŋ Selah, Selah nikka baabiŋ Eber.

25 Eber raakka kuɓu ƴaar kanak, yinoora teeksee Peleg laam a raaku ŋ jamanoona kehƴi paysohu. Taambɗoh ce teeksee Yaktaan.

26 Ɓii ɓeɗ puloh ŋ Yaktaan : Almodaad, Seelef, Hasarmaawet, Yeera, 27 Hadoraam, Usaal, Diklah, 28 Obaal, Abima'eel, Sabaa, 29 Ofir, Hawiilaa na Yoobaab ; ɓii jen ɓa puloh ŋ Yaktaan. 30 Ɓa genee ŋ harmban Messa na tangoocaŋ Sefaar, ŋ pulohaaɗ-noh.

31 Ɓeem ɓeɗ ɓi puloh ŋ Sem. Ɓaa nu ɓaaheen peɗeem ɗah, ɓaahha kur ; ɓa gennda cuuɓ-cuuɓ.

32 Cuuɓ ceem ceɗ puloh ŋ kuɓuuciŋ Noohin, findi ɓa ɓaahoh na findi ɓa genoh. Ɓi kur ci pasarkoh ŋ Adina jen puloh nga ɓa, ŋ finho ɗumbuukaŋ kehƴi na masuɓ.